游° (Closed)

第一次到「游。」環境好似Art Gallery 好有空間感 非常舒服食物方面，今次試咗四道菜式及甜品完全感受到「用心」及「誠意」前菜揀咗『花雕糖心蛋配魚子』非常開胃 整個配搭非常合適另一道『香煎鵝肝配黑醋無花果』係當晚我嘅至愛 一定要試配上黑醋無花果 平衡鵝肝嘅濃厚感非常好食！主菜 『英國牧羊人批』用芝士薯蓉覆蓋咗唔同蔬菜幾得意 超級飽肚『威靈頓牛柳』果然係餐廳Signature 好似真嘅牛肉一樣外層酥皮及肉感都烹調得剛剛好好好食！二個人食非常之飽最後甜品揀咗『法式千層酥』最怕甜品太甜呢度完全冇呢個問題非常之好食！一個治癒嘅晚上絕對會再Encore 不過記住提早半個用book位

頭盤係 花雕溏心蛋配紅魚子 ，清香酒味，刺激味蕾。Main叫咗三個，威靈頓牛柳，普羅旺斯燉菜，牧羊人批先係牧羊人批，入面有南瓜茄子，面頭嘅薯蓉好香。之後個威靈頓牛柳都好好食，素肉加上佢個汁，而且酥皮都好脆好軟，由於食過唔係素嘅，食完呢個更加覺得個味做得好似！出色呀！而且份量來嚟，3-5人都ok，出面正常嘅份量真係好大舊。食唔曬仲浪費咗。最後係普羅旺斯燉菜，味道淡淡哋，一定要配埋佢個sauce，有少少薰衣草香，淡淡哋嘅，呢個就三個之中比較淡味，會覺得更健康。後來朋友們見到隔離有蒜茸包食，嗌多咗個 瑪莎曼咖喱 ，佢真係好吸引，個咖哩加咗桂皮 八角 腰果 ，成盤勁多汁，蒜茸包蘸佢個咖哩汁！勁好食！ (Sorry吓我除咗好食 都已經冇形容詞了) 大家真係要去感受下，用心製造嘅素菜。最後嗌咗兩款甜品：無蛋嘅燉蛋 同埋 千層酥。 外貌做到似是基本，佢個焦糖燉蛋嘅味道會食到少少香蕉蓉，有啲朋友話食到有椰香，而千層酥就做到好脆！

之前係荃灣經過見到呢間餐廳已經想試，知道佢係香港島開分店一直都好想試，依家晚市放寬即刻book位食！環境有格調，有少少浪漫又唔會太暗，空間感都好足夠。佈置仲好啱打卡！今次頭盤叫咗溏心蛋，一羹一啖，好方便。主菜有英國牧羊人批，上面層薯仔少少香脆 入面啲疏菜煮得軟硬適中，就算上咗菜影咗好耐相，都仲keep到熱。普羅旺斯燉菜，打卡一流，一上菜就好香 嗅覺嘅享受。威靈頓牛柳 完全食唔出佢係素食，比真肉更好食。中間蘑菇汁好好味，中間仿肉好juicy 。係必食之選！瑪莎曼咖哩雞，配法包！鐘意食咖哩嘅人一定要試，唔鐘意都要！超！級！好！食！食落有啲似唦嗲，薯仔又入味！冇得彈！甜品食咗千層酥同燉蛋。千層醜香脆鬆化，燉蛋唔係一般燉蛋 香濃可口！不過提提大家，所有食品真係即整，所以一定要預約同預約個陣就落單，咁到時就唔洗等咁耐啦！