幕多

Open Now

Now Closed

無意中發現呢間隱世小店，見到裝修好靚好特別，就入去試吓。入到嚟好懷舊，以紅色為主，好chill好寫意嘅小店。店員超級nice！Menu好簡單，只有一款湯底：醬油蝦濃湯，可以揀拉麵或刀削麵底，我哋就揀咗各一。第一啖一定係試湯底先，好濃郁嘅蝦味，因為湯底係由蝦頭每日新鮮熬成嘅，真材實料，好有驚喜！本人覺得配拉麵感覺完美啲，因為比較掛湯。我哋連成碗湯都飲埋。Menu另外就係signature 嘅醬油海鮮。除咗menu上嘅蝦，鮑魚同海螺，佢哋仲有每日精選嘅海鮮，我哋就揀咗鮑魚、蟶子、生蠔同埋北寄貝。一食真係不得了，鮑魚勁爽口，蟶子同北寄貝勁鮮甜又爽口，生蠔好大隻又creamy，醬油咸度啱啱好又唔會搶咗啲鮮味，好味到我哋要encore！好耐冇食過咁驚喜嘅小店，可以無限次番嚟！

終於冷靜落嚟，話說大概在一個月前我與朋友來到這裏食龍蝦拉麵。老實說我覺得很好食。我的朋友額外叫多了一隻鮑魚，鮑魚上來的時候是原隻上。我的朋友突然之間在進食的途中，佢咬不開鮑魚，然後卡在喉嚨中間，驚動了全間舖頭，我們與舖頭的職員說叫救護車。然後我哋其他朋友盡全力協助這位被哽親的朋友，希望鮑魚可以吐出來，但也是徒勞無功。差不多過了2分鐘我的朋友面青，而且嘴唇發紫，因為呼吸已經很辛苦了！幸好其中一位食客有急救的協助，讓我朋友的鮑魚終於吐出來。當大家冷靜下來的時候，舖頭的人說原來沒有叫白車！也問我的那位剛逃出死門關的朋友有沒有買保險，他的仔買保險！OMG! 大家都未冷靜下來，叫我的朋友買保險! 第二原來他們一直沒有叫白車!如果我的朋友一直哽親呼吸不了，會不會很危險？希望這個店可以把鮑魚切開，而且把客人為優先！客人也是一條生命來的！其實叫一個救護車有多難？也不要在人在生死之後問人有沒有買保險？會不會有一點黑心？你的東西有多好吃也沒有用了。

週五放工去到7點，已經好多人排隊，見d人唔走，就知道值得等啦！菜單極簡單，去到只有一款湯底，只需要揀麵款，配菜多少同加唔加小食搞店侍應會連埋個蝦油一齊帶過黎係你面前落，個湯底真係好濃郁嘅蝦味，連d拉麵好入味，仲要好貼心唔洗剝蝦，非常鮮甜，湯底都幾乎飲晒仲叫左個小食，冇晒蠔就揀左個是日精選同鮑魚，真係好好食，鮮甜，食得出真係用心去整，下次黎會試晒d小食

今日有事要出尖沙咀，決定去試下呢間上網好多foodie寫嘅拉麵。點知一到尖沙咀就落勁大雨，去到勁狼狽，但老闆定店員好好人，幫手畀紙巾排緊隊嘅人抹袋同埋派水，呢個位覺得好加分拉麵方面，佢得一款蝦湯拉麵揀，我覺得屬於好食唔伏，但未算非常驚豔；另外再加多隻醬油蠔，隻蠔反而更有驚喜，非常肥美飽滿，醬油有入味之餘亦都唔會過鹹，睇落只得一隻但其實食完啱啱好，再多就會漏。總體而言拉麵來講中至中上水平，但會因為老闆/店員好好人好nice而會再去❤️❤️

我本身對拉麵唔係好感興趣，係香港食嘅大多數拉麵都覺得咸，但男友鍾意食拉麵，就陪佢來食呢間，都係OpenRice 睇到，諗住試下。結果好驚喜，老闆老闆娘服務態度都幾好，天熱排隊排左好耐，店家好貼心的比瓶裝水我地飲。食物質素超高，性價比好高，當日精選係貴妃蚌，我地仲嗌左蠔，好大隻，好飽滿，滑嫩多汁。拉麵湯底好鮮味，好濃郁，蝦新鮮彈牙，蝦肉食落去甜甜地。男友嗌多一份面，店家仲要連湯帶面一起上，湯底都好好飲tim。雖然只係一款麵，但一款麵做到極致就係傳奇！

