快車茶餐廳

Open Now

Now Closed

農曆五月初八為龍母誕，因為屋企人係正日雖要工作，所以我哋就提早一日前往坪洲龍母廟進香朝拜。結束後，我哋就去咗快車茶餐廳食晚飯。蒜蓉蒸扇貝花雕蟹煎封魚上海鹽焗雞籠仔蝦（糯米飯底）黃金飽魚南瓜椒鹽瀨尿蝦豆卜湯海鮮全部都非常之之咁新鮮，依度重點介紹下花雕蟹、籠仔蝦同埋黃金飽魚南瓜。花雕蟹蛋滑之餘、非常之香嘅花雕味，配白飯就最合適。籠仔蝦係蒸嘅，而籠底仲有糯米飯。糯米飯吸收哂蝦嘅鮮味，又係另一絕。我平時食飽魚都係蒸嘅多，好少食咸蛋黃爆炒。黃金飽魚南瓜確係一款特別嘅菜式，飽魚剛剛好，咸蛋黃又唔會太搶出嚟，而配角嘅南瓜亦都好香好好味。依道菜一定要襯熱食。有機會去開坪洲嘅話，大家可以去試下呀，不過提提大家，大部份海鮮都要預約先有得食嫁。

如果不是朋友的朋友訂了枱,相信不會走到這麼遙遠食飯:釀豆付卜魚湯~很濃的魚湯,喝到好像加了芝士的味道鮮蝦蒸糯米飯~蝦新鮮,糯米飯一點都不膩(最怕油淋淋的糯米飯)炸蠔拚薑葱撈粗~d蠔好鮮味呀!想食多隻都無lor~本菇炒鮑魚仔~呢個好似係自訂菜式,清清地,未試過咁食法,都ok花雕蟹~蟹有膏的,d蛋好滑好香酒味蒸魚, 白灼瀨尿蝦(唯一差的海鮮,其餘都很新鮮), 蒸扇貝, 沙薑雞(好鞋)p.s. 最好先訂枱,講明想食乜海鮮會比較穩陣