友拉麵

Open Now

Now Closed

荃灣一帶, 想食拉麵選擇都幾多, 而且間間各有特色, 無乜重疊。 好似我呢D麵痴, 可以輪流食。 友拉麵既印象, 係默默耕耘, 實力取勝, 兼且質素穩定。 一碗基本拉麵78蚊, 可算係香港拉麵工業平均指數。撞啱當日係星期六午飯時間, 好彩我來得早, 有位直入, 即刻叫埋野, 好快有得食。我食到一半已經要等位😇!今日揀咗標準既魚介拉麵, $78有兩塊叉燒同一隻全蛋, 魚介粉唔太多, 唔會太搶豚骨湯個清香味。如果蔥控嫌唔夠蔥, 可以考慮叫蔥山拉麵😅 真係一座山咁多, 保証啖啖有蔥! 我上次叫, 已經叫佢俾少D我, 已經夠食。湯: 清香豚骨style, 味道比以前豚道樂濃。 食完唔口渴, 味精唔明顯👍。麵: 可以揀直麵(幼)或者曲麵(粗)。 我次次都會揀直麵, 仲要偏硬, 咁先配合返博多Style😋。麵量適中, 唔會嫌少, 所以有時食到一半, 思前想後叫唔叫替玉好。餸: 佢地用捲式叉燒, 仲火灸過, 入味滑溜, 賣相good good👍👍! 雖然唔係超薄, 不過筷子夾起可能會散開, 想完整夾起影相有D難度。蛋全隻無開邊, 入味流心。另外仲有紫菜兩大塊, 筍都唔少。 傳統既豚骨濃湯, 就算去到

今日喺天橋之城不斷遊走，入到個舊商場發現有間評價幾高嘅拉麵店。望落個樣好吸引，入去幫襯左兩款麵好喜出望外，軟硬度都真係依足落單要求，似足日本食嘅拉麵咁有誠意。基本每款麵都有齊半熟蛋、火炙豚肉、竹筍、蔥、紫菜，蔥山拉麵係再爆多蔥，由頭食到尾都勁爆蔥味，直麵口感彈牙，清清地岩哂蔥粉！至於期間限定黑蒜油札幌味噌拉麵個湯底真係無得輸，黑蒜油味重，好香濃，味噌湯底濃郁，揀左曲麵掛多啲汁超好味。個叉燒半肥瘦有陣陣火炙香味。即炸牛肉薯餅大件，外皮鬆化，裡面軟滑。呢間拉麵店我係絕對會再幫襯！

成日想試，每次見排隊都走去食其他野，終於的起心肝去排，好彩無令我失望。蔥山拉麵 - 湯底無我想像中咁濃 。蔥花解左啲膩，夠多但唔係想像中咁香同爽脆。肉比我想像中“鞋”，肥既地方先唔“鞋”，但算平均。玉子糖心做得好。筍正常無意外驚喜。黑蒜油拉麵湯底夠味，明顯比花山拉麵普通湯底濃，加上黑蒜油好香反而黑蒜油拉麵既蔥我鐘意黑木耳有啲生水味 粟米仔燒過，有心做好，但佢無味，連本身自己既味都無肉比我想像中“鞋”，肥既地方先唔“鞋”，但算平均。（同上）玉子糖心做得好。（同上）

晚上黎左荃灣呢間小店食日本拉麵成間舖頭有大大小小貓既擺設同裝飾拉麵湯底係豬骨湯為主拉麵底可以揀直麵同曲麵第一碗叫左碗蔥山拉麵入面有大量蔥粒、火炙豚肉一粒味玉、竹筍同海苔火炙過嘅豚肉更香口，油脂分布平均豬骨湯底幾濃郁，易入口幾好飲曲麵麵身更加掛湯配左大量蔥花既湯飲落更香口味玉係流心既玉子，有蛋香另一碗係期間限定既黑蒜油札幌味噌拉麵入面有蔥、火炙豚肉、一粒味玉木耳絲、玉米筍同海苔豬骨湯加埋黑蒜油札幌味噌食落湯底更加濃郁滿滿既黑蒜油香同拉麵好夾整體食物水準唔錯，值得一試

餐廳好貼心，旁邊坐喺下面有一個鈎方便排東西，唔使自己攬住食或者放枱面。餐具都是獨立包裝，而且唔係普通木筷子，而係有日本印花的木筷子。唔想叫嘢飲枱面有檸檬水免費提供🥰食物味道不錯，兩大一小三款拉麵都食得晒證明係好味，如果可以揀湯濃度會更好，因為同埋小朋友一齊食，有時唔想俾佢食得太濃味。建議拉麵有埋木耳絲會更好，因為本身對筍的味道唔太鍾意，雖然這間都不是用大味的筍，私心分享。下次會再去嘗試其他拉麵和小食。

