上村牧場 (Closed)

我們對日產牛肉早有偏愛, 鹿兒島高質 薩摩牛 更加喜歡.今次先訂了位於時代廣場, 上村牧場, 主要回味 薩摩牛燒日式餐廳設計非常好, 整齊清潔, 無油煙味.座位獨立, 空間闊落, 坐得舒服, 可以慢慢燒, 係至高享受.侍應招呼非常有禮, 彩頁餐牌清晰, 點餐無難度.  多款牛肉盛盒組合, 可以食齊牛的各部位.  我們點了自慢燒肉 10 種盛盒.套餐有自助果汁, 汽水, 咖啡/茶,  任飲.最先由輸送帶送到我們檯號, 係一盤子 自製調味料, 有說明指示調製方法, 侍應姐姐好細心在旁提點,  先手動磨芝麻, 再磨蘋果, 把芝麻, 蘋果蓉加入蔥花, 蒜蓉及醃醬汁, 自製醬汁完成了.自慢燒肉 10 種盛盒也送到.   顏色鮮美亮麗.薩摩牛里肌肉/薩摩牛涮涮燒/薩摩牛腰脊芯/薩摩牛牛五花/嫩肩牛/美國和牛牛肋條/ 橫隔膜/鑽石紋牛小排/牛柳粒/上五花肉.   質素吾錯, 足二人份量, 大滿足.開了爐, 先燒, 薩摩牛里肌肉, 厚切, 肉質細嫩, 且含油花. 薩摩牛涮涮燒,  薄切, 肉質靚. 侍應姐姐教路, 燒牛肉之前先讓牛肉沾上自製醃醬,  燒爐熱度可以自己調教, 牛油爆出, 火光靚靚, 好

上個禮拜同屋企人去銅鑼灣食呢間，揀咗薩摩牛放題😋首先食物質素真係超高 完全值得呢個價錢😝❤️最令我驚喜嘅係薩摩牛五花，油脂分布超級靚😭以為主打牛 冇諗過壽司都會咁出色，三文魚肥而不膩，仲有三文魚子做topping，美味しい！海膽都超級不錯😋😋同埋一款牛有好多種唔同配搭，幾推薦個四川麻辣風味，因為食到咁上下，突然有一股衝擊嘅味道，超級推薦!!!食到膩嘅時候，仲有泡菜可以膩，同埋明太子玉子燒多，超級清新🤩最後仲有一杯Häagen-Dazs送，仲有好多款甜品，但但係泡芙已經有三種味(吉士，士多啤梨，朱古力)，仲試埋佢嘅蕨餅，綠茶味超級濃🥺🥳下次一定會再去encore ！！

又到咗最難捱的星期一，放工當然要食餐好，獎勵自己一天的辛勞，最開心莫過於食一餐高質燒肉放題。上網搵到銅鑼灣嘅上村牧場，見到「薩摩牛」三個字，唔使諗咁多，即刻訂枱。上個月第一次試薩摩牛，食完真係返唔到轉頭。薩摩牛饗宴套餐星期一至四6點後，$588一位，未計加一，以薩摩牛放題嚟講真係唔算貴。一睇個餐單，食物選擇多到數唔晒，更加無可能試得晒，我哋最後決定今晚主攻薩摩牛。全晚特別鍾意以下幾款。🏆 薩摩牛和牛壽喜燒燒肉全晚最欣賞的燒肉！牛肉十分軟嫩，調味得宜，加入蛋漿，食落更加香滑，真係有入口即化的感覺。🏆 薩摩牛腹脅肉店員建議每邊燒一分鐘就好。最初燒完切開見到血紅色嘅時候，都有少少擔心，不過食完第一塊之後就立即愛上那口感和味道，肉質緊實有彈性、牛味豐富，正！🏆 薩摩牛和牛五花燒肉油花分佈均勻，肉質嫩滑，入口即化，牛味濃郁，我同朋友都encore咗幾round！🏆 薩摩牛生拌牛肉不得不讚個調味，非常清新味美，酸酸甜甜十分開胃。生牛肉肥瘦適中，鮮味十足，加入青瓜及洋蔥，口感更添層次。🏆 薩摩牛和牛里肌燒肉相比其他部分，里肌不是我的首選。里肌肉食落纖維比對較粗、富有嚼勁，牛肉味頗香。🎖 生拌鮭魚調味

