王家沙．花樣年華 (金朝陽中心) (Closed)

銅鑼灣呢間王家沙，給予人高級感覺，原來價錢同其他分店都有好大分別，既然嚟到就享受一下環境氣氛啦，服務方面都ok，上菜快收碟快，sofa位坐得舒服，百幾二百蚊一個人算合理。醉嘉美雞 $98❤️❤️❤️❤️雞香肉滑又入味，雞皮脂肪少，酒味香濃，值得一試本地嘉美雞蟹粉小籠包 $78❤️❤️❤️皮唔算薄但餡足，湯汁濃郁有蟹粉味，略嫌小籠包唔夠熱流沙黃金蝦球 $168❤️❤️❤️❤️近排食過最正嘅流沙菜式，蛋黃勁香濃掛蝦，而蝦大隻又彈牙，但一碟大約有7-8隻，價錢貴咗dd杭式蔥油拌麵 $46❤️❤️蔥油唔夠香，而汁又太多，幸好麵還彈牙，但可以不試香蕉高力豆沙 $58❤️一心為佢而嚟，期望越大失望越大，豆沙餡少到只得1/6，其餘啖啖都係麵粉，而且糖霜粉太少，吃不出甜來三人共消費：$546

响燈籠街見客傾完嘢，順便一齊去食個晚餐，俾個腦休息吓唔想諗，王加沙食開質素穩定，隻腳自自然然走上去今次晏咗啲無窗邊位坐，由於裡面坐位間距寬闊，唔係窗邊都坐得舒服嘅。對象唔同食嘅嘢又唔同，唯獨小籠包大家都必吃。叫咗滬式燻魚、蟹粉小籠包、蘇式炒蘿蔔糕、王家沙擔擔麵、芥蘭。蟹粉小籠包今年無食過閘蟹，食蟹粉小籠包補返數，一貫的皮簿肉鮮多汁，呢款加埋蟹肉的鮮味，唔......好好食滬式燻魚曾試過自己做燻魚，工序繁複下次咪搞，都係出去食算把啦。食魚總有點魚骨，魚肉質比較結實，滬式醬汁味道濃，個人覺得佢偏甜，不是我杯茶。芥蘭芥蘭用蒜蓉炒好好食，青綠爽口又唔會硬蘇式炒蘿蔔糕不是星洲炒蘿蔔糕哦，其實完全不是那回事。糕身有點削，味道ok，鍾意佢面頭有些銀芽，彌補返口感上的分數。王家沙擔擔麵擔擔麵榨菜粒肉碎香蔥，連湯混在一起就是好吃，麵質剛剛好不會太腍爛。我們掛住傾食得慢，麵上來好一會還沒享用，店員主動幫忙拿去分碗。真係好窩心，好抵讚

今日黎到銅鑼灣搵食，見到呢間王家沙好有風味同平時商場嘅裝修都不同，係一啲高級餐廳嘅擺設，燈色都暗有一種浪漫嘅感覺，咁就一於去試下。今次叫左好多嘢食，紅油炒手　好香辣油味，但食落就唔係好辣。花雕醉雞   好香花雕味，食完個喉嚨有點熱，對我地唔飲酒嘅人黎講都能品嚐酒香佳肴。佢地仲用咁特色嘅酒埕去裝，好有風味。蟹粉炒年糕 年糕好煙韌， 蟹粉蟹黄味十分香濃， 食落又唔太漏，值得一試。蕃茄節瓜魚湯　食完之前較濃味嘅菜，飲個清魚湯可以中和一下，個湯飲到一滴都無哈哈。蟹粉小籠包 一口可以咬得哂，皮薄涵靚，湯汁充滿口腔裏面，蟹粉香味爆哂出黎！

朋友生日，她想食小籠包，選擇一間上海菜啦超級多人，越夜越旺場先醒一醒胃先，青瓜好爽甜滲入好香蒜味雞滲透著好香酒味，嫩滑美味梅子骨唔酸，味道剛好，適合配一碗白飯鱔條炸得好香，好脆口，芝麻和醬汁混合，帶出外軟內脆這間小籠包就是好好味，淡淡蟹粉，皮不硬，可以沾上醋而食，又另一番滋味好香蛋王味，食唔出有蟹味，可能炸粉未搞拌均勻，味道每件都有不同味，一些偏淡味，一些偏咸味牛肉大大件，麵條彈牙，湯汁好香脆口，賣相好看，味道都不差生日自然食壽包啦，好味環境寬敞，坐得好舒服

