泰玖

Open Now

Now Closed

今次來到荃灣嘅呢間泰玖嘆返泰式晚餐！餐廳風格以工業風為主，非常適合打卡！而且仲設有上下兩層，空間夠哂寬敞舒適～泰式串燒💰HK$65呢個泰式串燒包含咗豬牛雞各一串，表層燒到微微焦脆，肉質保持鮮嫩多汁，配搭沙嗲汁更惹味～泰式軟殼蟹配海鮮汁💰HK$68軟殼蟹外皮脆口，內裡肉質鮮嫩，外層仲有紅蘿蔔絲同埋生菜，整體味道清新！旁邊嘅海鮮汁亦係不可或缺嘅，味道酸酸辣辣，同蟹肉嘅鮮味相得益彰～金不換炒雞肉河粉(辣)💰HK$128份量超多！河粉係用咗比較寛身嘅泰式河粉，口感濕潤軟糯！雞肉又嫩滑多汁，同河粉嘅口感相輔相成！而且仲有埋爽脆嘅金不換，口感多元化～馬拉盞炒通菜💰HK$88通菜鮮嫩爽口，而且有鑊氣，味道微辣剛剛好～菠蘿活性乳酸菌屎樂冰(350ml)💰HK$58賣相吸睛，用來打卡一流！味道酸酸甜甜，富有濃郁嘅菠蘿果香味，非常清新解渴～總括來講，餐廳食物質素高，份量又多，價錢亦好貼地！中午仲有做埋午市套餐，真係抵食夾大件 ，係一間CP值極高嘅餐廳👍🏻～泰玖(荃灣) 📍荃灣曹公坊5號地舖#荃灣必食 #荃灣餐廳 #荃灣好去處 #荃灣美食地圖 #餐廳推介 #假日好去處 #荃灣美食

之前見ViuTV節目「準時開飯」曾經介紹過餐廳，今日終於有機會去荃灣一試佢哋嘅美食。餐廳樓高兩層，空間寬敞，裝修走工業風。餐廳亦有做午市套餐，CP值高，抵食夾大件，食物的定價貼地。間唔中去食晏都係一個唔錯嘅選擇，只可惜唔係附近返工。講返食物，泰玖金磚蒜蓉包烘得金黃香脆，蒜蓉味香濃，店員都提醒我影相打卡要快，因為要趁熱食先至好味。泰式拼盤有炸雞翼、雞卷、蝦餅同魚餅。雞翼切開咗成單骨，食起上嚟方便多。全部都新鮮炸起，香脆唔肥膩。泰玖招牌蟹肉煎蛋卷，煎得香香熱熱嘅蛋卷，裏包住超多嘅蟹肉，面頭再加上蟹柳碎同蟹籽，口感滿滿。泰式馬拉盞炒椰菜苗，炒得好香，菜苗嫩、口感爽。而且份量都好多。食物份量大到想叫多個粉麵都唔驚食唔哂。所以最後直接叫個甜品。泰式芒果糯米飯、飯夠哂軟糯溫暖，味道好平衡好好味。菠蘿活性乳酸菌屎樂冰，成支益力多混落去嘅沙冰飲品，所以充滿益力多嘅味道，而且同菠蘿好夾，既消暑又解渴。

呢間餐廳原來都幾出名，Viutv 同 Hoy TV 都有介紹過 📺👍🏻 泰玖喺荃灣廣場 附近，裝修行簡約工業風。而餐廳嘅廚師係泰國人，所以呢度嘅菜式都好地道，但同其他泰國餐廳 比又有啲唔同 🇹🇭🍽️ 餐廳分兩層，下層有個似居酒屋嘅吧枱，仲有一面牆，每格都擺咗一支玻璃梳打水，好啱用嚟做背景打卡影相。上層裝修就有啲「時代感」，燈光昏暗，再加上播住啲輕快嘅音樂，個 vibe 好啱同朋友嚟食晚飯、吹吓水！🍳 講到食物，呢間餐廳嘅份量真係算大又好味！特別要介紹吓招牌蟹肉煎蛋捲 ($108)。蛋捲厚實，裡面有蟹籽同紫菜絲，蘸埋甜酸醬，味道鮮美又豐富！🦑 泰式魷魚青芒沙律 ($78)，青芒果同木瓜絲酸酸脆脆，淋上泰式沙律醬汁，雖然入面有好多洋蔥，但我平時唔食生洋蔥，都覺得同其他材料混合埋一齊入口都好食又清新。🐮 今次最令我同老公驚喜嘅，係金不換炒牛肉河粉 ($118)。河粉好彈牙，炒得香口有鑊氣，再加埋牛肉、蛋絲、芥蘭同紅蘿蔔等配料，口感同味道係我哋食過最正嘅濕炒河，絕對值得一試！🍍 飲品方面，我哋試咗菠蘿活性乳酸菌屎樂冰 ($68)。唔係打錯字，佢真係叫「屎」樂冰！係用咗菠蘿、益力多同冰塊打成嘅特飲