博多拉麵別天神 (Closed)

2019就開始食佢💛，係百物騰貴嘅情況下，佢價格無變已經好難得！所以我間唔時食拉麵時就諗起佢～#蝦味噌豚骨湯麵 🦐套餐好鍾意佢唔係半邊溏心蛋，係比足成隻你！湯底夠濃，我偏好揀麵身「偏硬」，咬落夠彈牙又有口感！配料有我喜歡嘅粟米🌽同櫻花蝦，所以湯味有海鮮鹹香，會忍唔住不停飲！通常平$5配埋小食， 揀咗 #小龍蝦蟹籽沙律 ：佢幾大球，調味調得唔錯，用脆身嘅紫菜包住食，我覺得仲出色過佢嘅餃子🥟！基本款 #豚骨湯麵 唔算特別出色，因為個人比較喜歡「海鮮」味嘅湯底，不過不失，但因為有頭兩款食物，都會再嚟食～

別天神大家都一定試過🥰！（未試過就好去罰下佢🥰！）我幾鐘意佢地個蝦味噌拉面！豬骨味底好濃但唔油膩，同味噌陣味好相襯，入口有少少膠質！叉燒係用腩肉做，肥瘦均勻。唯一係我果日既糖心蛋有一半熟左😢，同埋雖然櫻花蝦陣味係有少少香，陣味唔太出，如果更香就更正！店入面有幾款推介食法🤣，我就最鐘意拉面汁+蒜蓉+辣芽菜，真係變到好濃味，野味到真係停唔到口咁🤤！ 你地又鐘意加咩嚟調配？

👉🏻蝦味噌套餐套餐有蝦味湯底拉麵、小龍蝦蟹子沙律同埋一客餃子 好豐富🤤.櫻花蝦令到個拉麵湯底更濃郁 好重蝦味 麵條屬於幼身 掛湯能力高👍🏻叉燒兩大塊肥瘦適中 但流心蛋過份流心 未食已經流緊出嚟🤧.小龍蝦蟹子沙律形狀好似雪糕球 沙律醬唔多 但有啖啖龍蝦肉 仲可以用紫菜包住嚟食 味道好有驚喜！.餃子可以再煎脆啲😋————————————————————-博多拉麵別天神尖沙咀阿士厘道24號天星大廈地下A1地舖

良心小店 當然要來支持一下客人需要在外面自助點餐機點餐後再入座 如需要用現金付 要找店員幫忙喔 一進去就看見餐廳牆壁貼滿了香港人的心聲拉麵主打兩款湯頭 與朋友一人各選了一個套餐別天神套餐 $105🦞小龍蝦蟹子沙律 稠稠的很足料真的有小龍蝦肉和大量蟹子 配上紫菜包著吃 很有風味🐷叉燒厚切 入味軟腍 一點也不乾不柴 還帶點肥膏 🥚日本半熟蛋好流心 白湯果然無添加味精 喝完也不會覺得口渴只喝白湯有點單一？ 👨🏻‍🍳餐廳推介自行調製隱藏口味 拉麵汁➕蒜蓉➕辣芽菜➡️特濃 喜歡吃蒜蓉的一定要嘗嘗這個口味 啖啖蒜蓉香再帶點辣 令整個湯底更惹味蝦味噌套餐 $115🥟煎餃不油膩 略為煎得不夠脆 內餡包有菜和肉 比例剛好不會覺得很濟 旁邊的醬汁帶點醋香 酸酸的很消油膩感比起豚骨湯麵多了櫻花蝦和粟米 🦐令湯底多了一點蝦香味 🌽粟米爽脆鮮甜 令口感味道更豐富這家拉麵店有別於其他的只提供冰水 而是提供冰麥茶 感覺更解膩店員更為食客送上RFID套 很有心思 離開之前當然要寫下自己的心聲