銅鑼灣時代廣場最底嗰層，呢個位置除咗珍珠奶茶，旁邊仲有一間日式燒肉店，見到個裝修好日式，係放題燒肉店，價錢唔一樣，可以吃到不同地方的牛，當然呢度最出名來自鹿兒島嘅薩摩牛，產量稀少，喺日本都好矜貴。坐低用平板電腦點菜，見到佢食物種類非常多，除咗和牛仲有雞及豬肉選擇，仲有好多日式前菜，沙律，壽司，拉麵及甜品，種類非常多！以飲品就自助添飲，有汽水咖啡茶之旅，你仲可以加錢飲啤酒！坐低即時叫咗好多薩摩牛不同部位，上枱碟碟都油花分明，全部都有雪花效果。里肌肉，經大火燒熟，牛肉非常幼嫩，香氣撲鼻，肉味好香濃，肉質鬆化，口感特別軟滑。牛五花，油份更加豐富，入口即溶，油香又帶點奶油香，完全食唔停口。涮涮燒，會配有一個滑蛋，只需要大火輕炙兩邊，加入蛋漿，入口又香又滑，完全唔需要咀嚼，吃得出薩摩牛獨一無二嘅口感，即是在order多咗幾碟，估唔到任食都有呢個水準！餐廳仲有啲稀有部份（每隻和牛得幾個%的部位），需要另外加錢，就試咗一碟肉裙肉，口感同之前一樣，但多咗份爽脆，有少少似食牛腩邊嘅位置，加上和牛肉香，口感獨特。餐廳仲有其他地方牛嘅選擇，牛舌，橫膈膜及其他位置。個人推介雞腿肉夠晒彈牙，肉質粉嫩。最鍾意食嘅

今晚同另外一位牛摩王去”KO”薩摩牛放題，因為放題先可以滿足到我哋嘅要求，揀咗薩摩牛饗宴套餐（$588/位），限時100分鐘，完結前30分鐘最後加單！係入口處附近，就有自助式飲品機，有頗多選擇！薩摩牛內裙肉 - 做會員送嘅薩摩牛里肌肉薩摩牛牛五花薩摩牛涮涮燒(附蛋)仲有薩摩牛壽喜燒，掛住食唔記得影相添!澳洲和牛牛五花（蒜香）澳洲和牛牛五花（原味）美國牛肋條壺漬松露風味牛排牛舌四片一口牛柳北海道產豚里肌肉 - 好厚、要燒多點時間澳洲和牛牛板腱 燒海老 - 夠新鮮和風沙律 - 有助減低油膩感燒帆立貝壽司、松葉蟹壽司、燒牛肉壽司 - 比較喜歡松葉蟹壽司！ 豬骨拉麵 - 麵質夠煙靭！甜品 - 綠茶蕨餅、朱古力泡芙、檸檬啫喱，仲有我喜愛的Haagen-Dazs雪糕添！😋😋整體不錯，當然係薩摩牛係最好味，其實其他牛也不錯，員工態度服務很好，我哋兩隻牛魔王也很滿意今晚的放題！

日式燒肉放題有好多選擇，不過質素參差，今日試咗時代廣場地庫一間叫上村牧場嘅，質素非常唔錯店員特別推介我哋叫咗個薩摩和牛饗宴套餐放題，因為佢哋有自家嘅牧場，而養嘅牛係鹿兒島最出名嘅薩摩牛。套餐除咗薩摩和牛任食之外，其他雞羊豚都係可以任叫而薩摩牛和牛五花燒肉, 薩摩牛和牛里肌肉燒肉, 薩摩牛和牛壽喜燒燒肉更加係必點嘅：牛五花油分豐富，又腍又香。牛里肌肉瘦一點，但有咬口牛味濃。壽喜燒牛肉本身調咗味，燒香兩面再放落蛋漿度，非常和味。由於可以無限量添加，所以keep住order其他嘅肉類都好精彩，例如有比較少見嘅薩摩牛內裙肉，雖然唔屬於放題，但只要成為會員就會即場送一份，類似牛腩嘅部位，中間有一層膜，亦有一層肥膏，超有咬口，燒熟一啲食都唔會韌另外比較喜歡嘅就係牛橫膈膜，有肉味有咬口但又唔怕太韌，好味但當然貪心想試多啲款式：例如羊架，雞心，雞頸肉，雞腿肉，雞翼等，質素都非常唔錯由於餐廳開業不久，所以裝潢都好新鮮好光猛，俾我哋嘅枱好大張，而食物上枱都係用運輸帶，店員亦有主動換網，讚👍飲品方面選擇唔算多，但基本嘅汽水果汁茶都有提供放題100分鐘，其實時間都算足夠，唔會好趕，食埋甜品捧住個肚走🤣😅

