幕多

Open Now

Now Closed

一睇我咁低級別就知道我唔係打手啦，真係用自己錢去幫襯㗎，今日去咗食呢間幕多，意料之外咁好食！雖然位置偏偏哋，但無阻我想食佢嘅心，去完之後發現真係冇決定錯。-蝦又紅又肉質彈牙-蠔好淋，係我食過最好食嘅蠔甜甜哋，唔腥，同個汁好夾-麵質可以-個湯，勁勁勁勁濃蝦味，哭了，忍唔住一啖食完又一啖，最後想飲晒佢（但當然冇，因為要留肚飲佢嘅梨酒！清甜，酒味唔濃，女仔好易入口啊）總括嚟講，想有多啲人識呢間店！！happy day

下午兩點飯市後，唔使排隊，一飲湯底已經知道係誠意之作，好好味濃郁豐厚蝦size夠大，口感彈牙，夠新鮮，仲要已經剝好殼蠔的size都唔小，而且是凍食，個汁好香可惜今日無鮑魚同海螺，試唔到，下次再試🤭之前見有人post話服務態度差，但我覺得無乜問題，我唔識開佢個門就有個女仔由𥚃面出嚟幫我開，好溫文咁問我想坐邊同比menus 我落order。疑似靚仔老闆收order，我見佢對其他客人都好好，仲會幫客人開門，又會同客人查詢好唔好食，我真心覺得服務態度ok喎！支持小店經營，老闆加油💪