The Grill Room (The Humphreys)

Open Now

Now Closed

約咗個friend去尖沙咀買嘢，順便一齊晚飯。佢話近近地帶我去一間出品幾正嘅餐廳。燒吞拿魚扒配香草意大利黃瓜 - 靚靚靚！色香味俱全，吞拿魚好香燒烤味，黃瓜充滿香草味。葡式香辣燒雞配黑松露薯條 - 其實唔係好辣，係有bbq、辣嘅香同其他香草嘅味道；薯條灑左黑松露鹽，有隱約嘅松露味。三文魚他他配香草乳酪汁 - 淡淡香草味，杰杰地，加埋三文魚他條，搽上烘過嘅法包，味覺唔錯。朱古力千層蛋糕 - 一層蛋糕一層朱古力，餅底有少少杏仁味，味覺有d似某牌子榛子朱古力。我地邊食邊傾，欣賞廚師們每個步驟嘅用心，對自己工作地方嘅尊重，我諗就係咁先可以做到色香味俱全啩。我見Mocktails同Cocktails都好靚，下次飲嘢又可以多個地方選擇了。