The Grill Room (The Humphreys)

Open Now

Now Closed

這間The Grill Room都吃過2次，上次去的是銅鑼灣铺頭, 尖沙咀店今次第1次來.。 今日放假，到尖沙咀購物，之後仲約埋中意食西餐嘅朋友一齊去品嘗美食～ 尖沙咀一向多西餐選擇，要搵一間好味既西餐廳真係頭都痕埋，想突圍而出實在不易。6:30去到已經坐滿咗一半嘅人，未到七點就已經坐滿晒 .餐廳係走西式簡約風，非常有格調的裝潢. 除左卡位、普通二人餐桌之外，中意飲酒既朋友可以考慮下坐bar 枱，餐廳提供各種酒類飲品同埋不同大小既酒杯。餐廳有set可以叫，亦都可以自己揀starter、main course、dessert ，都幾適合情侶dating或者朋友gathering。 忌廉牛油蒜香雜菌（小食）香滑的忌廉奶油，濃濃的野菌味。忌廉同牛油增添香滑濃郁口感，內裡包含多種不同既菇類，口感層次豐富。每一粒雜菌都比忌廉牛油醬汁包裹住，好香好惹味好吸引，食完呢道牛油雜菌後實在令人回味 香草燒羊架配烤蔬菜入口好鮮嫩。吃羊怕羶味，而它既羶味是可以接受的。 香煎北海道帶子龍蝦汁扁意粉配三文魚子除左賣相吸引，食材選料都新鮮 👍🏼意粉面頭鋪上三粒北海道帶子，配上彈牙嘅魚籽，再加上濃郁嘅龍蝦忌廉汁，每一

星期日訓飽出去食早午餐，一份西餐All day breakfast閒閒地一百幾十蚊一份。倒不如同樣價錢吃得豐富另類一點1200唔遲唔早，個肚剛剛好"餓"了, 先來一份前菜忌廉牛油蒜香雜菌＄48及蒜蓉牛油烤蔬菜＄48,打打底兩道前菜同時上台，感受到熱辣辣香噴噴的氣氛。忌廉牛油加上蒜香交雜，單是氣味已經令人口水流。忌廉牛油蒜香雜菌香滑爽口，忌廉與牛油平衡得宜，配上香脆多士吸收了忌廉牛油汁吃完一塊又想吃多塊蒜蓉牛油烤蔬菜用的是白椰菜花，簡簡單單的蒜蓉炒一炒，好清爽的配搭。葡式香辣燒雞配黑松露薯條＄238好大份呀成隻燒雞，真係有齊兩隻雞脾，兩只雞全翼。外層灑滿了葡式香料，香而不辣，燒雞烤得色澤均勻飽滿，兩隻大雞脾啖啖肉而且肉質嫩滑，旁邊的黑松露薯條 隱約散發著黑松露的香味，粗幼大小適中，外脆內軟，讚 ! 雖然只是叫了一份主菜，但份量十足，我與朋友二人也吃得十分飽

聽日就係情人節，我就同細妹兩個去撐枱腳。去左尖沙咀呢間樓上扒房，雖然係肺炎流感高峰期，但餐廳人流都唔少。我地每人叫左一個主食、但歌個女仔就冇飲酒。第一個係葡式香辣燒雞配黑松露薯條（HK$238）一個價錢包左燒原隻春雞、薯條同埋一個沙律仔，抵！首先講左個薯條先，見都見到大量嘅黑松露，好香，炸得夠脆、都幾大份。每次黎都必叫！跟住到隻燒春雞，個汁唔算辣、香香地好入味，而且隻雞好嫩！燒完都軟淋淋另一個main dish就叫左香草鮮茄紅酒燴牛臉頰肉扁意粉（HK$158）得4-5粒牛肉粒，但因為有燒雞我地都覺得夠食，啲紅酒燴牛肉粒係非 常 之 入 味！有比佢驚艷到！啲意粉就不過不失啦。不過份量都係偏大，我地兩個女仔食到捧住個肚走總括嚟講呢間餐廳係絕對值得再戰！（不過有個缺點係我地食到一半發現廚房入面5位員工都冇帶口罩⋯只有樓面員工戴口罩，介意就要過一排先好去了）

朋友同我補祝生日，佢介紹呢間西餐廳，淨係睇相都好吸引，就一於嚟試吓朋友叫左餐湯，沙律、主菜、是日餐湯係甘筍湯。沙律係巴馬火腿配藜麥生菜，新鮮朋友叫咗個西冷牛扒，七成熟，超正～賣相同味道都一流好香牛味，肉質嫩滑佢另外仲加咗個黑松露薯條$48，我同佢兩個都超鍾意食粗薯條，薯仔新鮮，啱啱炸起鬆脆香口我就叫咗個葡式香辣燒雞配黑松露薯條，雞肉好嫩滑，juicy, 葡式香辣醬好惹味，只係微辣，所以唔食得辣嘅都唔使擔心！另外值得一讚嘅係，侍應服務好好，不停有人幫你加水，餐廳氣氛好，坐得舒服，會再返嚟食

