Thai Basil (Moved) New Location

泰國菜在香港已紮根數十年，今次這間Thai basil有些特別，就是西餐中的泰菜，美心集團旗下，質素一定不容置疑的。昨天小記途經金鐘道，毫不猶豫便決定光顧了，隨便點了它的招牌菜式－泰式通菜等，那份美味叫我回味至今。 餐廳環境較為昏暗，有著梳化和圓桌座位，門口位置已經對著廚房，也可以看到廚師們的工作，內裡也感受到泰國氣息。餐牌分為前後兩面，前面的是主餐牌，後面是餐飲區，主餐牌有泰式小食，沙律，咖哩，飯麵及串燒；後面的飲品餐牌有 SOFT DRINK 啤酒及泰式飲品 泰式蝦餅一客有四塊，蝦餅內外都是深黃色，看起來也較乾身。吃下時確實不肥不膩，蘸上泰式醬汁，吃起來有酸酸甜甜的，這酸甜程度是小的，因此並不嗆喉。魚餅煎得甘香鬆脆，亦有嚼勁咬口。泰式通菜夏天最當造的通菜，用蝦醬炒都好惹味，炒到好像大排檔般，乾而爽，翠綠又惹味。青檸梳打一杯清爽青檸，凍冰冰的，涼透心房，既開胃，又可消減了泰式料理油膩感。 整體餐廳環境不錯，在下坐的是門口梳化，枱與枱之間也不算太窄。服務上也幾滿意，其中當在下問及三款菜式的時候，侍者也很耐心解釋，而且上菜時也很有禮貌。我十分滿意這晚餐。

大學同學係澳洲返黎話想食下亞洲野, 又要搵個中間點少人仲可以傾到計既地方, 就呢度啦, AE卡四個人仲有75析添.  因為我都常黎PP, 所以我都常幫襯呢度. 今日首先叫左個柚子沙津, 香甜多汁, 保待水準!跟住海鮮炒飯, 海鮮用料新鮮, 飯炒得粒粒飽滿甘香, 加埋個SAUCE好惹味!咖喱牛+烤餅, 好味! 牛肉好腍, 咖喱不太辣, 岩哂我, 個烤餅即整, 鬆脆香化, 每人叫左一塊, 好好味!仲有蝦餅, 呢個正正常常, 味道OK. 最後甜品, 叫左南瓜CUSTARD雪糕同埋芒果紫米, 兩個都好得. 呢個南瓜CUSTARD雪糕既甜度岩岩好, CUSTARD同南瓜既味好夾, 連伴碟的龍蘇糖都好好味架!呢度個芒果紫米都好特別, 整到好似西式甜品咁既LOOK, 仲有加左D NUTS係裡面, 都幾特別, 不過都幾飽肚架, 相比之下南瓜CUSTARD雪糕正D!當晚不知不覺傾左4個鐘, 雖然有人等位, 但都無人趕我地走, 又過左愉快的一晚, 希望好快可以再聚吧!