今晚在荃灣收工後，獨個兒去咗中學時候經常和同學仔逛的荃豐、荃昌中心商場懐緬一番，記得當年這𥚃的老X CD同各款電腦軟件，開到成行成市，現在已經面目全非了！行到昌寜大廈，見呢間「友拉麵」都幾多人排隊，門面裝修又幾有日本風味，於是便排埋一份入去食碗拉麵醫吓肚先！雖然麵店門口當時已經有五、六人排隊，但店員會好主動咁問我幾多位，並遞上點餐紙俾我睇住食咩拉麵先，不到三分鐘，店員已經安排好座位俾我入座，而且見我拎住好多餸菜，仲好細心俾個掛勾我在枱側邊掛住，而坐位下面亦裝有小籃子俾客人放袋，非常貼心！餐廳裝修充滿日式風格，暖黃柔和的燈光，牆上掛滿貓貓的可愛相片，廚房則設有一塊大玻璃，讓食客可以邊等邊睇住廚師為自己用心製作拉麵的過程，非常暖心！這家拉麵店主打五款招牌菜拉麵，包括有：01 魚介拉麵 ＄78魚介粉，火炎豚肉，味玉，蔥，竹節，海苔02蔥山拉麵 ＄86勁多蔥，火炙豚内，味玉，竹筍，海苔03 辛肉碎拉麵口 $86辛肉碎，火炙豚肉，味玉，蔥，竹筍，海苔04櫻花蝦拉麵＄88樱花蝦，火炙豚肉，味玉，蔥，竹筍，海苔05 黑蒜油札幌味噌拉麵 $88 （期間限定 ）火炙豚肉，味玉，蔥，木耳絲，玉米筍，海苔喜

朋友話未食過呢間，咁啱去開呢頭，順便帶佢黎試下。舖頭好多貓貓裝飾同掛畫😻日系感滿滿🐱蔥山拉麵🍜 $86對上一次食已經覺得爆蔥好正，成坐山咁勁吸睛🫶🏻所以今次都係揀番佢，曲麵比較似香港常見嘅拉麵，麵條較滑，湯底相對冇咁濃，但食完個口就會keep住強烈嘅蔥香味。豚肉微微焦香，肥瘦均勻🐱櫻花蝦拉麵🦐 $88麵質揀左直麵，比較似平時食開嘅日式拉麵質感，較有口感，啖啖都食到櫻花蝦，湯汁偏濃味，份量極多！加埋原隻溏心玉子，性價比高👍🏻🐱黃金丸🍠 $28入面有香芋餡嘅地瓜球，香甜軟糯😋🐱靜岡蜜柑碳酸汽水🍊$24見到必嗌嘅日本汽水，果汁感重😆🐱紅茶花伝蜜桃紅茶🍑 $16味道清甜，淡淡茶清香

之前成日嚟荃灣，睇住佢開張，但一次都無食過。反而而家少左嚟荃灣，見佢依然喺度，而且讚評唔少，所以決定試一試。蔥山拉麵 $83 蔥花真係好多，每一啖都有蔥香，而且久久不散，到瞓教口腔裡都仍然有蔥味😂🤣湯底比較清淡，唔會好鹹，但又無乜豬骨或魚介味🤔；質地比較薄身，係一款比傳統健康嘅拉麵，對腎臟唔會有太大負擔。我揀左硬直麵，麵條比較幼身，類似出前一丁拉麵嘅粗幼度。火炙豚肉有兩大片，肥瘦一齊食好有豬香。每碗都跟一粒好大隻嘅溏心蛋，蛋黃凝固同流心比較大概係3:7，流心嘅視覺效果好正🙊，加上好有蛋香，蛋白質地滑溜，係一隻令人想再Encore嘅蛋!😏櫻花拉麵 $88硬曲麵比直麵粗少少，更有咬口，個人比較中意呢款麵多D。湯底本身蝦味唔算濃，所以好靠櫻花蝦提升蝦香；整體比蔥山個湯底濃味少少、鹹少少，但又唔會鹹到令人口渴，亦唔油膩。炸牛肉薯餅 $28/兩件雖然係入貨產品，但志在滿足自己對炸物嘅慾望。蜜糖芝麻雞翼 $36/三隻雞翼偏細隻，不過皮脆肉滑；蜜糖點到即止，所以唔會太甜，不過我自己比較中意食傳統鹹味手羽多D。整體食物唔差，拉麵大大碗、好足料，難怪星期六晚7點都Keep住有人嚟食。