今日我去試過呢間好多人食過都讚好👍嘅醬油蝦濃湯麵。 因為怕人多等候， 我大概中午兩點後至去到， 等咗陣就有位。店內主食只賣一款醬油蝦濃湯麵， 如果你唔食蝦的話，咁真係要諗過至好嚟。麵係可以選拉麵／刀削麵。 當碗麵送到上枱，店員會在蝦湯上再淋上蝦頭油。 慣例飲咗湯先，我完全感到蝦隻嘅精華分解融入湯中，勁濃，鮮嘅蝦湯底。 至於闊條嘅刀削麵煙韌有咬勁，亦是我喜歡嘅質感。 再配上兩隻經自家醬油調過味嘅基圍蝦。 雖然呢碗未至於我食過最好味嘅蝦湯，但呢碗我食得滿足嘅蝦湯麵， 絕對是色，香，味 到有齊。除了蝦湯麵外， 醬油小食同樣覺得做得不錯。我點了鮑魚及溏心蛋兩款醬油冷盤小食。 鮑魚煮後都算大隻，用上自家醬油調味，醬油味道不錯，入口帶少少酒香。

依間拉麵店只賣一款醬油蝦濃湯麵，比較特別嘅地方係可以揀刀削麵或者拉麵，蝦湯非常濃郁，上抬時仲會淋啲蝦油，蝦味相當濃郁，而拉麵嘅配料主要有兩隻醬油蝦，仲有蔥同埋櫻花蝦，醬油蝦已經預先剝殼，所以好容易食。除咗拉麵，仲有幾款醬油小食可以選擇，固定嘅有溏心蛋、蝦、蠔、鮑魚，同埋會轉嘅是日精選款式，因為拉麵本身唔包蛋，所以加咗一隻，溏心蛋屬於正常水準，另外再加咗蠔，隻蠔好大隻又夠飽滿，醬油同隻蠔都好夾，蠔嘅味道同質感係唔錯，不過一隻就要$38，定價有啲進取，以拉麵店嚟講唔算平。

香港尖沙咀小街里隱藏著一家超有特色的日式拉麵店！雖然店鋪不大！但是卻有全港最好吃日式拉麵的頭銜？整家面店只有一款醬油蝦拉麵所以只要按照自己的喜好挑選面款/配料/飲料即可拉麵一端上來就立馬讓我食慾大增！整個拉麵看上去就像是一個藝術品一樣奶白色的湯底漂浮著無數只櫻花蝦和大蔥中間搭配著兩只醃制過的醬油蝦服務員還會過來幫忙淋上現熬的蝦油看上去就像是在看日本動畫片里的食物一樣超級開胃！而且不只是好看還超好吃！口感和味道都超級棒！拉麵湯底是用蝦殼和蝦肉來熬制再搭配上櫻花蝦和現熬蝦油整體的口味就只能用一個字形容 就是 「鮮」！每一根麵條都掛滿著濃濃的湯汁！每吃一口都能吃到蝦的鮮香味！而且上面的醬油蝦也異常的好吃！本來擔心拉麵店的配料能有多新鮮…結果！出乎意料的驚喜！整顆蝦超級鮮甜飽滿！醬油也醃得非常入味！最主要的是廚師都已經幫忙剝好殼了完全不用擔心弄髒雙手！太貼心了！絕對適合喜歡吃蝦/海鮮的大家！全港只有一家！超級推薦大家過去嘗嘗！KAKA評分時間口味：🌟🌟🌟🌟🌟價格：🌟🌟🌟🌟環境：🌟🌟🌟🌟

真係好好味，晚餐時間由於冇得book位所以要排隊，佢啲龍郁嘅蝦湯拉麵非常之正，最重要係隻鮑魚好大隻好新鮮好爽，再加埋呢個是日精選貴妃蚌，估唔到原來咁甜，仲有依個糖心蛋，服務非常之好，等位嘅時間侍應會比日本酒我哋飲，有機會下次可以再嚟

早排老公帶我去食呢間麵店，原來得一款麵，就係濃湯蝦麵。店舖小小，5點零鐘去已經有人喺入面食緊。同老公一人一碗，送到上嚟嘅時候熱辣辣，再喺你面前加一圈蝦油。超級之香！試一啖湯，好似有一百萬隻蝦喺你個口度奔騰🦐🦐🦐一碗有兩隻蝦，仲有櫻花蝦喺旁邊，我就揀咗拉麵🍜都唔錯。蝦亦都非常之入味。另外仲叫咗醬油鮑魚，醬油蠔🦪同埋糖心蛋🥚做小食隻鮑魚好大隻，醬油味都好入味！至於醬油蠔都好味嘅，但兩者比較的話，鮑魚好味d，唔會煮得過老，肉質仍然好嫩。另外糖心蛋都10分出色!! 好好味呀呢間舖頭值得一試，亦都絕對可以在encore。但真係要預早啲時間去啦。6點食完門口已經大排長龍。唯一挑剔就係餐廳好熱😂

