泰燒遙 (Closed)

諾士佛臺乃尖咀有名的酒吧聖地，雖不及蘭桂坊的熱鬧，但平日晚上都人頭湧湧好大熱鬧。不過除了「樓下」的熱鬧，其實諾士佛臺1號整幢大廈都有各式各樣的食肆，毫不遜色。記得之前係同一大廈食過日本野同中菜，都印象深刻，今次就約埋朋友黎試下泰國野！！一坐低，餓餓地，先黎個冷盤同大拼盤 泰式生蝦 $128泰式生蝦食得多，多數都係一隻隻攤屍咁放係冰上。今次呢隻就唔同喇，係隻蝦一頭「中」落去小小的玻璃杯裡，杯裡有激辣的指天椒汁同小小的薄荷葉作調味。我估有3隻辣椒咁辣呀，好刺激味蕾  為之後接腫而來的「辣」打左個強勁的底 小食拼盤 (豬頸肉、春卷蝦、蝦餅、牛肉串燒) $148拼盤算係「非辣盤」，而我係超級鍾意東南亞的拼盤類食物！！蝦餅啖啖肉充滿蝦味，外皮炸得香脆，肉質亦好「實地」，屬上佳之選 豬頸肉味道算是不過不失，但因拼盤配有4種醬汁，所以豬頸肉其實可能係為左比大家試醬汁而存在（笑）我最鍾意沙爹同酸辣汁，點咩肉都咁好味 春卷蝦同牛肉串燒味道都不錯 青芒果軟殼蟹沙律 $118鍾意食泰菜的原因，可能係泰茶經常把我唔食的食物變成我食的食物!! 例如我唔食的西柚做的柚子沙律...而其實芒果陣

經過左曼谷四面佛大爆炸後，每次見到機票減價呀、泰國產品呀，都會不其然地諗起事件，我好感恩暑期去曼谷時平安回港，同時為受傷同去世既受害者祈禱。今日懷著一顆感恩既心同朋友黎食晚飯。一步出lift門，就見到招牌，仲俾我地發現到餐廳既生日優惠，可惜我地無人生日啦，如果唔係就著數lu。餐廳入面都算大，桌子與桌子之間既空間足夠，而且坐得都舒服。青芒果軟殼蟹沙律$118仲記得有次去旅行買左成十幾個青芒番香港，搞到行李都超左重,最鐘意青芒既爽甜。呢個沙律都幾酸下架，不過都無蓋過芒果既果香同甜味，而且食完仲覺得鬼別醒胃添，由於味道太清爽酸甜，所以襯埋脆脆咸咸既軟殼蟹絕配呢！泰式生蝦刺身 $128哈哈，我都算係一個酒鬼，未至於飲到爛醉唔識番屋企，但最愛望住個海嘆番杯！今次呢個shooters形式上實在見到都興奮，食既時侯未必一啖咁飲左，始終都斯斯文文用餐具。不過呢個剌身，醬夠曬多而且辣，超刺激！小食拼盤$148泰式小食真係好多好多款，諗唔到叫邊樣，叫拼盤最好，一共有四款，仲配唔同醬，去片：蝦春卷　外面皮脆，內裡就仍然保留到好似面粉咁少少煙癮，包著條蝦肉，正！蝦餅（我點甜酸醬）超級彈牙！鮮甜串燒係牛！燒豬頸

其實去尖沙咀食嘢咁多次，都真係未去過諾士佛台食，因為我成日都覺得嗰度係酒吧多，點知，原來……有好多好嘢食架今晚主角係泰菜，我係一個好得意嘅人，我好鍾意食泰菜、韓國菜，但係我好唔鍾意去泰國、韓國，唔知點解，我都解釋唔到，呢兩個地方我都係只去過一次，但係佢地嘅菜式我好鍾意~~泰菜我尤其鍾意泰式生蝦，無論去親邊間泰國菜館，只要有生蝦，我一定會order酸辣鳳瓜 - 因為我啲牙唔太好，所以好少食無骨鳳爪，但係呢個真係好味，唔會太辣，雖然配青檸汁，但係又唔會太酸，出面有啲一味得辣，一係就好酸，呢個就啱啱好~~泰式生蝦刺身 - 食泰國嘢點可以無生蝦，呢個必食喇，不過佢呢個生蝦汁的確幾辣，但係……我鍾意，酸度啱啱好，唔會因為啲辣味而蓋過酸味，另外隻蝦都好爽口小食拼盤 - 有蝦春卷、豬頸肉、申燒、炸蝦餅豬頸肉好爽口，燒到啱啱好，唔會太燶，蝦春卷好香脆，但係春卷皮入面包咗啲咩呢﹖ 我估係蝦膠，炸蝦餅又係好好味，唔知點解好似同我平時食開嘅有啲唔同，好似特別彈牙，另外佢拼盤有4款醬汁，每一款都同個拼盤食物好夾青芒果軟殼蟹沙律 - 都辣辣地，同埋好似酸咗少少，幾開胃燒原隻魷魚 - 出面有啲燒魷魚會燒到好乾，但

