楓 (Closed)

係廣華街仁安大廈地下, 鋪頭好細間, 好彩佢有啲籃比我地裝野, 鋪頭主力係食大阪燒, 據稱甜品都係招牌之一, 而且仲買一送一!不過我地黎食晚餐, 大阪燒邊夠我地食, 雖然個烏冬都好細個 😥 佢湯底有三款, 蕃茄湯, 咖喱湯同鰹魚湯, 我地每人各自叫左一款, 蕃茄湯幾蓉, 係真材實料, 只係湯好似唔係好夠 😅 雞扒好厚好大塊, 烏冬都彈牙, 整體唔差, 只係食完唔會夠飽 🙃佢呢度係有加一服務費, 不過我覺得佢冇乜服務可言, 我地飲完水佢竟然冇意欲幫我地加水, 而且野食其實出得算慢, 明明廚房有好多人 😶

係OpenRice見到咁多好評就去試下，點知中晒伏，先唔講佢好唔好食，第一，等餐時間好耐，等咗30分鐘先逐個人出餐，你無睇錯啊係逐個人出餐。。。第二，佢個+1服務費，並唔係餐牌價錢嘅+1，我係食午市嘅，原價79蚊嘅雞扒蕃茄湯烏冬，午市價錢49，但+1服務費並唔係用$49嗰個計數，而係用79原價價錢去計😀雖然係差個幾蚊，但係個計法都好有問題，而且我唔覺得佢有啲乜嘢service係值得俾個加一服務，一入到去係冇人招呼，連Menu都冇，然後冇水又冇人幫手加，又要等咁耐先有得食😀真係等到一肚火到講嘢食，我叫咗個芝麻豆乳同蕃茄雞扒烏冬，個芝麻豆乳還好，個雞扒都係好食嘅，但個蕃茄湯底杰到唔知食緊咩😅一Pat野咁呢間真係唔係好掂，廁所又無個，最近都要走到去洗衣街花園公共廁所😐