得閒飲茶

Open Now

Now Closed

位於太子花墟附近呢一間街坊點心店，點心即叫，即蒸絕對有誠意。我們兩個人選了五款點心：1）得獎蝦餃：蝦餃餡料由蝦和筍為主，爽口彈牙，略嫌蝦味不夠，有少許酸味，價格平均也要$9一粒，未算平2）潮州粉果：另一推介，冬菜香茜味濃，花生亦有很多粒，潮州人都好味3）香西牛肉腸粉：牛肉餡料出乎意料之多，有見到的厚度，腸粉皮方面略厚，豉油味都OK4）醬皇蒸鳳爪：好味喎，夾雜微辣的豉椒香，推介推介5）叉燒包：正正常常， $20. 三個，性價比高冇得輸總括嚟講性價比算高，此店位於另一家米芝蓮點心店附近，那間店有好多遊客在門口排隊，但得閒飲茶絕對係地道街坊幫襯首選。店舖少少有十幾張張枱，星期日你夠11點已經開始門口有人排隊，就算不是米芝蓮推介也絕對是街坊推介！

點心店林立，亦都好多選擇，所對鍾意食點心嘅人來講係開心嘅。由於3點茶樓飲茶好快落場，所以選擇食點心專門店。🏮椒鹽香脆魷魚鬚炸粉唔夠薄，椒鹽味唔夠重。🏮醬皇蒸鳳爪咸左啲，鳳爪都大隻同腍嘅。🏮蜜汁叉燒包麵粉鬆軟，餡料豐富。🏮沙嗲金錢肚入味，唔韌。🏮春風得意腸整體好味，賣相都好靚，口感上未夠脆，可能因為腸粉皮太濕了。🏮得獎蝦餃之王皮薄餡淡左少少。🏮山竹牛肉球不過不失。🏮懷舊香菇燒賣乾身啲，偏咸。🏮紫薯流沙煎堆仔無想像中甜，有驚喜，紫薯面脆脆地味道幾夾。🏮香茜牛肉腸腸粉厚身左啲。🏮家鄉鹹水角還可以。氣氛的確無茶樓咁好，但全日免加一，只收$6茶錢，而且味道唔錯。

呢間餐廳主打傳統同特色創意點心，全部即叫即蒸。用心製作，價錢又平民化🫖老闆曾擔任大酒樓點心部總廚，有30多年做點心經驗👨🏻‍🍳曾參加香港旅遊發局主辦嘅比賽「2011美食之最大賞」﹣榮獲至高榮譽金獎、甜品創意大獎、蝦餃之王美譽🏵💗得獎蝦餃之王 ($32/ 4隻)餃皮晶瑩剔透，口感煙韌薄身，蝦肉餡爽口鮮甜，配上爽脆筍粒🦐💗蜜汁叉燒包 ($19/ 3隻)包身蒸得鬆軟有濕潤感，叉燒餡足料飽滿，肥瘦適中，蜜汁香甜美味🐷💗懷舊鶉蛋燒賣 ($25/ 3隻)餡料用上半肥瘦豬肉同蝦膠，面頭放上鵪鶉蛋，口感非常豐富🥚💗蒜蓉粉絲蒸墨魚仔 ($30)粉絲幼滑入味，絲絲分明，吸收哂蒜蓉同湯汁嘅精華。墨魚仔爽彈有嚼勁，令整體更鮮味🐙💗春風得意腸 ($37)腸粉皮薄滑溜，入面包住香脆嘅油炸鬼，更加入彈牙鮮蝦同多款清甜蔬菜，包括紫椰菜、粟米、西芹等，表面再以脆卜卜嘅魚籽點綴，淋埋甜豉油食就最夾🫔💗紫薯流沙煎堆仔 ($29/ 3隻)糯米皮香脆軟糯，帶淡淡紫薯味。流心餡既有鹹蛋黃嘅甘香，又有奶黃嘅香甜，味道濃郁起沙🍠