有個friend 要睇鄭秀文演唱會搵人攝時間所以喺附近食埋飯先送佢上路佢好堅持一定要食呢一間❗️就算排隊都要食呢一間心諗應該都真係幾好食嘅去到門口已經有好多人排隊不過等咗一陣就有得入去店舖裏面大約有四五張枱坐到10幾個人通常啲人食完就走唔會坐得太耐見到咁多人排隊都唔好意思入到去清一色蝦湯拉麵再加其他小食有糖心蛋、鮑魚、生蠔、是日精選就日日唔同嘅面有得揀刀削麵同埋拉麵第一次試食都係食啲傳統啲拉麵上枱聞到好大陣濃郁嘅蝦湯味其實入去間舖頭裏面已經聞得到❗️超級吸引‼️之後職員會走過來澆上一個圈嘅蝦油🦐香味爆發😍湯汁掛麵每一條麵都俾啲蝦湯包圍着我首先飲咗啖湯真係好鮮🦐🦐🦐然之後一路食一路諗緊會唔會係啲味精嘅味道😌不過真係太好食所以真係飲咗好多湯飲到見底咁滯其實我個人本身唔係鍾意食蝦因為我覺得蝦味道比較淡唔會有一種好特別想食嘅感覺同埋又要剝殼勁麻煩但係佢隻蝦真係鮮味好似濃縮左三隻蝦落一隻蝦嘅味道咁樣然之後仲要幫你剝埋殼好體貼細心方便客人而另外嘅醬油鮑魚同埋生蠔都係好大隻好新鮮一啲都唔韌淨麵118，其實淨係食佢嗰個蝦拉麵已經好飽講真俾貴少少都好過喺茶記食唔知咩碟頭飯都要70幾蚊啦🥹好啦，到最後我飲埋啲湯

《幕多》一個月都必光顧一兩次，平日兩點後都比較容易有位，但近月店舖人氣更盛，兩點到達仍見人龍。《幕多》鮮蝦湯底既濃郁又鮮甜，再加自家提煉嘅蝦油配搭更顯蝦香。食客可配拉麵或刀削麵，兩者中本人喜歡配搭拉麵，但記得趁熱食。每碗麵會配店主自家醃製九節蝦兩隻，九節蝦去殼再用醬油漬過，不但更入味而且方便食客，帶微咸醬油配鮮甜彈牙九節蝦，整體跟湯麵也配合。《幕多》自家製嘅醬油海鮮漬亦值得一試，鮑魚基本上是必試，今次點醬油漬蠔，也不錯。

呢間鋪只賣一款麵-醬油蝦濃湯麵$118麵可以選擇拉麵和刀削麵，我就揀咗拉麵上枱時店主會用上特製蝦油倒上碗麵。聽講湯底係用咗40斤蝦頭去熬湯，所以飲落都幾濃，濃得黎唔會話好咸，加埋櫻花蝦食起上嚟有啲口感。蝦好貼心已經剝咗殼，肉質彈牙，蝦頭有蝦膏。醬油鮑魚$38令我最驚喜係個鮑魚，真心推介，超大隻勁厚肉，鮑魚爽口彈牙唔韌，醬油帶點香辣味。溏心蛋$15 正常冇咩特別隔離枱食緊生蠔，係咁讚啲生蠔好鮮好正，下次要去再試下

之前見到成日都好多人排隊，今日趁時間早少少啱啱開門，即刻帶埋老公入去試吓。一坐底已經聞到香噴噴嘅湯底味，個醬油蝦湯拉麵真係好有驚喜，諗住會好Creamy，但一啲都冇呢個感覺。係好濃郁好香嘅蝦湯味，仲要再加底一個面，成個湯連埋麵同埋配料所有嘢都好夾，啲湯全部飲晒。仲有試吓嗌咗鮑魚小食，鮑魚原來都勁大隻，又好咬口啲味又夠，朋友真係冇介紹錯，完全勁有驚喜，店舖又乾淨，一定會再次encore幫襯，下次帶埋小朋友嚟一齊食。

呢度獨沽一味淨係賣蝦湯麵而佢門口旁邊經常有一條長龍當你食過之後就會明白排幾耐都係值得嘅 👍🏼👍🏼👍🏼👍🏼👍🏼蝦湯麵可以揀拉麵或者刀削麵我揀咗拉麵，好彈牙同掛湯一上枱蝦香撲鼻，加咗啲蝦油令到個香味更出先飲一啖湯，好順滑而且充滿住香濃嘅蝦味，湯入面啲櫻花蝦豐富咗個口感兩隻蝦已經剝殼，肉質爽口，蝦頭仲有膏添 😋😋😋另外唔好錯過溏心蛋同醬油蠔蛋好入味，隻蠔好大隻，咬落去好軟又爆汁，比生蠔更加好味希望店主繼續努力 💪🏼💪🏼💪🏼令到更多人試到呢碗一試難忘嘅蝦湯麵 🍜