PizzaExpress (新城市廣場一期)

Open Now

Now Closed

🎫週日的上午11:30，用新鴻基商場APP (“SHKP Mall” app) 取票， 已經要等40個號碼。中午12:15 有位了，門外仍然有一大群人等緊位。🛎週末沒有午市套餐，從常規餐牌中選。<軟心芝士薄餅 $176>（軟心芝士、橄欖、車厘茄、新鮮羅勒、巴馬臣芝士、迷迭香、蕃茄醬）素食選擇🌱淡香的軟心芝士 和 新鮮迷迭香 鋪在剛烤脆的蕃茄醬薄餅上，芝士像鮮忌廉般慢慢融化。輕盈又唔會肥的感覺🤪<蟹肉白酒汁意粉 $162>（蟹肉、鯷魚烤醬、蒜蓉油、蕃茜、辣椒碎、白酒、檸檬汁、檸檬角）好鮮的蟹味，配上鯷魚醬，少少咸鮮。白酒、蒜油、辣椒碎，清新開胃的濃味。🍋要留神的是，小心蟹殻碎！！🦀<肉醬寬條麵 $146>（寬條麵配以濃郁蕃茄牛肉醬）被蟹肉意粉對比下，麵粉感覺較厚、澱粉感較重。而肉醬的肉味比蕃茄味濃，所以這個感覺幾heavy...<凍檸檬茶 $41>紅茶茶葉芳香，並沒有濃到苦澀，亦可無限添茶。檸檬片又厚又新鮮，🍋糖水可按自己需要自行控制。<蜜糖檸檬薑熱飲 $38>～舒緩身心和暖心～以茶壺茶杯上🫖沒有茶。是蜜糖的

因為朋友生日，所以晚上就到左新城市廣場呢間PIZZAEXPRESS食生日飯，我地大約下午6點05分到逹，以為自己都算早，但原來已經滿座，也有些人已在等緊位，我地最後大約用左30分鐘先入到座。入左去之後，枱面已經有齊杯和一樽水比客人飲，不過枱的面積就有啲細。叫左幾樣食物，第一個來的是凍檸檬茶，要另外加糖的，我朋友就飲完可以自由再加，但我地成晚都無叫佢地添飲，味道就正正常常。跟住來左個面包球，大約有8至9粒左右，樣子似麻糬，但味道好食左麻糬，有咬口，但不太硬，係好食的。有一個牛油可以點面包球，亦都好夾。然後就來左焗磨菇，大約有8至左右，除左菇之外，菇裡面會有香草醬，上菜時熱辣辣，食下去時，咬個菇有好多水份出來，感覺個菇好新鮮。跟住再來的是pizza，呢個係都幾好食，主要的火腿和芝士，芝士夠多，好鍾意佢的手工pizza的口感，薄薄地，好好食。之後的是「蟹肉白酒汁意粉」，menu寫係有啲辣的，但上菜時唔係好辣，我朋友完全唔食辣的都食到。上菜時的外貌唔靚，感覺好清，但食落去又覺得味道唔鹹，意粉粒硬度亦剛剛好，唯一覺得係既然叫「蟹肉白酒汁意粉」，但唔係好食到白酒味。最後是tiramisu 呢個好食

叫左個二人餐🍕($349)🔸意式焗肉丸🥫本身係配牛肉汁，但係因為我唔食牛，店員就幫我轉左做蕃茄汁。酸酸地都幾開胃，但係醬有啲多得濟，有幾粒食落好酸。但係啲薄餅點醬黎食就岩岩好。🔹蜜糖雞肉薄餅🍕 (+$15)唔係幾好食，個薄餅皮薄又唔係薄，厚又唔係厚，口感唔係幾好。味道就好普通，只係食到蕃茄醬味。🔸蟹肉白酒汁意粉🍝 (+$25)個意粉清清地幾好食，落埋檸檬汁就更加好味。不過就食唔到有白汁味。蟹肉如果多番小小就好。🔹可樂，檸檬茶(+10)檸檬茶可以無限添飲。

食過幾次lee間 Pizza Express，算唔錯。喺新城市廣埸想食 pizza，唔係意粉屋就係佢。今次叫咗麵包小食，蟹肉白酒汁意粉同美國薄餅。蟹肉白酒汁意粉次次都叫！炒意粉香得嚟都入味，仲有汁唔會好乾，面頭的蟹肉唔會得少少。Pizza底夠脆夠香口，重蕃茄味。面嗰啲辣肉腸，唔太辣，令本身Pizza嘅味仲豐富咗。

17Oct2016 Pizza Express lunch 在一個泊車位難求的沙田區, 搜尋餐廳lunch第一個考慮便是停車場, 特地早點出門趕及lunch hour找泊車位+餐廳位。從停車場扶手電梯上去, 第一眼便望到Pizza Express, 想也沒多想就入座了！Lunch set好多選擇, 包一個頭盤, 一個主菜+飲品餐湯-蕃茄湯味道很好的湯, 香濃茄味, 有實在gei蕃茄蓉, 但不明白為何總不可熱辣辣上桌的, 小碟附上麵包條, 好香！Garlic 粒本身個麵包粒已有小小Garlic味, 再「大刀闊斧」地厚塗一大「撻」牛油, 邪惡lunch由此正式開動！蟹肉白酒汁意粉Light light 地而餡料豐富gei pasta永遠係首選, 雖然蟹肉並不是好多, 但整碟pasta都非常savoury, 看似無濃濃的醬汁蓋面還擔心無咩味道, 原來以白酒+辣椒+檸檬油煮, 味道係好light好香每條意粉都又爽口又香蔬菜芝士pizza薄皮pizza焗起時, 連pizza麵團part都滲滿油香, 而菠菜, 芝士簡直係百搭gei配料, 南瓜份量可以多點-至少每個slice都要有一小塊吧！脆邊,

同男朋友係沙田揾嘢食，當時其實都未到七點，本身想去丼丼屋，點解唔見咗。之後就用咗新城市手機app望下有咩選擇，最後㨂咗間唔算多人等嘅PizzaExpress。手機攞飛，等大約7張1-2人枱，都等咗十幾分鐘，可以接受，之後入枱落單。之前係觀塘個間食過2次，都幾鍾意食，咁諗住呢度食都應該ok啦～睇menu，同之前有啲唔同，同埋冇set叫，睇咗好耐終於㨂咗個四季pizza，waiter話冇晒銀魚乾，其他料會落返多啲。前菜就叫咗焗蘑菇芝士沾醬同埋香酥魷魚圈。香酥魷魚圈好食～魷魚易咬！唔係雪櫃嘢～跟沙律醬非常合拍！焗蘑菇芝士沾醬配麵包仔，沾醬非常香而不膩！四季pizza到，但無我係觀塘食咁好食，相對好一般。意粉我地叫咗蟹肉白酒汁意粉，碟邊跟咗舊檸檬，檸檬汁同成個意粉好夾，雖則個意粉咁淺色，但居然係辣嘅，我唔食得辣都覺得好好食，因為配白酒加埋檸汁成個意粉好香好清新～！大部份食物都滿意嘅，係個pizza爭啲，同埋啲侍應太忙，加水都要主動叫同埋要等，但好在佢地有好有禮貌，呢樣抵讚！