Simplylife Bakery Cafe

Open Now

Now Closed

第一次光顧金鐘廊的Simplylife,餐廳燈光柔和,環境優雅,不過餐卓和其他的Simplylife一樣都比較細小,三人枱放了三個主菜,飲品和餐具已非常擠逼.先來餐前麵包,外皮較硬內裡卻很鬆軟,自家出品水準尚好. 惜麵包咬落有點涼,應該是擺放時間過長了. 蕃茄湯~濃郁香甜. 但另加38蚊才有餐湯或沙律和冰茶,如果餐湯配紅白酒就要加48蚊,確實有點貴.燒焗黑鱈魚.檸汁拌青豆苗.牛肝菌汁~之前去Simplylife 總是點牛扒,燒雞和豬扒,今回新嘗試吃燒焗黑鱈魚,魚外皮燒到卜卜脆,鱈味夠濃,肉質柔軟帶點鬆散,配菜上加上一點點碎胡桃粒,則令口感更豐富.燒美國安格斯肉眼扒（10安士）•鼠尾草薯條•燒烤蘑菇•伯納西醬汁(五成熟)~賓利士汁（Béarnaise Sauce）配牛扒是我至愛. 之前在沙田新城市廣場Simplylife 吃的一塊牛扒有「格仔紋」,今趟金鐘廊吃的卻沒有. 肉味夠濃,但正正欠缺了一股炭燒的肉香.車打芝士牛肉漢堡配牛油果蓉伴薯條~牛油果蓉好美味,感覺清新. 薯條炸得香脆,似乎幾新鮮. 牛肉漢堡塗上半溶芝士好惹味,漢堡肉質感鬆軟,味道較淡.三人用餐埋單近九百蚊,比較失望是主餐牌

今次就到去金鐘搵好野食，朋友介紹下就去左試下呢間simply life❗️身為食肉獸的我，都係黎番碟肉眼扒🤤🤤+$30 就有湯有野飲上圖呢杯就係佢杯homemade ice tea好fresh 好清新，好岩夏天飲，出乎意料地好飲今日餐湯係蕃茄湯，呢個絕對係最出色的一環，湯好濃好傑，好濃的蕃茄味，好似成粒蕃茄咁落左去咁，值得一試跟住到主食出場❗️薯條好足料好重薯味，又唔會炸得過火左，配合茄汁同芥末一流個扒本身就好厚好重肉味，又唔多筋位，唯一美中不足係其實原本叫左medium rare，但就熟左少少，但由於肉本身都算高質，又唔算太差❗️金鐘本身物價貴d，去開附近想平平地咁食，simply life 係你的選擇

金鐘是一個由港鐵打造出來的地點，原本只是公園和兵房，但隨著鐵路開通，金鐘的商業價值也上升，並發展成現時的酒店和商業區。在金鐘一帶上班，如果是藍領的話，可以去灣仔一帶的茶餐廳，豐檢由人。但如果是白領或OL, 就可能會比較喜歡在金鐘用餐。金鐘廊是連接金鐘與中環的走廊，也為商場，內裡有不少食肆，美心旗下的simplylife是中之一。這裡似乎是不少白領的飯堂，排隊的人甚多（不設訂位）。但其實這不難理解，原因包括地點方便上班族，環境不錯，方便傾計，加上食物選擇，質素和味道亦佳。故綜合來說，作價尚算合理（以金鐘/中環而言），適合約舊朋友吃飯，或與客戶午膳也可！

中午時段永遠要大排長龍，好彩嘅都要排半個鐘，所以平時好少機會嚟到食晏。 今晚晏收工，晚上九點幾肚到七彩，飛奔去Simplify, 好彩趕得切未到last order。雖然九點幾，但實在太餓所以點了南瓜栗子有機飯，晚上要另加$30才可享用麵包、湯及凍茶。色雖似甘筍，但其實係蕃茄湯嚟㗎。 蕃茄湯有些少酸，最奇係今次有點辣。特別要求要麵包嘅頭頭尾尾，純粹個人喜好。喜歡simplylife嘅麵包，好有水準！！！麵包唔一定搽牛油㗎，外層微脆麵心鬆軟，麵包沾上熱辣辣嘅湯，仲正！凍茶走冰，一來唔想飲凍野，二來唔會水汪汪淡茂茂嘛！南瓜栗子有機飯最唔滿意係佢地用平碟盛載囉，咁軟身有醬汁嘅飯攪到pat晒，賣相扣晒分…在又一城果間食過係用一個有窩嘅碟盛放，賣相討好一點。飯被南瓜汁滿滿的包圍著，內裡混合了南瓜粒、栗子粒、松子仁， 一d都唔會乾爭爭，勁好味飯面有一大片連皮南瓜，南瓜輕微焗過，幾香口這個飯雖然沒有肉，但好夠飽肚㗎。Simplylife一向水準不錯，又一滿足的晚餐！！！