約咗個friend去尖沙咀買嘢，順便一齊晚飯。佢話近近地帶我去一間出品幾正嘅餐廳。燒吞拿魚扒配香草意大利黃瓜 - 靚靚靚！色香味俱全，吞拿魚好香燒烤味，黃瓜充滿香草味。葡式香辣燒雞配黑松露薯條 - 其實唔係好辣，係有bbq、辣嘅香同其他香草嘅味道；薯條灑左黑松露鹽，有隱約嘅松露味。三文魚他他配香草乳酪汁 - 淡淡香草味，杰杰地，加埋三文魚他條，搽上烘過嘅法包，味覺唔錯。朱古力千層蛋糕 - 一層蛋糕一層朱古力，餅底有少少杏仁味，味覺有d似某牌子榛子朱古力。我地邊食邊傾，欣賞廚師們每個步驟嘅用心，對自己工作地方嘅尊重，我諗就係咁先可以做到色香味俱全啩。我見Mocktails同Cocktails都好靚，下次飲嘢又可以多個地方選擇了。

早幾日諗住請個朋友食飯，諗咗好耐都唔知食咩好。有朋友介紹話The Grill Room唔錯，環境舒適，價錢又唔貴。好，一於咁話。搭lift上去一開門，就已經係餐廳。成個開放式廚房係度睇住廚師燒扒，特別吸引。未食已經覺得好正😋 跟手一坐低，我哋即刻點左兩杯Mocktails, RUBY SUNRISE 同BEACH BABE.再慢慢睇menu. 原來我朋友係唔食羊同牛嘅🤣🤣唯有點豬同雞啦🤪 點咗：•炭燒豬腩肉鹽味焦糖汁配青蘋果沙律嘩，不得了～超好食😍皮脆香囗，豬肉肥瘦啱啱好，一d 都唔油膩，再配埋青蘋果沙律一齊食好開胃。•葡式香辣燒雞配黑松露薯條未送到上枱已經聞到陣陣炭燒嘅香味。但望到隻雞嘅時候，齋睇個樣好似好嚡咁,但食落又唔係喎。仲幾滑添，真係估佢唔到。黑松露薯條就普普通通，冇咩特別。•是日湯 （蘑菇忌廉湯）菇味香濃，忌廉幼滑。•蒜蓉牛油烤蔬菜蒜蓉味香，牛油味重，正。

一直留意到這間The Grill Room經常長駐於Openrice 餐廳排行榜，今次終於book 到枱來吃晚餐。小店雖然面積不大，不過配合昏黃柔和的燈光，頗有情調。扒房當然是以鋸扒為主，不過我向來喜歡吃白肉多於紅肉，所以就點了燒雞和三文魚。黑松露薯條 $48厚切薯條即叫即炸熱得盪口，炸得外層酥脆，肉心軟綿細密。灑上粒粒黑松露碎提味，菌香滿溢，香氣馥郁。黑松露薯蓉 $48薯蓉口感極之creamy軟綿綿，黑松露的濃郁香氣滿溢整個口腔。黑松露一向被譽為「餐桌上的黑鑽石」，足以令原本平凡的薯仔變得更誘人。忌廉牛油蒜雜菌 $48炒雜菌以牛油香帶出菇菌類獨有的鮮味，是一道簡單又美味的side-dish。多士即時烘焗，不過就略嫌烘得乾硬了點。蒜蓉牛油烤蔬菜 $48外出進餐經常多肉少菜，所以就另加了蒜蓉牛油烤蔬菜作配菜，但味道就沒甚麼特別。慢煮三文魚配香草乳酪汁 $198擺盤賣相優美，三文魚相當厚肉，魚肉豐腴細嫩，多汁不乾身。慢煮不怕高溫破壞食材的蛋白質而影響口感，所以即使三文魚熟透後依然不會變得鞋口。葡式香辣燒雞配黑松露薯條 $238燒雞頗大隻，份量十足，雞皮薄如蟬翼，加上燒得夠乾爽，沒有油膩感，

坐位幾舒適,位與位之間唔會太近, 唔會迫迫夾夾手爭撞手爭, 光線柔和要情調有情調, 適合拍拖,見客,食公司應酬飯局, 老友傾計, 姐妹聚舊如果2人情侶, 建議訂台時說明要此圓形台L角位梳化  到7:00左右開始坐滿人, 但因坐位寬闊, 所以不會感覺太嘈 今次去7人食左個3-4人餐, 再加1個沙律, 再加1個燒雞, 仲有3個甜品share黎食(有叫飲品), 都足夠飽飽.斧頭扒無返3-4人以上, 真係叫唔到黎食, 份量太大了, 喜歡食肉既人一定要試下,佢表面仲食到少燶既香味, 仲食到少少鹽味店員介紹呢個"葡式香辣燒雞配黑松露薯條", menu話係葡式, 但唔知點葡法, 但味道不錯, 雞肉多汁不"鞋" 最怕食"鞋烚烚"既雞肉, 薯條炸得好脆裡面又有水份, 好味,  但黑松露既味就淡既, 如果希望食到好濃烈黑松露味既朋友會失望(小心中伏) $88 既酒精類野飲, 跟餐既話會計半價