生記茶餐廳 (Closed)

冬天來了，香港呢幾日有點涼意。喺Google搵到呢間生記茶餐廳，近排愛上左食蟹粥，加上天氣又有啲凍，食返碗熱辣辣嘅蟹粥暖下個身就啱晒啦。佢嘅招牌蟹粥，真係冇得頂，勁鮮甜，我哋叫咗蟹加顯肉嘅組合，178蚊4個人食，每人食到一碗半。仲有嗰個炸八爪魚丸，好抵食好好食😋，隔離枱見到我哋嗌呢個八爪魚丸都即刻問夥計呢個係咩黎嘅，然後加單，帶旺左佢哋嘅生意啊哈哈。響鈴蝦膠，又係睇網友介紹，個個都話好食，到最後都係不負眾望如果要彈嘅就係舊蝦膠太細夠吧 生菜係用生蒜，正呀。我最鍾意生蒜乜蒜物蒜！蜆肉春卷不過不失，冇乜嘢要評論。至於服務態度好好，樓面有個嬸嬸，有禮貌加分仲有隻好似靚寶嘅黑貓我哋嗌左咁多樣嘢，4人除翻開都係114.5😙哎呀，望番啲嘢食相而家又肚餓啦！！以上都係我嘅真心評論冇收錢㗎

成日經過間依間舖頭座地招牌寫著生滾蟹粥,今晚落著雨唔想去咁遠,突然就諗起依間舖頭喇.或者因為落雨,客人唔算多,即刻就入得去.平時成日見到有人等,所以抱持十足既期待叫咗鍋生滾蟹粥同埋炸尤魚.炸尤魚先到,真係細碟得幾誇張.但係係好味既,夠咸夠脆之餘,唔會因為係炸物就用唔新鮮既尤魚.不過因為太細碟而食得好唔滿足.蟹粥好快就跟著到,即刻撈起隻蟹睇下大唔大隻,完全同預期一樣,偏細,蟹肉唔多,但係夠新鮮,而且蟹膏甘香.粥聞落幾香,睇嚟煲得出蟹味喎.不顧滾熱辣咁呷一啖,係好味既,但唔係蟹粥味囉.粥底好綿,係我最中意既質感,味道都鮮,但真係唔係蟹味囉.無話係味精,或者真係用咗好多材料整粥底,但蟹既味道都出唔到嚟.或者蟹既問題,或者因為生滾粥好難咁短時間好難出味,但未聽過老火蟹粥喎.

地點都幾唔就腳，係特登搵佢去食，但都值得。《炸軟殻蟹》炸得酥酥香脆，啖啖肉有咬口，唔會得層殻，不過有點偏咸。《蠔仔春卷》超好味，春卷皮又薄又脆，雖然裡面只是蠔仔，但已非常足夠，好濃蠔味，唔腥冇沙！《蟹粥》不知是否季節問題，蟹沒有膏，但蟹肉鮮甜，粥底亦不錯，稀杰程度剛剛好，落左大量薑絲和蔥絲，好岩我口味，最重要就係食完唔口乾，證明冇咩味精。另外仲有點串燒，但相對較普通。兩個人食唔得多，見隔離枱點啲餸都好吸引！下次多啲人再去食可以試多啲野！

老闆on medication, 又唔食得煎炸, 又唔食得生野. 係我完全諗唔到有咩選擇既情況下, 佢提議去生記試下.其實我地之前有試過去, 不過下午佢地無開.今次去之前打個電話confirm 佢有開門先. 因為夜麻麻行個頭都有D驚驚地 (係大酒店隔幾條街)去到一望, 好舊式既鋪頭. 木接檯, 膠櫈, 光管燈.不過D野好唔好食最緊要, 海鮮種類唔係多, 不過都有幾款食法蒸聖子皇 - 我唔覺得佢係皇囉. 唔係好大隻油鹽水煮蜆 - 多蜆,不過唔大隻, D蜆新鮮, 不過有部分有沙蒜容蒸茄子-啱口形, 一啖過, 味道唔錯蜜汁燒雞翼 - 味道好, 不過有D細隻蟹粥-粥底靚, 蟹肉鮮, 又多膏. 超正!

