楓 (Closed)

係OpenRice見到咁多好評就去試下，點知中晒伏，先唔講佢好唔好食，第一，等餐時間好耐，等咗30分鐘先逐個人出餐，你無睇錯啊係逐個人出餐。。。第二，佢個+1服務費，並唔係餐牌價錢嘅+1，我係食午市嘅，原價79蚊嘅雞扒蕃茄湯烏冬，午市價錢49，但+1服務費並唔係用$49嗰個計數，而係用79原價價錢去計😀雖然係差個幾蚊，但係個計法都好有問題，而且我唔覺得佢有啲乜嘢service係值得俾個加一服務，一入到去係冇人招呼，連Menu都冇，然後冇水又冇人幫手加，又要等咁耐先有得食😀真係等到一肚火到講嘢食，我叫咗個芝麻豆乳同蕃茄雞扒烏冬，個芝麻豆乳還好，個雞扒都係好食嘅，但個蕃茄湯底杰到唔知食緊咩😅一Pat野咁呢間真係唔係好掂，廁所又無個，最近都要走到去洗衣街花園公共廁所😐