荃昌中心呢個小商場內一個日式和風木系裝潢再放滿貓咪照片同擺設, 已經非常吸引貓奴入去蔥山拉麵 - 超級多蔥, 真係成坐山咁高, 唔知店方用咩蔥, 夠蔥香而唔會嗆喉同辣, 幾好豚骨湯底濃厚度剛剛好, 湯夠熱唔會太鹹同味精, 麵夠掛湯唔會好快變淋櫻花蝦拉麵 - 相比蔥山, 櫻花蝦份量就比下去, 但蝦味都夠, 食到底都仲有蝦味, 不過我一定大推蔥山拉麵 不得不提佢地對筷子好靚好紮實, 而且仲係即棄式, 超有誠意 蜜糖芝麻雞翼 - 即叫即炸, 非常香口內裡相當juicy北海道牛肉薯餅 - 皮薄酥脆, 牛肉同薯仔分量剛好, creamy有牛肉味

大家好，我係蔥怪😈食乜都鐘意多蔥唔該！🫢聽聞荃灣有間幾隱蔽既日式拉麵小店主打蔥拉麵，仲要整到成座山咁高，即刻bookmark左要去，果然不錯！除此之外，舊叉燒仲好有驚喜😎💬|蔥山拉麵 $83實物同相一樣，d蔥真係堆到成座山咁高無花無假！😍一上枱，都幾誇張唔係講笑😂每款拉麵可以揀曲麵或直麵，仲可以揀麵質既軟硬度，好貼心❤️我自己不嬲鐘情直麵，比較漿口同掛湯☺️湯底係比較清淡既豬骨湯，油油地既部分係背脂，口感加分💛每一啖都成口蔥好滿足👅| 黑蒜油札幌味噌拉麵$88友人叫左哩款，湯底味噌味道好到位，黑蒜油又提升左個味道，幾重口味同開胃！溏心蛋好perfect，叉燒有驚喜，feel到舊叉燒有特別處理過，好香碳燒蜜糖味，肥瘦適中，份量好多，好香口！| 炸棒棒餃子$30平時通常都係得日式餃子，今次有棒棒餃子幾surprise😇棒棒餃子除左有菜有肉，仲有碎軟骨，所以口感會更正，大愛！❤️

Lunch時間唔知食咩好，就搵左間拉麵試下，門面都幾和風，入面就佈置左好多好貓貓掛畫同裝飾，超可愛😻見到餐牌有個蔥山拉麵，身為蔥控嘅我諗都冇諗就叫左🤩☀️蔥山拉麵 🍜 $83一黎到就覺得好滿足，爆多蔥粒，聞落已經好香，每一啖都食到滿滿嘅蔥。蔥嘅味道平衡番成碗拉麵嘅油膩感，食落唔會好滯同油，拉麵揀左曲麵，質地都算彈牙，亦都做到掛湯。配料已經有叉燒、溏心蛋同紫菜。叉燒好淋，肥瘦適中。溏心蛋亦都有流心效果，整體唔錯☀️黃金丸（地瓜+香芋）$28同放題食果啲差唔多，外皮少少脆，入面軟淋淋好似年糕嘅口感，有成5粒都幾抵食☀️山梨葡萄🍇 $24平時多數飲開白提子或者桃，今日想試下其他揀左提子😆，提子味好重，唔洗多介紹！成個系列都好正💕

大前日(3-10-2021 Sun)晏晝同老公整袋同買餸前食晏,去邊喥食?記得10月1 日去一家食晏時見到呢間,咁我哋嚟就嚟試啦.離遠見到佢嘅舖頭好sharp醒,而入面只有兩個客人,咁我哋就入去啦.坐低睇完menu,決定要:1. $83.00嘅蔥山拉麵,要麵質普通嘅曲麵,材料有蔥山,火炙豚肉,味玉,蔥,竹筍同海苔上到嚟,蔥山真係高.火炙豚肉因有油脂,口感好鬆軟,唔錯.味玉係流心嘅,而且都夠味.啖湯嘅鹹淡亦適中,濃度亦啱啱好.味道:5分2. $78.00嘅魚介拉麵麵質普通嘅直麵,有魚介粉,火炙豚肉,味玉,蔥,竹筍同海苔呢個魚介味道適中,而呢個味玉嘅流心部份極大,羨慕死我.味道:5分直麵原來比曲麵白啲,而且味道淡啲,曲麵有少少蛋味.3. $28.00嘅免治雞肉棒呢個正常冇問題.味道:3分4. $30.00嘅日式三重芝士春卷一共有4件,咁啱我反轉睇,咦!?呢面深色啲,燶啲噃.春卷皮脆,配以三重芝士嘅鹹香同煙韌口感,感覺唔錯嘅.味道:4分環境:sharp醒之餘重超日本feel,張bar枱夠闊,又有掛勾俾客人掛袋,開頭冷氣夠嘅,但食食吓就覺得唔夠.4.5分抵食係2.8分

