李家 (海壩街)

Open Now

Now Closed

上次朋友嚟食完，呢間啲炸雞幾好食同埋份量好大。真係比我想像中嘅份量多。我哋兩個人點咗一份自選半半炸雞同人蔘雞湯。原味炸雞$93 拼 蜂蜜大蒜炸雞$113我哋揀嘅雞全部都係有骨嘅，個原味都超正，啲雞新鮮熱辣辣即炸，炸粉唔會太厚，入口好鬆脆，咬開啲雞肉勁嫩滑。食完呢個再食蜂蜜大蒜炸雞，口感更加豐富。個醬汁真係超Juicy，食落好惹味又開胃。忍唔住食完一嚿又一嚿。兩大盤嘅炸雞份量雖然好多，不過都比我哋清晒😋。人蔘雞湯$198個湯底好鮮甜，隻雞入面有糯米同埋一條人蔘，人蔘味唔算好濃。成隻雞都幾大隻，雞肉新鮮。呢款即點即做，等咗20分鐘。最後食炸雞點少得凍飲🥤，點咗杯西柚梳打$38，清新嘅西柚味，配好夠氣嘅梳打，我最鍾意佢隻杯🤩，而且都幾大杯好抵飲。另外嗰杯濟洲柑橘汁$18，我仲以為係罐裝嘅，點知都係一杯嘅，好濃郁嘅柑橘🍊味，好飲！另外不得不讚嘅係，由入座到埋單，職員同老闆嘅服務態度都好好。成餐飯食得開心又滿足。下次再嚟試埋其他菜式先。

近日同朋友聚餐，有位朋友提議食韓國野，經過一輪research同比較，決定食李家。餐廳位於荃灣，近愉景新城。餐廳食物質素唔錯，性價比高。我哋叫咗圖上嘅食物，其中芝士雞蛋卷味道雖然一般，但勝咗夠多芝士。另外，炸雞可以半份半份order，哩樣野好customer friendly，可以一次過食唔同味道，而且炸雞相當脆口，青辣椒蛋黃醬炸雞，好好味，Yum!小小辣，多多趣，而且加埋濃郁嘅醬汁，唔會太㶧口。不過蜂蜜大蒜炸雞就太多蜂蜜，有啲太"溜"。性價比最高嘅就係芝士辣海鮮炒年糕，入面有好多唔同嘅食物，而且份量大，係飽肚之選。