生記蟹粥超出名，有生之年必要一試，更難得的是愛吃粥的女兒也去。這店令我想起"厨神救駕"，Gordon去幫美國一些歺廳重新上軌道，一般問題是食物質素、管理、服務和店內裝修擺設先說這店位置，紅磡近花圈及棺木店，附近也是類似的大牌檔和麵檔，不須要過份裝煌，只要光猛乾整....做到家庭式經營，厨房應是母親和大仔吧，门面則是父親和細仔掛。上下一心，目標及服務質素清淅，客人要坐得舒適，有一男女被安排在店外牆邊，非常逼，"母親"看見便問那男女介吾介意將枱搬去店外另一方，那邊空位較多。我等的那枱，因有小朋友而遲遲未走，"母親"和"二子"也會黑面趕客，"父親"給我們3張凳坐着等，還幫我先入單。那枱客終於走咗，"二仔"即刻清枱和擺碗筷，上餸菜必說"吾該"或"小心"，大酒樓甚至部份酒店也沒有這服務態度....掂食物種類和款式多，但絕對精品 (如有看"厨神救駕"，Gordon每次也幫歺廳重組Menu，貴精貴多，要有特色和新鮮食物，生記絕對做到)蟹粥(可分開大煲2隻蟹，細煲1隻蟹) - 上枱時，粥還在泡泡滾梗，蟹膏已滲入粥裏，粥底也相當綿，蟹肉結實和超鮮甜，少少腥都沒...只有食都"唨唨声"蠔卷 - 火

看到OPENRICE的食評和雜誌介紹決定來試試六時多去到，坐下沒一會兒店內便坐滿了。本身點了三種食品，蟹粥（例）、炸八爪魚丸、蠔仔春卷但因為一些問題蠔仔春卷未能試到。蟹粥（例）一送上桌時，粥還微滖的。淡淡的黃色。內裏有一隻蟹，粥底很綿，而且很甜。吃完不會覺得口渴，相信沒有下味精的。炸八爪魚丸（六粒）脆脆的，幾彈牙！但不是炸得很乾身。但香脆彈牙，味道不錯的！很多人等位，而且好像有些混亂上菜也有送錯的情況出。食物等候時間較長。

呢度出名主打既係蟹粥,而每間野想打出名堂 同時吸引到人就正正要主打食品,故意同fd遠水路走來食,本身都擔心水準 所以打定底..但到步後就後悔, 因為見到好多人食緊... 快速地點了 椒鹽白飯魚 蟹粥. 良久 白飯魚先上, 唔似平時出面見到的般炸得深色 但食落一樣香脆可口, 反而有時出面炸得深色的會出現炸過火的情況. 後上的蟹粥 見到 粥色已與蟹混合,而粥內的米都煲得較綿 半散花狀態 加埋蔥花食落軟滑香口..但得一隻蟹 唔夠分此店果真名不虛傳,遺憾肚子之前撐飽了些許..否則一定再試其地餸菜,唯有等下次叫多D朋友一齊來食

去食已經係半個月前，剛看到介紹的時候，約七時，地點有點難找，環境一般。現場得兩個人做野有點混亂！叫左出名既蟹粥、蜆肉春卷同避風塘炒茄子。蟹粥：有D味，粥黐底，不過佢地話係正常，如果接受到便沒問題，而蟹就一般啦，都算幾有肉但冇鮮味。蜆肉春卷：熱辣辣炸出來，真的很脆口，不過就唔覺有蜆味。避風塘炒茄子：亦是熱辣辣的，這個我最欣賞，不過友人嫌冇味。綜觀來說，多了慕名而去的食客，增加了這小店的負荷，八時許蟹粥已沽清了，但係咪值得一試？我就唔會推介。