海雲天

Open Now

Now Closed

喺YouTube見到海逸君綽酒店裏面嘅海雲天有點心放題，價錢好平，佢哋分時段，11:00或12:45每位$168，14:30每位$138，我揀咗14:30，任食90 分鐘，我經 whatsapp book 枱，等咗一個月先有位。首先講吓海雲天嘅環境，標準五星級酒嘅中菜廳，落地大玻璃望出去係全海景，非常光猛，我當日雖然唔係坐窗邊位置，但都望到海景，枱與枱之間唔會太迫，唔會太嘈，食得舒服。點心款式共有約40 款任點，基本嘅點心都有齊，而且味道都唔錯。每位客人都可獲贈佢哋嘅尊貴點心：花膠蟹肉灌湯餃、黑金燕窩蝦餃、原隻鮑魚珍珠雞，這3款點心只來一次，不是任食。我覺得灌湯餃最好食，珍珠雞嘅飽魚雖然細細隻，但真係原隻，有誠意。總結，雖然點心是普通的款色，但勝在係5星級酒店，有別於一般酒樓，點心好食，環境淸靜，景觀一流，每位只係$138，我覺得係超值。

最近海雲天有Promotion，加上YouTube有很多推介。男朋友為我慶祝生日，就去了這間餐廳。男友大概是一星期前訂位，很謝謝他的用心。沒有坐到海景位，是有點失望...留有遺憾，就要再去了點心紙的上方寫明有3件尊貴品嘗，食材包括：鮑魚、燕窩、花膠食物一上，就零抵抗力怎樣拍都很漂亮。由起初的很少碟，慢慢堆砌成山高。兩個人食，不用點粉、麵、飯，也很飽呢燒賣和蝦餃中間那道點心，是羊肚菌燒賣，相當罕見啊以下是我有拍下的點心，黑金蝦餃沒有個別拍，因為掉落地了男友很疼我，默默把他那隻蝦餃給了我

好耐無出去飲茶見海雲天午市有點心放題點心、小食都可以任叫，食物都有好多同嘅選擇一般蒸點、小食、炒粉麵都有得食每位仲會有花膠蟹肉灌湯餃、黑金燕窩蝦餃同埋鮑魚珍珠雞花膠雖然係只係魚肚但係都大大舊，好爽口鮑魚係真料實料嘅鮑魚仔唔係粉製果啲雖然係放題但係啲點心小食都唔會求其細細份可以試多幾款唔同野食鍾意食先再叫咁就唔怕浪費食物啦紅棗糕好食可以試下一路望住個大海景一路飲茶都幾舒服同埋呢度啲姐姐服務態度好好勁勤力👍🏻

較早前趁新年假期前, 相約一排無見的友人食飯, 好耐無食中菜, 突然心血來潮想食, 所以我地便去了位於海逸君綽酒店的海雲天食晚飯.由於係酒店的中菜食店, 所以環境相對好，最重要坐得舒服，可以一邊慢慢食, 一邊慢慢傾計.今次我地點了幾款菜式, 包括京式片皮鴨和七彩炒, 太極燒蝦球和花膠蟹肉灌湯餃 .京式片皮鴨和七彩炒.這個係一味兩食.先上片皮鴨.侍應會係客人面前片鴨, 見到也好想食. 片得好靚, 最重要係夠薄身, 基本上好少肥膏, 食多幾塊也不怕. 皮配上青瓜絲等爽口配料, 加上醬料一齊食, 多重口感. 另外, 就是炒鴨肉. 再配上蔬菜一齊炒. 鴨肉尚算嫩滑, 味道調教適中.太極燒蝦球. 一款係千島醬味, 一款係芥末味. 一次過試晒兩款味道的蝦球, 啱晒貪心的我.蝦球肉質夠爽口彈牙.兩款口味我也鍾意.花膠蟹肉灌湯餃 . 賣相夠精緻.餃內材料豐富, 而且個湯夠鮮甜, 飲完完全唔會覺得口渴. 甜品當然不少得, 點了十勝紅豆西米焗布甸. 上枱時香味撲鼻.甜度適中, 食埋甜品, 這一餐好完美.這裡不但坐得舒服, 食物質素又不錯，不論與友人食飯