同熱愛這片土地... 最近大部份香港人心情都好沉重，既然要消費要食飯，都盡量搵啲良心小店去幫襯為自己亦為良心老闆打打氣💪🏻💪🏻💪🏻位於亞士厘道嘅呢間日本拉麵小店，可以吃出香港人嘅感動❤️佢嘅門面同店內裝修從頭到尾都有濃濃日本小店風情，門口有一部自助售票機，先點菜、後入座。全店嘅牆壁都佈置食客嘅願望紙條，一邊食拉麵一邊睇紙條，百般滋味在心頭❤️講返佢地嘅食品品質先～蕃薯妹已經唔係第一次幫襯別天神～佢地全港有好多間分店～全店其實只有兩款口味嘅拉麵，另有兩款小食，貴精不貴多👍🏻呢度嘅調味料架一啲都唔馬虎，有好多配料俾食客調製出自己鐘意嘅口味，牆上亦有張教大家調製隱藏口味嘅說明俾食客參考👍🏻別天神套餐 $105別天神套餐有豚骨湯麵+自選小食，如果豚骨湯麵單點係$75。豚骨湯底好香濃，叉燒肥瘦適中。蝦味噌套餐 $115蝦味噌套餐有蝦味噌豚骨湯麵+自選小食，如果蝦味噌豚骨湯麵單點係 $85。湯底有濃濃嘅蝦乾香味，好味唔會腥。小龍蝦蟹子沙律 $35每次食都要一讚嘅小龍蝦沙律，小龍蝦肉彈牙唔會梅，而且份量多，啖啖小龍蝦肉，配上蟹子、沙律醬同薯蓉，非常值得一試，好味到可以食兩份😋餃子 $35餃子煎到皮脆內多

今日黎到亞士厘道食拉麵，門口放有拉麵機，點餐超方便，只要係拉麵機選擇食物，然後用八達通俾錢就可以。套餐可選沙律或餃子，我地每人選一樣，咁就可以試哂兩樣。別天神套餐豚骨湯底有濃郁豬骨味，配料有日本糖心蛋和叉燒，拉麵是用博多幼身麵條，麵條煮得剛剛好彈牙。小龍蝦蟹子沙律食落每一啖都有龍蝦肉和蟹子味，用紫菜包住食都一樣咁好食。蝦味噌套餐蝦味噌湯底濃郁，而且放左好多櫻花蝦係湯底入面，飲湯之餘仲食到啖啖櫻花蝦味。配料基本上同豚骨拉麵一樣，只係多左粟米。餃子 (4隻)煎到外脆內軟，配埋醬汁更好食。仲有辣芽菜提供，加落麵到食更惹味最值得一讚係店內有一幅打氣牆，客人可以寫上自己的願望然後貼上去。

香港人其實好鐘意食日本菜，所以成日都有日本食店開業，呢間拉麵店好有傳統日本拉麵店風格，就係為左專注做好品質，所以全店只有兩款麵食提供，我反而好鐘意帮襯呢啲鋪頭，因為感覺質素一定有番咁上下。首先鋪頭設計好日式，甚至落單係用日本的販賣機，感覺好像去左日本咁。今曰叫左個別天神套餐，即係豚骨湯麵加餃子加小龍蝦蟹子沙律配紫菜。奶白色的豚骨湯唔咸又帶有豚肉味，配上厚厚的义燒及滿滿的木耳絲，口感提升。另一個係味噌蝦套餐，配着滿滿的櫻花蝦，湯底濃郁的蝦味，當然還有厚厚的日式义燒格外好味。小店於進餐期間送上一張貼紙，上面寫着兩年後的願望，寫完可以貼在鋪頭內，看着大家寫在貼紙上的願望，真的希望兩年後再來光顧看看自己的願望能否願望成真。

有日和朋友經過尖沙咀，看到這間博多別天神拉麵，想回味在日本美味的博多系拉麵，便二話不說入去品嚐一下。這間拉麵店有豚骨拉麵和蝦味噌豚骨湯麵兩款拉麵選擇， 加30蚊可以轉套餐有餃子和小龍蝦蟹子沙律。餃子的餡是傳統日本餃子的菜肉，餃子底煎得十分香脆。小龍蝦蟹籽沙律更是物超所值，大大粒的蝦肉被滿滿的蟹子包圍，令人可以大大啖地食蝦肉，十分邪惡。豚骨拉麵的湯底十分正宗的博多豚骨湯底，豚骨湯底香濃但不油膩，沒有豚背脂，叉燒也十分惹味。最出色的是醬漬溏心蛋，蛋黃半熟，蛋白也醃得十分入味。這店的調味料更是出色，本人推薦辣芽菜加蒜蓉，可以令拉麵更加香口。而這碗蝦味噌豚骨湯麵令人喜出望外，櫻花蝦和味噌十分之夾，櫻花蝦配上甜甜的粟米更是絕配。 麵條是博多幼麵，份量比一般博多拉麵多但麵身偏硬所以不用擔心麵條被湯底浸淋，而它的掛湯能力一般，所以可以考慮用匙連麵湯底一起進食。

