早安越南 (Closed)

週四晚約咗友人喺天后交收迷你兵兵貼紙，兩口子啤完兩輪歡樂時光後見有啲肚餓，所以就入咗去附近一家門面幾搞野o既「早安越南」度食咗少少野先各自返屋企。店子樓底高高，座位全為合併式散座，間隔開揚通爽。相距晚飯時候只有兩個鐘，二人就簡單分咗碗「火車頭湯河」同一客「越式特選細拼盤」。火車頭湯河（$88）：火車頭湯河個湯底香濃而不油膩，薄薄o既生牛肉片入口軟腍，牛丸又夠彈牙，河粉亦白滑軟潤，料中最必選超級爽脆o既牛柏葉，同腍中帶有韌度o既牛筋。越式特選細拼盤（$88）：細小食拼盤包有兩件蒸粉包、兩件香芧雞翼、兩件炸春卷、及兩件網絲春卷。蒸粉包伴上脆脆o既蒜片，再點埋秘汁食，味道就好惹味，不過個人只係略嫌層粉包皮微微厚咗少少。炸春卷香脆乾巧，餡心軟嫩味佳。拼盤中以鬆化輕巧o既網絲春卷最為出色。

又來到上堂前自己晚餐的時間，搭地鐵時看到這家在Openrice 新開越南餐廳，就想一個人吃碗PHO也不錯。餐廳在食店林立既電氣道上，面積不大但空間感好充裕，無論餐牌，或是牆上既畫，都滿是越南的共產文化感覺，好搞鬼，跟很多東南亞餐廳不一樣。連面前的餐牌和檯紙設計都很有趣搞笑，見到佢地個食麵樣好開心。本想叫牛油果沙冰，原來餐牌是從紅磡總店過來，天后新店未做到，好可惜。那想也不用多想，就改選滴漏咖啡，是充滿旅行回憶的味道。咖啡奉桌時其實已經處於滴了7成既狀態，影下相都差不多完成。和底層既練奶搞均，這個動作是好幸福的說，在香港要係番咁上下舒服既地方飲到$34既滴漏咖啡，其實不太易。呢杯練奶既甜度還可接受，比大部分時間在外地飲到的淡少少。蒸粉包，仲記得之前係越南坐住街邊小店等出爐既時刻！呢度既粉包面頭有塊扎肉，感覺好似派頭勁D，粉包入面包上一大隻蝦仁，仲有炒香既豬肉碎，確實好香。粉皮好滑，咬落去食到蝦既時候，覺得好似食蝦腸咁。本來一心諗住食牛肉粉，但又唔覺意比我見到有黑粉絲！嘩好少機會撞到呀，上次食都係自己係乾貨店買到再番屋企整，咁可遇不可求既，咁唯有放棄牛肉粉喇。峴港酸辣海鮮湯黑粉絲 $77嗱