不管在泰國的東、南、西或北，當地菜式醬汁的味道、顏色和特性，就仿如指南針一樣，均能透露出所屬的方位！我特別鍾情泰菜中綠色的醬汁，混合香茅、黃薑、青檸、檸檬葉等，一方面譜出芬芳的香草氣息，另一方面又滲出辛辣與清酸，多用來配搭注重鮮味的海鮮。無論燒魷魚、生蝦或蒸魚一旦蘸上，海鮮之鮮便馬上在味蕾活現，變得鮮上加鮮！步進「泰燒遙」，面前擺放一列的海鮮甚為奪目，尤其巨大的虎蝦，加上黑板上的價目表，還以為置身於布吉巴東市的海鮮餐廳。在海鮮旁邊，另擺放了不同的肉類及串燒，種類繁多，看來質量很不錯！嚐泰菜，通常也會來點清熱的飲品，當晚不想喝啤酒，於是椰青便成為我最佳拍檔！入口椰青冰涼，而且非常甜美。聽說「泰燒遙」最初不欲售賣椰青予客人，心想不賣椰青的泰國餐廳似乎顯得奇怪，其後才得悉原因何在，留待下回分解！生蝦被小籤串起，盛載於 Shooter 杯內，猶如迷你的 Shrimp Cocktail，非常精緻！拿起小籤便可將生蝦往嘴裡送。入口蝦肉厚身、彈性豐富，與自調的海鮮醬混和，清香與酸辣將生蝦的甜度進一步提昇，口腔滿是惹味與滋味，第一道前菜既能打開胃納，也予人美好的印象！賣相同是獨特的鮮辣香茅帶子。 入口

對泰國菜的鍾愛，永遠遠勝其他國家的菜式。一來泰菜在汁的調較方面都很出色，二來泰式生蝦真是抗拒不了的美味!! 知道最近諾士佛臺開了新的泰菜，便一行幾人來到這裡，為友人慶祝生日! 最愛店名，泰有看頭了! 哈哈~ 做人只想"泰燒遙"! 餐廳內地方很寬大，一入門便能看見新鮮的海鮮和串燒的櫃檯，可選擇後叫廚師立刻為我們燒呢，還有比我手還大的蝦，真的是少見多怪~泰式生蝦刺身 (8隻) $128Shimp Shooters 還是第一次見! 生蝦刺身放進shooters 小玻璃杯內，非常別緻。生蝦新鮮又彈牙，以泰汁、蒜茸、芫茜作調味，令人忍不住吃多幾隻。椰汁雞湯 $78奶白色的椰汁雞湯？會是很奶味嗎？味道竟然是帶酸和辣，非常有驚喜，當然少不了菇菌，增加了湯的口感。夠開胃的湯，真是會增加不少食慾呢。無骨鳳爪 $68非常醒胃的前菜，必定是無骨鳳爪，酸辣無比，真是很辣!! 但越辣是越想食~ 串燒 (3串) $48串燒叫上了雞、牛和豬三款。嘗試了雞和牛，個人比較喜歡雞，帶上點焦的感覺，沒有配上任何的汁，都覺得已經夠香口和入味。蝦春卷 (4件) $88 由新鮮蝦炸的春卷，超喜愛的是因為蝦肉非常的嫩滑，加上春卷皮