同朋友係尖沙咀行下街，因為天氣酷熱，晚上突然想食拉面。本人是拉麵愛好者, 每次都希望搵一啲有水準拉面店，友人推介別天神拉面。因為其分店越開越多，相信質素有保証。餐單只有兩款拉麵選擇，好似係日本咁，代表只做自己専長的拉麵🍜，應該有一定的質素。我們都分別叫了蝦味噌豚骨湯麵及豬骨湯麵。蝦味增拉汤麵有好多櫻花蝦喺湯面,感覺非常唯美,糖心蛋煮得啱啱好,係半熟的無過火｡麵質非常幼細且易入口，一碗拉面最重要就係過湯底，味噌味同櫻花蝦夾得非常之好,而且唔喺太鹹啱我口味｡整體上碗面我比五粒星｡豬骨湯麵豬骨湯拉面､喺超濃白湯､湯底用100%豚骨加纯水，用壓力鍋長時間淆制· 怪不得湯底這麼突出｡配合拉面简值绝配。食出原味道。去到拉麵店、當然唔少得叫番碟餃子食下啦餃子皮薄餡靚,出邊有一啲日式拉麵店,餃子D皮好厚，仲包得好差,一夾就散｡別天神啲餃子有少少似我喺日本九州拉麵店啲餃子，喺一種似曾相惜嘅味道｡餃子值得推薦。最後我飲哂成碗汤，因為個湯底真係非常出色。同埋我有加左少少七味粉同蒜蓉, 令味道更出

別天神嘅分店喺香港愈開愈多，證明質素有保證，捧場客愈來愈多！尖沙咀的分店在遊客區，在場的顧客來自不同的國家，店員會以英文招待。和傳統的日式店舖一樣，餐牌只有少量的選擇，代表只專注賣自己的名物！自助Kiosk買票，之後把票交給店員就可，食物很快就會送到！桌上有齊冰水、水杯、辣芽菜、蒜蓉、七味粉、醬油、芝麻、胡椒等等，可按個人喜好加入不同的調味料和配料！店內也有建議的濃味配方和辣味配方，可供參考！小龍蝦蟹子沙律    拉麵＋$30食咗一半先發現未影相！有多片脆口的紫菜和充滿小龍蝦肉的沙律，非常清新，值得推介！餃子    拉麵＋$30即叫即煎的餃子，熱辣辣仲幾香口！蝦味噌豚骨湯麵 $85所有配料都很充足的一碗，濃郁的湯底散發著蝦的鮮味！每夾一啖麵，都會掛著櫻花蝦，啖啖都有蝦，鐘意食蝦嘅真係不能錯過！而成碗最正嘅就係隻溏心蛋，流心濃郁美味，正！豚骨湯麵 $75少了櫻花蝦和蝦味噌，豚骨湯底的香濃惹味更見突出，簡單就是美！

拉麵店真係好多，好多舖頭，都會不停有新款拉麵推出，唯獨呢間-別天神，食左幾年，都仲係得2味拉麵😂！雖然只得2款揀，但間中都會刻意去食個蝦味噌豚骨湯面同小龍蝦沙律！真係得2款拉麵選擇！落單後先付款，等一陣就有得食！碗內有2片豚肉，一隻半熟蛋，仲有啲櫻花蝦。湯底無得揀濃淡，但呢度我覺得岩好，偏淡少少，因為我係其他餐廳食都係會叫淡的！味道唔會覺得咸，係覺得個湯底少少唔夠熱！小龍蝦蟹子沙律: 本身我唔食小龍蝦既，但呢個幫你起哂肉，撈好哂，搵紫菜包住食，真係好食，有時我都係為左食呢個沙律，去食碗拉麵😆！

