泰灜

Open Now

Now Closed

佐敦吳松街呢間泰國菜真係臥虎藏龍，食咁多樣嘢食都有驚喜‼️食泰國菜唔駛一定去九龍城～～呢度逢星期一至日都有唔同優惠🤩今日係星期二，芒果糯米飯可享半價👍🏻糯米飯係熱的，質感非常軟糯，成件事昇華左好多❤️「虎蝦冬蔭功」飲一啖，即刻「叮」一聲，係好好飲😋啲料好足，酸辣味會令人停唔到口！「虎蝦炒金邊粉」每次食泰國菜都必點嘅炒金邊粉，味道好balance，金邊粉係有適當嘅彈性，唔會炒到碎哂或淋哂‼️不過包左粉漿後嘅虎蝦有啲乾，失望……「火焰燒春雞」即席點火，春雞被紅紅的火光包圍住，相當有睇頭🤩呢隻春雞用左蜜糖叉燒醬醃製，味道甜甜地好惹味，重點係肉質非常嫩滑多汁，好有驚喜😋

今晚又約了朋友在佐敦吳松街食飯，由於離地鐵站口只需行幾分鐘就見到，所以愛上了這條街，這兩星期已在佐敦開了三次飯。泰瀛門口非常容易認， 因為有兩個泰國女迎賓木像， 加上是玻璃門，可看到內裏是否有很多顧客。暫時人少少，我們就入去食了。內裏裝修簡約，仔細看就很有泰國風情，尤其是牆身 、枱布和茶壼， 是一家地道小店。我們先叫了一個大的小食拼盤，之後再叫串燒雞和豬各三串、麵包咖哩軟殼蟹、 馬拉盞炒通菜、 虎蝦炒金邊粉、虎蝦冬陰功湯，甜品叫了芒果糯米飯作結。小食拼盤有炸蝦餅、炸春捲、炸魚餅和炸雞翼。 個人最喜歡炸蝦餅，因為蝦膠很厚和有彈性，外面就脆卜卜， 點上酸甜醬，食指大動！ 炸春捲也很有水準，外皮硬身且爽脆，無好油膩的感覺， 內餡有新鮮蔬菜。馬拉盞通菜和金邊粉都好有鑊氣！馬拉盞通菜炒得翠綠又香口 ; 金邊粉就酸酸甜甜， 同埋炒到粉條分明，唔會一pat pat。冬陰功湯適合香港人口味唔會太辣。串燒豬肉和雞肉都嫩滑，有兩款醬汁可供選擇。重頭戲： 咖哩軟殼蟹農夫包， 又靚又好食。 估唔到有咁多軟殼蟹， 咖哩比較杰身，配上烘得脆脆的麵包，好好味。芒果糯米飯都有水準，只是我以為會比較大碟。

中午原本想食茶餐廳就算，但見到有一間泰國野，諗住試下泰味如何。印象中都覺得泰國菜係酸酸辣辣甜甜（就似冬蔭功湯一樣），呢份虎蝦炒金邊粉都不例外，酸辣甜各佔一D，但覺得味道都係偏甜，面身上有炒蛋碎同韭菜碎，亦有幾塊蝦肉，老實講其實得兩塊，而且麵捲埋一舊視覺上好似好大份其實真係好少，份量真係少到呢，覺得真係唔抵。而最特別係有附加白砂糖同花生碎，我估佢原意係想我地撈埋佢？定只不過係噱頭？但係其實麵本身夠甜冇乜必要。味道OK幾好食，環境衛生其他方面都中規中矩，但份量實在太少，唔會食得飽。

【佐敦食街泰國野】佐敦吳松街係食街，有好多餐廳野食，今次試呢間佐敦既泰國餐廳~沙爹雞肉串燒 (💝7/10)- 特別在配上蒜蓉包幾磚仔，入口唔係脆卜卜果種- 雞串好濃好入味，唔點醬都好夠- 反而豬肉花生醬淡少少lo, 無花生味，有種免治豬既感覺多$98 (6pcs)虎蝦炒金邊粉 (💝6.5/10)- 不過不失，配料不太多- 只得topping既蛋、再加d芽菜、青蔥等，隔離有少少糖同花生碎粒- 金邊粉炒得不太入味，味道較淡$128泰式鮮蝦金柚沙律 (💝6.5/10)- 有西柚、腰果、紫洋蔥、木瓜絲、菠蘿- 沙律有酸酸澀味，如果轉甜醬會清新好多$88馬拉盞炒通菜 (💝7/10)-好香馬拉盞味$39 (原價$78，有半價promo)______________________________【環境篇👇👇👇】- 小店茶記setting，無特別decor/裝修______________________________Overall- 我覺得呢間味道介乎一般到麻麻，味道不太出色，無一個dish令我深刻- 勝在份量好足夠...✏✏✏✏✏✏✏👅味道：6.5/10🌌環境：7/10🙋🏻‍♂️服務：7/10💰

