李家 (海壩街)

Open Now

Now Closed

上次朋友嚟食完，呢間啲炸雞幾好食同埋份量好大。真係比我想像中嘅份量多。我哋兩個人點咗一份自選半半炸雞同人蔘雞湯。原味炸雞$93 拼 蜂蜜大蒜炸雞$113我哋揀嘅雞全部都係有骨嘅，個原味都超正，啲雞新鮮熱辣辣即炸，炸粉唔會太厚，入口好鬆脆，咬開啲雞肉勁嫩滑。食完呢個再食蜂蜜大蒜炸雞，口感更加豐富。個醬汁真係超Juicy，食落好惹味又開胃。忍唔住食完一嚿又一嚿。兩大盤嘅炸雞份量雖然好多，不過都比我哋清晒😋。人蔘雞湯$198個湯底好鮮甜，隻雞入面有糯米同埋一條人蔘，人蔘味唔算好濃。成隻雞都幾大隻，雞肉新鮮。呢款即點即做，等咗20分鐘。最後食炸雞點少得凍飲🥤，點咗杯西柚梳打$38，清新嘅西柚味，配好夠氣嘅梳打，我最鍾意佢隻杯🤩，而且都幾大杯好抵飲。另外嗰杯濟洲柑橘汁$18，我仲以為係罐裝嘅，點知都係一杯嘅，好濃郁嘅柑橘🍊味，好飲！另外不得不讚嘅係，由入座到埋單，職員同老闆嘅服務態度都好好。成餐飯食得開心又滿足。下次再嚟試埋其他菜式先。