616牛肉火鍋專門店

Open Now

Now Closed

Autumn🍃🍂🍂 it's time for hotpot 🐮🥘♨️🥢fresh beef & beer night✨🐮🍻🍻🍻cheers💕..香港人最鍾意去打邊爐，打邊爐又一定唔少得食牛。616係一間專門食牛既火鍋店，佢地仲係全港首間，標榜供應多達近20款刁鑽牛肉部位 搭配新鮮既手工啤，認真犀利。來到餐廳 剛進門口，已經第一時間被「醉生夢醒」招牌吸引著。成個場景好靚，好有心機既佈置，橫裝大體，加上有好多麥子啤酒罐，真符合這裡既主題，令成件事好有意景 好有氣氛。而賣相最令我吸睛既 點少得 ，很有睇頭。新鮮手切既滑牛 中間配上生蛋係會令牛肉增添蛋香，亦會令肉質滑上加滑喔。另外，打邊爐少不免都會熱氣，如果唔想飲手工啤，可以試試呢度既涼茶。分別係洛神玫瑰茶`菊花桂圓露，2款都係自家煲 很貼心也好好喝，亦是養生之選呢。一間有質數價錢又不貴既火鍋店，又能吃到新鮮牛肉任何部位的，其實在香港已經可以找得到。以後想吃牛宴 除了港人愛到北上外，而家近近地係香港 又多一個好選擇了。即興想吃個高質既牛宴 真的不難喔💕一齊當一晚牛魔王吧🐃🐃🐃 哈哈..一流牛肉🐮配一流啤酒🍺是吃貨級享受🥢🎵🎶🎼黎淥一淥 就熟一

相約多年不見既舊友見面，首選一定係打邊爐，烚下烚下既氣氛就不在話下，特意揀左間獨沽一味主打牛肉既火鍋，一定唔怕冇話題講。鴛鴦麻辣牛骨湯底 ($78)見多數人都叫牛骨湯底，雖然未算驚為天人，清清地烚菜都唔錯。 牛骨就唔多，反而湯底內既粟米同蘿蔔超甜，慳返唔洗叫咁多菜。 麻辣湯底偏香辣，辣度同熱浪差唔多，滾起後冇想像中咁多油，個人認為味道同所有食材都好夾。封門柳 ($68)全晚最愛既部位一定係封門柳，牛味超濃，嫩滑得黎夠彈牙又食到牛肉紋理，如果多人既話必定會encore。滑尾龍 ($48)煎pan加上滑蛋既外貌夠哂吸睛。 本來以為撈勻之後淥兩漆又冇哂蛋都幾無謂，原來滑尾龍熟左表面依然有滑嘟嘟既蛋漿外層，手切滑牛加蛋簡直滑上加滑，肉鮮味僅次於封門柳。金花趾 ($68)爽口透薄，夠新鮮但要配較濃味既湯底先令肉味較突出。匙柄 ($48)普通牛肉薄片，口感同肉味都稍遜，可以不試。紫菜卷 ($38)口感同平時既響鈴一樣，但濃烈既紫菜味好香口，吸埋麻辣湯底更加有小老闆既影子，好有驚喜！金菇 ($28)、羽衣甘藍 ($28)蔬菜整體都新鮮大份又夠乾淨，可惜羽衣甘藍有少少苦，食唔慣都係揀返大路野穩陣d。菊