🍻 啤酒🐷食評 🍖 💁🏻‍♀️｜友拉麵｜💁🏻‍♂️喵喵～🐱今日又黎左荃灣呢頭食拉麵😻但又唔知道食邊間好，所以又拋左個波比openrice喇😂碌碌下發現，原來有間以貓貓做主題嘅拉麵店？！😻即刻引起本豬嘅注意‼️一於出發去尋貓啦🤤🙈不過原來呢間店冇貓嘅，但裝飾左好多貓貓相同擺設🤤比咁多貓貓圍住食拉麵，心情都幾愉快。讚一讚，店員都幾細心，見客人多野攞都主動比個勾我地放袋👍🏻幾貼心·—·—·—·—·—·—·—·—·—·—·#🍻🍖 質素：呢到除左拉麵之外，仲有好幾款小食揀架✨今次本豬就揀左餃子同雞肉捧🤤🍗免治雞肉捧｜$28先講講個免治雞肉捧，呢款小食唔係到到都食到🤤而本豬食緊嘅雞肉捧幾正，雞肉味好香，如果可以搭配埋燒汁就更正✨😍🥟日式餃子｜$30日式餃子雖然外表煎到焦糖色，但咬落相對冧身啲，唔夠香脆，不過好在味道唔錯，豬肉嘅味道都幾出，建議可以煎脆啲🤤🍜蔥山拉麵｜$83終於黎到重點環節——拉麵！呢到有得比大家揀直麵/曲麵，同埋拉麵嘅軟硬度😌而今次本豬揀嘅係普通硬度嘅直麵。係openrice睇相個陣已經想食呢個蔥山拉麵好耐喇😍黎到個刻真係哇一聲，好多蔥呀✨😋聞到已經覺得正！拉麵嘅湯底好濃但唔會過咸，麵嘅

喺荃灣嘅細商場入面隱身咗唔少小店，今次捐窿捐罅搵到呢間算新開嘅拉麵店，店小小卻唔會覺得太逼，仲要成間舖都係得意可愛貓的擺設，貓控閨蜜完全失控。ps 連對即棄木筷子都好靚，有紅色嘅和風pattern!𖠋  蔥山拉麵 $83𖠋 櫻花蝦拉麵 $88啲蔥多到堆「蔥」如山，真係同幅圖入面一樣咁誇張，食落啖啖蔥，蔥香突出，仲為掛湯嘅拉麵加添多重口感。薄切叉燒經過火炙，油香滲曬出嚟，極為香口，入口即化，閨蜜讚不絕口。味玉蛋黃呈橙黃色，幾入味，係熟咗少少🤏，變咗半熟，無咁流心。魚介豬骨湯底濃厚，豬骨味香濃，麵除咗可以揀軟硬度，仲都可以揀直/曲。我揀咗曲麵，似公仔麵嘅質感，富有嚼勁。櫻花蝦份量雖然無呀蔥咁澎拜，但個湯充滿蝦嘅鮮味，加上蛋黃醬作點綴，閨蜜表示同湯底出奇地好夾 。𖠋 日式炸芝士年糕 $28芝士年糕新鮮熱辣辣炸起，入口超煙韌，略帶甜味，仲有芝士流出黎，邪惡之最！

荃灣優質拉麵眾多，拉麵台風是心目中區內no.1，經常大排長龍，不用多說。豚道樂、麵屋福、一幻（新開分店），亦各有捧場客。近月，荃豐中心又開咗間新拉麵。要知道，拉麵店夠膽開喺 灣仔銅鑼灣/ 尖沙咀/ 荃灣，意味著有信心要面對多間強手，所以相信質素不會差得去邊，一試果然OK。蔥山拉麵($83)(總分7.5/10)蔥迷最愛。鬼金棒芫茜山拉麵嘅朋友。一座翠綠蔥山在眼前，底部還有少洋蔥，視覺效果誇張。本身已包括味玉、紫菜、筍、蔥山，價錢合理。分項：- 湯(7/10)：這間所有拉麵都是魚介豚骨湯，湯頭偏淡鮮，不會太濃烈或油膩，應該冇味精，把湯喝光也不感口渴。- 味玉(8/10)：半熟程度剛好，筷子輕輕一夾開，濃稠蛋汁就慢流出來。- 叉燒(7.5/10)：炙燒了其中一面，減低油膩感，令豬油香和咬感更出，有點像霸嗎拉麵的做法。- 麵質(7.5/10)：選了硬身，掛湯有咬感。信州蘋果汽水($24)(8/10) 店內有多款日本果汁汽水，標榜用不同產地的果物製作。選蘋果，是因為含有50%信州蘋果汁，其他味道最多含10%真果汁。味道清新鮮甜，exactly係平時Donki買大玻璃樽裝日本蘋果汁嘅味道再carb