火鍋隨意門

Open Now

Now Closed

#火鍋隨意門，位於銅鑼灣，好近時代，裝飾有異國風情，餐牌以特色鍋底、手工食材、高質享受為主打🍲好多選擇黑蒜卜卜蜆濃湯鍋、香辣豬筒骨濃湯都好吸引，但最終揀既就係花膠雞湯，上枱係一大塊原塊花膠蓋住嫩雞，係你面前剪開😍金湯極之好味，好好味既雞湯🥳半熟雞連湯食，又滑又好味，好明顯既鮮雞，愛雞者要食😎蘋果木煙燻手切牛頸脊(細)，賣相好靚，牛肉油脂紋超吸引，肉質相當唔錯，牛味爆濃👍🏻竹蔗茅根，星球賣相🌍唔太甜幾清熱🙌🏻黑松露午餐肉，就咁食都好香脆，正🐽餃子拼盤，幾款餃子都又鮮又好味，鮮蝦雲吞超足料，加左蝦籽好濃蝦味😗韭菜豬肉餃，皮薄又好味，黑松露蟹肉餃極好味必食，又濃又鮮🫶🏻蟹黃豚肉餃，都係好多蟹黃色，好濃蟹香👍🏻正，豐盛蔬菜拼盤，配依個咁正湯底無得輸啦🤗淨係花膠雞湯已經係必食🤩真係最好食最正既花膠雞之一🤞🏻食材好味又高質，邊爐控無得唔黎啦！🥳

#火鍋隨意門，銅鑼灣冠景樓，地點便利，門口已經好靚有土耳其燈做裝飾🏮餐牌淨係特色鍋底都好多選擇，例如招牌花膠雞湯鍋、黑蒜卜卜蜆濃湯鍋、香辣豬筒骨濃湯等，好吸引🤩飲杯竹蔗茅根，用⼀個玻璃星球裝住幾特別🪐唔太甜幾清熱🐻勞蘇食🐻推介 —— 養顏花膠筒濃雞湯鍋，淨係聽到花膠筒，見到個金湯湯底已經覺得好正😍飲湯！啲花膠多到，厚身又腍滑，雞湯好好味，濃得黎好有金華火腿味，無得唔推介🩵外加半隻九成熟雞，金湯煲滾淥三十秒就食得，可以連花膠湯食，又滑又好味，正👍🏻打邊爐！蘋果木煙燻手切牛頸脊(細)，賣相⼀流，牛肉油脂紋靚，肉質相當腍，牛味同牛油好濃🤤餃子拼盤，黑松露蟹肉餃濃味，厚肉好味，蟹黃豚肉餃，充滿蟹黃色，好濃蟹香，蟹肉好濃味好正❣️足料鮮蝦雲吞，真係足料，應該有加蝦籽，好鮮好濃蝦味，極高質🥹韭菜豬肉餃，皮夠薄又好味🤞🏻黃金雙拼，就係鹹蛋黃炒炸響鈴及炸魚皮，新鮮炸+炒起，咸蛋黃味香到一個點，又脆又好味，充滿咸蛋黃既滋味，浸⼀浸湯食又得，爽😎最後食埋豐盛蔬菜拼盤，配咁濃既花膠湯底都好好味😘湯底食材都咁高質，店員服務都好好，環境又有特色😌唔怪得之咁爆滿，記住Bookmark同訂位！🤘🏻

好吃的東西 會員仲有8折已經食過5-6次，今次嚟個大整合每次都係食花膠雞湯，上次食左鴨肉冬瓜湯，添加嘅湯底係原湯底，花膠湯底會跟半隻雞+一大塊花膠，鴨湯除左鴨肉同原片冬瓜，仲有一盤沙白，除咗味道之外，餐廳都好著重賣相，冬瓜湯底有乾冰，一上菜就好有仙氣。另外火鍋配菜有比較特別嘅蟹皇餃，黃金響鈴等等。因為火鍋最緊要係個湯底，所以呢間嘅湯底真係性價比超高！另外最最最推薦係象拔蚌刺身，超好味，味道鮮甜同爽口，份量亦多，雖然單價有啲高，但都夠6-8人食

有日OT完話想打邊爐，見到哩間餐廳8點半後有68折所以吸引左我地去。去到門口見到土耳其種熱氣球背景，但又有中式櫃檯，睇完餐牌就知應該係因為提供多國湯底，例如：土耳其香草羊肉湯，北海道3.6牛乳櫻花湯，麻辣鴨血等...其中一款醬料係蔥油勁香，不過味道好強所以唔好落咁多，其中2小碟係小食：辣雲耳，辣青瓜。有好多湯底暫時都唔提供，不過主打的招牌花膠雞湯就一定有！花膠雞湯食得多，不過咁足料同咁濃郁的都係第一次見。半隻雞已經煮成半生熟，所以輕煮3分鐘就食得，雞肉仲好嫩滑😋叫左個手切A4和牛，上菜時店員話可以生食所以附上刺身豉油，一聽到生食就好興奮因為好耐都冇得去日本食！入口即溶，2個人唔洗2分鐘食晒，除左有一片唔小心跌左落枱面所以煮熟食之外，其他全部生食，完全覺得唔生食會浪費左片肉🙈黃金響鈴申請做會員送黃金響鈴。勁多黃金醬淋上面，超足料，新鮮炸脆卜卜，不過好膩，要多d人食先好。三拼滑（黑松露墨魚滑，瑤柱乾貝滑，手打蟹子蝦滑）全部滑都好特別，乾貝滑好少有，口感唔錯，亦係最好味。第二次8人食lunch, 4人限聚令所以中間隔左塊版。當然推介朋友食返手切A4和牛啦。今次仲要有2款唔同擺盤，仲要有埋乾冰

《咁熱去打邊爐簡直係⋯⋯正😂》 必食邪惡孖寶🍲😈金沙炸響鈴 🔥 厚切即炸午餐肉 🐷 肥仔程度無可挑剔🥴花膠雞湯湯底 🐓 非常好飲，本地三黃雞肥美而肉嫰，加上大大塊既花膠，每啖都充滿骨膠原，養顏一流 🤗四國風情beef platter 🥩 包括： A4和牛，牛脂甘香，入口即溶；澳洲牛口感爽彈，牛味濃；本地手切牛頸脊肉味香濃，有嚼勁；土耳其香草牛肉則帶淡淡香草味。火鍋隨意門 🚪 📍銅鑼灣堅拿道西10號冠景樓1樓A室