今天等朋友放工後，去了阿士厘道的博多拉麵食拉麵。餐廳地方不太，只有三至四張枱，另一邊則是吧枱，能容納約廿多人。食物方面只有兩款拉麵及兩款小食，可選單點拉麵或拉麵加小食套餐。旁邊有一些調味醬如芝麻及七味粉。餐廳有自製凍麥茶，客人可以自行飲用，大熱天時飲杯真是透心涼。我們各點了一個不同的套餐。豚骨湯麵有5-6塊豚肉、一隻開邊的半流心蛋、木耳及少量怱花。豚肉不會太薄亦不厚，肉質嫩腍，少許脂妨但完全不油膩。流心蛋的蛋黃呈半流心狀，蛋白很滑，蛋味香濃，還帶有點醬油味。拉麵質感爽口，但略為不夠彈牙，份量十足，湯底有濃郁的豬骨味，顏色呈奶白色，鮮甜可口。另外加了點芝麻及七味粉，更添風味。蝦味噌豚骨湯麵其實跟豬骨湯麵差不多，都是叉燒等餸料，木耳變了粟米及多了櫻花蝦，湯底則添多了蝦味噌。櫻花蝦充滿蝦的咸鮮味，色澤橙紅。蝦味噌湯較豚骨湯咸，但多了點蝦的鮮甜味，非常濃郁，適合喜歡食較濃味的朋友。餃子餃子是九菜豬肉餡，九菜味濃郁，有肉汁，但略嫌表面煎得不夠香脆。小龍蝦蟹子沙律沙律約有一球雪糕大小，每啖都吃到龍蝦肉及蟹子。可以用紫菜包著沙律一起吃。總括而言，款式雖然不多，但勝在用心製造，值得一試。

最近迷上了吃拉麵，今天就來到尖沙咀亞士厘道的<博多拉麵別天神>開餐門口有大大個木招牌，好日本的感覺店內地方不太，但裝修得像日本正宗的拉麵店一樣，再配合播放中的日語流行歌曲，不説的話真的會以為自己身置日本Menu 非常簡單，只有兩款拉麵和兩款小食，那我和老公2人就各點一款吧！先來小食，小龍蝦蟹子沙律。這樣吃沙律真的是第一次，沙律波波中真的有幾粒小龍蝦肉，很彈牙鮮味配合脆脆紫菜一起吃，好味又非常有趣！另一款小食，餃子。餃子外表煎得很香脆，乾身不油膩，內裡的肉肉很飽滿，好好味喔接著主角來了，豚骨拉麵。先看看個湯底，雪白的顏色原來是濃濃的豚骨濃湯，香氣撲鼻，喝下覺得香醇美味，而且充滿膠原的感覺，每一口都是豚骨精華留意返，原來湯底是用100%豚骨和純水制成，不含味精。怪不得每口都是大滿足的享受麵是幼幼的拉麵，質地非常爽滑彈牙，軟硬適中，感覺超好而我的拉麵更加是豪華升級版本，有櫻花蝦的喔湯底是淡淡的橙紅色，有著櫻花蝦的鮮甜，亦是一個超正的湯底百多元就吃到正宗的博多拉麵，合理喔

一行4人尖沙咀食宵夜 見有間拉麵鋪 細細間 全木枱 好有日本feel 就試一試佢有2種湯底揀 我見佢有蝦做湯底4個都第一次見 緊係要試一試啦叫左4個蝦味噌豚骨湯麵套餐 小食有幾款 我地就揀晒小龍蝦蟹子沙律蝦味噌豚骨湯麵湯底好香蝦味 加上豬骨既濃郁 好鮮味麵軟硬適中 彈牙 溏心蛋好味 流心只欠叉燒 有點硬 又老 唔夠肥肉 好干小龍蝦蟹子沙律呢個食落口 第一個反應係 好得意wo龍蝦肉 蟹子 加上Wasabi同沙律醬 好夾呀配有紫菜可包住黎食另外枱上都有辣芽菜....等你自由發揮如果個叉燒好食D 我滿足到唱歌