四姐川菜

Open Now

Now Closed

慕名已久嘅四姐川菜，終於同食辣 Buddy 一齊去咗試，名不虛傳 😻 私房菜由重慶人主理，食材選料極佳，麻辣鮮香味覺強烈，呈現地道川味 🔥 兩間分店比較下，灣仔店環境比較骨子，但味道明顯冇銅鑼灣店咁出色，推薦想試嘅朋友揀銅鑼灣分店！店內點菜以人頭計，兩位用餐可以選擇 2 道涼菜同 3 - 4 道熱菜，仲包咗一碟炒青菜 🥬 以為份量會相對減少？太天真啦 🤣 全日唔食嘢留定肚啦 😈🥢 菜式推薦‣ 招牌四川涼麵幼身麵條煮得偏硬、口感爽彈，伴上香脆嘅辣椒油渣，醬汁醋香中帶微甜 🤤堆到成座山咁嘅涼麵瞬間清晒，不愧係每檯客人必點嘅招牌 🙌🏻 第一道菜嫌唔夠辣，後面嘅熱菜加咗辣，辣到我頭皮豎起鼻水直流（利申食開譚仔中辣），平時小辣嘅朋友仔唔好輕舉妄動 😝‣ 水煮魚（份量較大，會當兩道熱菜）花椒麻香帶勁，大塊魚片極度細嫩綿密，咁重口味嘅湯汁都完全掩蓋唔到魚肉嘅鮮味 🐟 忍唔住問咗店員姨姨用咩魚可以咁好味，原來係龍脷柳嚟 😱 雖然係急凍魚，食落肉厚嫩滑完全無雪味，廚師處理得好好！😻薯粉食落都與眾不同，動 L 動 L 咁十分軟糯有彈性，好食到嚇親我 😳💕‣ 乾煸鱔魚片一上檯已經勁香，鱔魚切粗條再撲上生粉油

一入口門就俾呢幅巨型書法吸引住，好有氣派！好快就有店員過黎安排我地入座。我地啱啱好坐左最後一張枱，之後上黎嘅都要等位嚕，真係好好彩！環觀四周，竟然係外國人幫襯多！睇黎四姐都幾出名下。2人可選兩款涼菜，三款熱菜。我地揀左口水雞、蒜泥白肉、椒鹽蝦、回鍋肉同埋酸菜魚。第一道黎嘅菜係重慶口水雞，雞肉嫩滑，就算係雞胸都唔會鞋！雖然好多紅油，但只係帶微辣，仲有淡淡嘅麻油香，作為開胃小食非常唔錯！第二道菜係蒜泥白肉，豬腩切得夠薄，煮到僅熟，配蒜泥葱花一齊食，十分惹味！推介！第三道係川式椒鹽蝦，中蝦炸到脆卜卜，可以連埋殻一齊食，送酒一流！第四道係酸菜魚，估唔到兩個人佢都上咁大盆俾我地！魚肉大大塊兼無骨，仲要超級滑嫩，完全唔腥。湯有濃郁嘅鮮味，同埋酸菜超級夾，飲左好多碗都唔會厭，正！底下仲有好多粉絲，索晒湯底嘅精華，真係一流！第五道係川式回鍋肉，辣辣地幾惹味。唯一美中不足嘅係部份腩片炒過火，有啲硬。奉送的蒜蓉炒油麥菜，菜葉嫩綠新鮮，營養均衡。四姐川菜整體的水準認真唔錯！全晚座無虛席，下次黎會記得先訂位！

呢幢大廈一向都多野食，事隔幾年有啲餐廳都轉左手，之前都食過呢幢既麻辣火鍋、海鮮火鍋，就留意到多左間四川麻辣菜，一睇就知啱口味！所以唔爭在擇日黎試埋呢間！呢度既格局好中式菜館，招牌用毛筆字題字、圓檯、瓷碟茶壺等等，連個名叫做四姐川菜！呢度劃一收費$340一位，按人頭而分配可以叫幾多款涼菜及熱菜，最後仲會炒一碟清菜，越多人就叫到越多菜，我地只得2個人，都可以叫到2款涼菜+3款熱菜，再加一碟清菜，都可以試到好多野！涼菜選擇當中都有好多辣既小食好似唔錯，例如口水雞、夫妻肺片、青椒皮蛋等等，D辣椒既味加紅油應該好正，不過佢好多野都唔食，我地就揀左蒜泥白肉仲有招牌四川涼麵，都好大份呀！見好多檯都叫左呢款四川涼麵，相信應該唔錯，頂部鋪左一堆辣調味醬，加左雪菜、好多蔥、醋等等，拌好後食落味道好開胃！麵屬於幼蛋麵咁既口感，唔會太淋，調味非常襯，麻辣得黎好香口，又有配料既咬口，好抵食！係比較辣既涼菜之一！呢度蒜泥白肉比其他食店用得更多紅油更少蒜泥，但咁樣更增添佢既香氣！白肉唔肥，切得好薄更加吸收到醬汁既味，咪睇佢呢個汁好紅，其實係最唔辣果碟，少少麻香又有D甜甜地，有蒜香亦令到白肉好香口。跟住到3款小菜，雲