朋友話銅鑼灣時代廣場有超正薩摩牛放題咁梗係唔可以錯過啦！環境都算乾淨整潔座位仲有提供唔同嘅醬汁，都幾細心另外仲有一條運輸帶會將食物送上，啱晒小朋友☺️將牛肉放咗落去燒烤網之後勾起小時候玩嘅網上燒牛肉遊戲既回憶🤓🤓 薩摩牛肌里肉：肉質比較結實，好好咬口，肉味非常香濃！ 薩摩牛牛五花：牛肉嘅鮮味簡直係大爆發！超多肉汁，質感軟嫩有香味亦非常突出，超正！薩摩牛和牛壽喜燒： 薄薄既薩摩牛涮涮燒+生雞蛋，呢個組合非常誘惑！薩摩牛上面已經有甜甜嘅壽喜燒醬汁，燒完之後，再配埋生雞蛋口感非常滑又充滿薩摩牛嘅牛肉油香非常滋味！除咗壽喜燒風味之外另外仲有四川風味，蘿蔔蓉等等唔同嘅選擇咁就可以用高質嘅薩摩牛試到唔同嘅風味啦😎北海道產豚肌里肉：豚肉肉汁非常豐富配上羅勒醬，加添一點點清新☺️☺️雖然比較厚切但口感唔會死實，唔錯喎👍🏼呢個放題最正嘅係高質壽司嘅選擇都好多！鮭魚親子壽司：三文魚子好飽滿，厚切魚生粒粒口感好澎湃😌😌薩摩牛炙燒壽司：必食推介！炙燒薩摩牛，肉汁同埋油香均和唔需要點豉油，已經好好食🔥食到飽飽當然唔少得要用另一個胃食埋甜品啦😎甜品亦都冇令我失望除咗Häagen-Dazs之外，抹茶蕨餅、焦糖蘋果批都要食

在銅鑼灣時代廣場搵到間日式燒肉放題，我同朋友都好有一段時間沒有食過。薩摩牛之後無食過，唔知好唔好食，到最後我同朋友都選左薩摩牛饗宴套餐，薩摩牛是用上日本第一的鹿兒島和牛，聽個名己經好吸引。薩摩牛饗宴套餐任食任飲最多有170種，薩摩牛都有十款可選擇，淨食薩摩牛己經可回本，但仲有其他食物都好吸引。運送食物好想迴轉壽司咁，每次點了單，都會在運輸帶上送上，攞完之後就按返個制就會回去。【薩摩牛里肌肉、薩摩牛牛五花、薩摩牛涮涮燒】里肌肉肉味較濃，有嚼勁，油份平均。牛五花肉質較紅，油脂分佈較多，肉質鮮嫩。【薩摩牛涮涮燒(跟蘿蔔蓉)】涮涮燒是另一種食法，包住蘿蔔蓉一起食有清新。【薩摩牛壽喜燒(跟雞蛋)】壽喜燒入口即溶，跟雞蛋真係一流，之後再跟埋個飯就絕配。【薩摩牛炙燒壽司】這個薩摩牛炙燒壽司真是必叫，燒到半生熟的壽司，肉質軟淋入口即溶。【燒雞頸肉】原來在這裡都有雞頸肉可點選，肥瘦適中，肉質彈牙。【薩摩牛生拌牛肉】這生拌牛肉在港真係好少見，食落口比想像中出色，肉質鮮嫩，加上青瓜粒撈埋一齊食有另一種口感，咀嚼帶點爽口，好有驚喜，值得推介。【薩摩牛蘆筍卷】蘆筍爽口多汁，再加薩摩牛牛味濃郁，絕配。【薩摩牛壼漬