突然想食泰國菜 上OpenRice 搵 意外地搵到呢間就打左去訂位因為當日才打去book位 所以8點已經full曬最後係我地選擇左6點半時間「地點」：由佐敦地鐵站行2分鐘就到非常方便「環境方面」：星期六 6點半 4個人下層都係full曬 8點前要交番枱 下一輪的食客環境細細 感覺乾淨舒適「食物方面」：（龍眼冰）唔算太甜 味道不錯（泰式生蝦）要預訂生蝦好新鮮 但連個蝦頭都炸過 可以食（馬拉盞炒通菜）不會太辣，不會太咸但無咩馬拉盞味 但ok既（劈開椰青見海鮮）道菜連 一杯椰汁放杯另上椰青中間就放咗蝦,青口, 墨魚仔，魚肉，帶子咖哩味道偏咸 但無咩辣味同個蒜蓉包個味道都唔係好配合鹽焗魚-有一點鮮味，但點左汁之後十分惹味，條魚都好新鮮，肉質嫩滑🎈推介必食：金邊粉 菠蘿炒飯 蒜蓉包好岩香港人口味泰國菜（回頭再食：😋😋😋😋😋）「服務方面」：服務生見我們選擇左好耐會主動過黎介紹菜單所有服務生都好有禮貌一間小店黎講 服務算好好（整體服務態度很好 值得👍🏻👍🏻）「價錢」：四個人 七碟菜 一個飲品$764平均每個人$191

全港十八區每區都有它們各自的食街，佐敦內最有名的食街莫過於廟街和吳松街，前者主要做遊客生意，後者則可算是一條平民食街，食店不但多樣化，而且價錢都非常大眾化。佐敦雖然多美食，但泰菜店卻不多，所以當發現吳松街新開了一間泰菜店就挑起了我的興趣，趁Happy Friday就飯都唔煮，跟家人一齊試下。＊＊＊＊＊＊＊＊＊＊＊＊說的就是泰灜，店內地方不算大，跟鄰近的食店差不多，但整體都乾淨整潔。左: 木橘冰($28)右: 龍眼冰($28)店內有多款泰式飲料，其中一款木橋冰在香港比較少見，但如果去過泰國的朋友可能都會飲過，因為去Spa時提供的Bael Tea正是木橘茶。木橘可以幫助消化，最適合現在炎熱的天氣下飲用，但飲落味道有點像木棉花的味道，未必人人可以接受。龍眼冰很重龍眼清甜味，食泰菜用來解辣就最啱，杯底還有五六粒龍眼肉。紅咖哩燒鴨($98)紅咖哩雖然不及青咖哩辣，只屬BB辣程度，但味道卻非常香濃惹味，用來配白飯或薄餅都一流，所以食泰菜我通常都會點一客紅咖哩。咖哩汁濃稠適中，裡面有鴨肉、番茄和菇，鴨肉嫩滑，但相比起紅咖哩，卻只是配角。惹味蒜蓉包($38)食咖哩當然要點返客蒜蓉包，蒜蓉包軟熟又夠厚，

係香港要食泰國嘢唔難，但要揾一間做得出泰國味道嘅就真係唔易！一入到餐廳就發現佢門面都幾細，好彩我地已經book左位，坐底左之後發現好多人想wall in都無位，好欣賞老闆真係會將D位預留番比book左位。沙律我地㨂左泰式鮮蝦金柚沙律好中意佢嘅泰式酸甜味，好清新！傳嘅蝦絕對唔係發水蝦，好彈牙！黎到泰國餐廳，點可以唔食生蝦刺身！生蝦好生鮮，個蝦頭炸到好香脆，幾特別！輪到咖哩喇我地叫左個青咖哩雞，佢嘅咖哩汁好香濃，一定要用黎點包！所以我地即刻叫左個包！原來佢地嘅包係係用厚多士，外層焗得香脆，入面好鬆軟，用黎點咖哩好好食仲叫左個泰式魚餅佢係用香茅穿住舊魚餅，食落啖啖香茅味 美中不足係魚餅唔算好彈牙原本諗住叫碟炒椰菜苗，點知當晚8點幾去到已經賣曬 咁唯有食通菜啦估唔到咸豬肉嘅油程炒出黎又幾惹味！虎蝦炒金邊粉，雖然份量係少左D，不過味道答夠，隻蝦都好彈牙！甜品點少得芒果糯米飯！糯米飯煮得啱啱好，夠煙un, 啖啖椰汁真係好香，芒果都好甜！佢地杯泰式奶茶真係得！好有泰國嘅味道！

早前睇到宣傳廣告, 係佐敦新開左間泰國菜餐廳, 其中一款火焰雞吸引左我必要前去一試!今晚收工相約妹妹到達餐廳, 結果係冇BOOK位下, 餐廳內已經坐滿食客, 認真旺場! 好彩唔係等左好耐都好快有二人檯安排入座, 店內面積唔大, 設有卡位, 裝修以簡樸為主。Menu上對比其他泰國餐廳款式唔多, 但傳統既款式都有, 例如冬陰功、串燒、生菜包等等…平日晚9點左右, menu上有少部分菜式、飲品都已經賣哂。幸運地, 最後一隻火焰雞都給我order到! (如果一心想去食既話就要記住打電話預留喇!)【龍眼冰】HK$28先來一杯龍眼冰解解暑, 冇想像中咁甜, 清清地既龍眼, 幾清新【虎蝦炒金邊粉】HK$98隻蝦真係好大隻, 金邊粉炒得幾有穫氣, 侍應建議我地將旁邊既三色味粉同青檸汁跟金邊粉撈起食, 因為我將所有味粉撈埋, 當中既辣粉令整碟金邊粉生色不少, 味道辣辣地, 很惹味。【火焰燒春雞】HK$188最期待既火焰雞出場了, 吸引唔少鄰坐遠望。燒雞上檯後, 侍應將帶有火焰既酒精從燒雞頂部淋上, 火焰完全包住隻雞, 維持大約十秒左右, 就會自動熄滅。店方會送上膠手套比我地撕出雞肉食, 別具泰國傳統風味