同朋友想食上海菜，王家沙有訂枱服務，唔駛等位，所以就黎試下。我地四個女仔，攞枱既時候個staff問我地想要窗口位定大卡位sofa座（大卡位大到可以坐六個人），咁我地就揀左大卡位sofa座，諗住一班女仔坐得舒服又係角落位，傾計大聲都唔怕噪到人。菜式都幾多同價錢reasonable, 不過四個女仔食到既野唔多，所以就住點菜。食物質素同價錢成正比，我覺得可以接受。我最想表揚既係餐廳員工非常主動，又smart,令我對呢間餐廳非常滿意。唯一有少少覺得奇怪既係王家沙花樣年華入口係會經過另一間餐廳，初時搵路有少少confusing.

我12人食晚飯， 訂咗位， 星期六都唔爆，只有七成左右客人， 我叫咗食物如下:1. 糖心燻蛋 - 唔錯2. 滬式燻魚 - 好多細骨3. 蒜泥白肉粉皮 - 可能我比較食得辣， 我覺得個汁唔夠辣4. 素菜蒸餃 - 普通5. 紅油抄手 - 普通6. 蟹粉小籠包 - 皮簿汁多， 但冇乜蟹粉味7. 酸辣湯 - 酸味比較重8. 京式炸醬麵 - 普通9. 鍋仔梅菜扣肉飯 - 幾好味唔會太鹹，有飯焦10. 脆皮茶皇雞 - 幾好味， 但唔夠茶味，似炸子雞多啲11. 螞蟻上樹 - 幾好味，抄得夠乾身12. 蔥爆牛肉 - 普通，牛肉分量比較少13. 黃金蝦 - 普通14. 松子鱸魚 - 唔錯15. 清炒翡翠苗 - 普通16. 賽螃蟹 - 幾好味17. 脆皮素鵝 - 普通18. 杞子蓮花糕 - 味道較淡19. 香蕉高力豆沙 - 算ok20. 豆沙鍋餅 - 網友推介菜式，幾好味茶水每位$8，小食(花生)比左三碟，每碟$10，12人食飯，埋單$2233

這家餐廳推出團購優惠，每張現金劵只售65元，可作100元使用。如果識得點菜，可說是低至65折，計落有著數！今天下午在銅纙灣區工作，晚上就到此晚餐，看看這個＜花樣年華＞搞咩花臣！來到餐廳，裝潢以酒吧，還有正在播放著英文歌，根本不似中菜館。　　唯一最有中式Feel的，就是這個行龍壁畫。就座後，點菜下單後，要重溫今天的工作。過了不久，小籠包呈上來了。蟹粉小籠包王家沙是上海菜館，本幫菜＜小籠包＞就肯定有保證！蟹粉小籠包，最適合吾等嗜蟹但又不想自己動手的懶人啦！　　一籠五件，頂綴以鹹蛋黃蓉。剛上枱時還是冒著輕煙，看來熱辣辣。　待小籠包放涼後，隔著半透明的薄皮，看得到內裡湯汁的顏色。夾起來很墜手，要小心翼翼把小籠包夾到湯匙內。先倒出內裡濃湯，滿滿一匙，面浮黃油。先把有蟹汁精華的濃湯喝下，再到小籠包內摻有蟹肉的餡料。　　　但是這種分開來品嚐的方法不夠滿足。　　自己比較喜歡先在頂部開洞，再滴入陳醋。包內的濃湯，有了陳醋來提高鮮味。就在此時，包包是溫暖不燙口，將整個小籠包放入口中，就可以把當中的＜肉餡＋濃湯＋皮＞一同品嚐。鮮蝦特長煎餃　　　外表夠特別，大大隻，比手掌還要長。看著兩面金黃，是煎出來，並非以