去時代廣場覓食🥢🔥要好食，要高質，冇難度😎薩摩牛饗宴套餐放題！餐廳環境乾淨整潔，可以自己出去拎嘢飲，選擇眾多，燒肉配汽水，爽😉點餐之後，食物會由輸送帶送到去座位，我見隔籬枱啲小朋友期待着輸送帶送食物過嚟，好似好興奮😊😊薩摩牛多個部位係可以無限添加！而且仲可以揀配搭唔同嘅醬汁/風味例如柚子醋、蒜香牛油、四川風味辣汁、壽喜燒都有！薩摩牛牛肉既顏色紅卜卜❤️油分高，做到入口即溶既效果！⭐️薩摩牛牛五花- 油脂飽滿充沛，口感可以話係不柴不膩，仲有少少爽彈口感，又帶有牛鮮味⭐️薩摩牛里肌肉-依個部分肉質比較結實，油脂均勻，有嚼勁又滿滿油香⭐️薩摩牛壽喜燒燒肉-壽喜燒風味嘅薩摩涮涮燒，薄薄既牛肉，沾上蛋汁，甜甜地，加埋蛋香味，口感非常滑溜😌😌除咗靚靚薩摩和牛之外，都有其他牛肉，豬肉，雞肉等等嘅選擇，呢個配黑松露醬汁既西冷扒，牛肉味亦非常出，口感比較厚實，都有驚喜😎😎雞髀肉，預先已經切好一粒粒上菜，燒完之後，肉質仍然嫩嫩，好滑😋😋當然唔少得其他美食，好似壽司、湯、飯、麵、甜品等等。忍唔住手，叫咗碗香辣牛肉拉麵一路享受燒肉，再飲啲辣辣地嘅蛋花熱湯，都幾舒服，估唔到個拉麵都幾彈牙，冇揀錯😎壽司選擇非常多，而且好

香港人都十分清楚這個商場有不少購物的優惠，今天一於和朋友嘗試了這個薩摩牛的燒肉放題，平𧗽一下平時緊張的生活.各式各樣的飲品也是自由地在吧枱領取的，至於每一張枱也有手提的iPad，可以自由地選擇自己喜愛的食物，也避免了漏單的情況又夠環保.此外這間餐廳那利用高速線，將食物迅速地送往枱子，能夠節省店員，也保持食物衛生清潔.到了今日的主打薩摩牛和牛五花燒肉，油脂分布平均，入口充滿幸福的感覺.薩摩牛和牛里肌肉燒肉，肉味十分之濃厚，充滿了牛肉口感.薩摩牛和牛壽喜燒燒肉，利用薄切的方式，也是另一番體驗，由於這個是日本牛，餐廳利用吃得飽的方式真是成本極高.這個吃得飽還有牛肉壽司帶子壽司等.至於主食方面也有大大條的鰻魚飯.大大隻的大蝦也是任叫任點的真是性價比十分之高.最美的甜品還有一日一杯，外國品牌的雪糕，為這一餐畫上一個完美的句號.

今晚朋友請食薩摩牛放題, 日本過江龍和牛放題店, 夜晚放題時段有薩摩牛任食, 價格其實唔貴, 而且座位舒適寬敞, 店員招乎好又有禮貌! 電子落單, 超方便, 仲有路軌式輸送食物, 乾淨衛生! 同埋放題最緊要係上菜快, 轉個頭就送到枱邊!松露風味牛排成塊上, 唔會唔捨得俾你食, 肉質鮮嫩, 肥瘦適中.薩摩牛牛五花薩摩牛牛里肌肉薩摩牛涮涮燒顏色鮮紅, 肉質一望就知係新鮮上等級數, 無論牛五花, 牛里肌肉定係涮涮燒, 燒完都係超嫩, 一D都唔韌, 香味濃郁, 忍唔住再叫左2次.薩摩牛炙燒壽司估唔到壽司都會入口即溶, 只係薩摩牛輕輕火炙, 牛既香味就飛哂出黎, 唔覺意滑左入喉嚨!薩摩牛壺漬通常燒和牛加鹽作少許調味已經足夠, 但係用自家秘製醬汁漬製後, 又帶出另一種味道, 真係越食越停唔到.極品嫩肩牛軟冧冧, 配上洋蔥同醬汁, 只係燒左一分鐘, 嫩滑!牛油帆立貝燒帆立貝都唔細粒, 配搭牛油, 仲有大量洋蔥伴碟, 連錫紙盤整盤放上爐燒, 燒一陣已經聞到香味飄出黎.燒雞心大大粒雞心, 要慢慢燒, 燒到皮脆內軟綿綿, 當然因為內臟, 本身質素要夠高.牛骨湯拉麵牛骨湯超濃味, 麵質好似係日本拉麵店食既質