尖沙咀諾士佛臺的餐廳轉換速度真的非常快，今次來這裡食飯，發現整棟的餐廳全都改頭換面，看來以後又多一個搵食的好地方了。來到泰燒遙，最吸引我的地方就是對著大門口的海鮮吧，食材多得豐富，有虎蝦、蟶子、八爪魚、多寶魚，每天都不同，因為餐廳會挑選最新鮮的食材，讓客人任意挑選自己喜歡的再交給廚師烹調，而且列明價錢，絕對貨真價實。餐廳環境寬敞又舒適，空間感足夠。看到門口的海鮮非常新鮮，當然要點來試試。鮮辣香茅帶子 (4隻) $98 大大顆的帶子，非常厚身，爽口鮮味，再配上香茅，檸檬葉，辣椒，香茅味特出，再帶點辣，味道非常豐富。而且用匙羹奉上，不單賣相美觀，更可確保每顆帶子有足夠的香料，不錯。泰式生蝦刺身 (8隻) $128生蝦放在雞尾酒杯內，造型吸引，生蝦爽口鮮甜，加入薄荷葉，指天椒及蒜粒，起初是品嚐到酸汁的味道，其後才感到辣味慢慢滲出，非常刺激醒胃。華欣特色咖喱蟹 $328我最喜愛的蟹終於出場了，橙黄色的咖哩汁比較杰身，有別於平時吃到的咖哩汁。這個醬汁偏甜微辣，配上烘得香脆的法包，香濃惹味，加上蟹肉鮮甜美味，推介。串燒 (3串) $48這碟串燒有雞翼，牛肉，豬肉，我試了兩款，雞翼肉質嫩滑，不過牛肉

自問吃泰菜不多, 但間中也會心癢癢, 今晚就心思思想起它, 那便坐言起行相約一班朋友品嚐滿有風味且有特色的泰菜。一走進餐廳就被前方的海鮮吧吸引了, 馬上走前一看, 放滿了各式各樣新鮮的海鮮, 有我喜愛的鮮魚, 條條巨大且品種特別, 如多寶魚、盲鰽、筍殼魚等等, 吸引得想條條都揀選, 當然還有多款巨蝦、大蜆、魷魚等等, 突然令我想起台灣「上引水產」的迷你版。另一邊還有肉類和蔬菜類, 食客可在此揀選, 店方便馬上即燒, 確保新鮮。餐廳以深啡色為主調, 設有二人及四人枱、大圓枱, 有木椅亦有沙發, 地方不算大, 但設放得寬敞, 令客人感覺舒適自在。安坐後, 第一時間多數是先點飲品解解渴, 擔心吃太多燒物, 故還先揀選一杯滋潤的飲品打打底。如有得選揀, 熱飲必是我的首選, 幸得這裏提供龍眼冰外, 亦有熱的供應。一杯份量細少的熱龍眼茶 ($28), 內存三粒稍稍爽口且多汁的龍眼肉, 整體甜度剛好, 喝下去時暖笠笠, 順喉滋潤, 秋冬不錯之選!平時所吃蝦刺身多是一隻一隻舖在冰碟上, 而這裏的泰式生蝦刺身 ($128)則用一個小小的玻璃杯子盛載, 特別而精緻。生蝦 背部稍稍開半, 夾着泰式的辣香料,

香港人對泰國的認知，都是曼谷、布吉、蘇梅和北面的清邁，其實泰國每個區份的菜色也有所不同，中部的華欣比較少港人去旅遊。這晚約齊人到訪位於尖沙咀諾士佛臺樓上的泰燒遙 Thai on 5，餐廳我看有三個特點:1. 有些是貼近華欣即泰國中部的風味，吃完真的想去當地一趟。2. 這裡不完全是傳統泰式風格，亦加入了一些西餐元素，所以環境像酒吧。3. 第三點吸引力，相信是陳列得整整有條的海鮮，且標明價錢，客人可在此選擇海產，然後店方便即時烹煮，非常方便。泰式生蝦刺身 ($128)一嚟就生蝦咁跳，擺設得像Cocktail，真想連汁連蝦吞落肚，鮮甜的生蝦刺身混在薄荷葉和蒜汁內，份外清新，旁邊有天椒，可供大胆人士挑戰快感，我就沒有嘗試了，但見到在座有朋友成條天椒放了入口，說真的很刺激呀!泰式柚子沙律($118)做到有板有眼，但水果新鮮度和鮮香味略微並不充足，較為清淡。串燒拼盤 ($48)來一點串燒吧，有牛肉、雞肉、豬肉和豬腩肉。泰式拼盤: 蝦春卷 ($88)和蝦餅($88)每次去吃泰國菜，都會點這類的炸物，當然亦要沾上酸辣汁或醬油。椰汁雞湯 ($78)一看這盅椰汁雞湯，我以為會是偏甜的味道，但飲落郤在甜味上