夢の丼 (Closed)

夢之丼 $298夢之丼用料豐富，有三文魚蓉、三文魚子、帆立貝、牡丹蝦、海膽、松葉蟹、右口魚邊。丼飯會配有一小杯蘋果醋，食前先嘗一口可以提升帆立貝的鮮味。牡丹蝦入面有滿滿蝦膏。左口魚見得多，右口魚都係第一次食，咬了一啖，右口魚肉質嫩滑，油香四溢。成個丼都好出色。丼飯配送一個湯和沙律 麵豉湯入面除左有海帶，還有豆腐和蜆肉。輕量版 一番拖羅丼 $128一番拖羅丼有大拖羅、火炙拖羅、蔥碎拖羅。不想食太多但又想每樣都試啲的朋友可以點輕量版。拖羅食得出新鮮，肉質油潤。右口魚邊（火炙壽司） $28食完夢之丼的右口魚唔夠喉，繼續encore。壽司和丼飯的分別是壽司的右口魚邊經過火脊，脂油味更出。蟹黃醬燒蟹膏豆腐 $58廚師塗左層蟹膏在豆腐上面燒，超級香同鮮，入口即溶。牛舌$48牛舌口感彈牙，本身用左小量黑椒同埋蒜香去醃製，令牛的味道更出。

今日等女友放學然後一齊食晚飯😍，由於太耐無食丼飯，所以今晚揀咗西營盤既夢の丼。餐廳面積非常大，自己忍一下內心嘅喜悅，以免大叫😳。另外樓底非常高，燈光幽暗。- 真鯛從魚皮睇得出明顯炙燒過，所以幾脆口，肉質都幾嫩滑。- 深海池魚魚身偏粉紅色，從無咩油脂，肉質清爽、油脂不會太豐厚，口感帶少少煙韌。- 蟹膏豆腐蟹膏既味道完全融入豆腐之中，蟹膏味道非常濃郁，口感仍然如一般豆腐咁香滑，有驚喜！丼飯附送麵豉湯同沙律，麵豉湯入面有蜆，鮮甜程度大大提升！- 夢之丼魚生既組合非常高級，包括牡丹蝦、拖羅、松葉蟹、三文魚蓉同帶子😋。拖羅真係無得彈，油脂香濃，入口即融😚，三文魚蓉質感軟綿滑溜，而且表面稍爲灸燒過，牡丹蝦好鮮甜。唯一挑剔係松葉蟹份量少，只有一羹既蟹肉🥲另外附送橙醋配搭帶子👍🏻- 花錦魚生丼雖然魚生丼既魚生無咁豪華，但種類都多，包括白身魚，右口魚邊、三文魚籽、三文魚、甚至讚不絕口既蟹膏豆腐😍玉子漬放係中間，同白飯撈匀之後已經好好味。- 火炙左口魚邊壽司壽司既醋飯酸度仍然適中，火炙能夠逼出右口魚邊既油分，非常肥美😍，上面仲有黑松露，整體味道更豐富。- 柔煮鮑魚之前食開磯煮鮑魚，主要用醬汁同昆布將鮑魚熬

其實本來我係最想試以店名命名的夢の丼，但係竟然花錦魚生丼做緊半價😯😯搞到我掙扎好耐食邊一款，諗諗吓半價機會可能唔係成日有，所以就決定食咗花錦魚生丼先，如果好食下次再試夢の丼🙈🎈花錦魚生丼 $94（原價$188）🆓已包前菜沙律及麵豉湯三文魚，三文魚子，白身魚，赤蝦，右口魚邊，金蟹子，櫻花蝦，蟹膏豆腐，青瓜，甜蛋，玉子漬呢碗飯絕對冇因為半價而減料！d料係厚厚咁鋪滿住成碗飯，食到落底都仲有料，而且用料新鮮，簡直係物超所值👍🏻另外佢地個飯底都好好味，調左個味就咁食都好食，完全唔需要再落豉油。另外餐廳亦都係使用赤醋，我自己就覺得佢唔會好似白醋咁搶風頭，而且再多一份香味。🎈網燒安格斯牛扒定食配白飯 $168除左丼飯，其實餐廳仲有好多其他串燒、鍋物、天婦羅等等。我地就揀左個安格斯牛扒定食，牛扒配燒汁簡直又係送飯之選👍🏻👍🏻🎈柔煮鮑魚 $98/隻🎈海膽生蠔杯 $58/杯🎈深海池魚 $68/2切🎈蟹黃醬燒蟹膏豆腐 $58🎈火炙右口魚邊壽司 $28/件除咗兩個主食，我地仲試左幾樣。款款擺盤有心思，食材高質👍🏻👍🏻大家可以放心叫放心試👍🏻

去開hku搵朋友，見到呢一間日本餐廳，有唔少好評，就決定試吓佢😝 佢個餐廳有個丼字，咁就一定要叫返個丼飯同其他日本嘢食🇯🇵日本蠔 (雪白蠔) $58蠔身雪白又勁大隻，成部iPhone 12 pro咁大，蠔汁都係奶白色🦪 係蠔上仲有海膽同埋三文魚子，海膽creamy，上面仲有啲金箔，特別矜貴🤩蠔身厚肉，仲帶淡淡海水味，性價比幾高😋蟹黃醬燒蟹膏豆腐 $58豆腐上面鋪滿蟹膏醫，經過火灸後🔥，蟹膏醬味更香😙豆腐一口一啖，加埋滿滿嘅蟹膏醬，濃味得嚟又好滿足🥰柔煮鮑魚 $98鮑魚嘅擺碟好靚又精緻❣️另外會配咗一個由鮑魚肝整成嘅醬汁，點落去就會有啲鹹鹹哋，吊到鮑魚鮮味。鮑魚質感幾好，口感軟熟，唔韌🤤夢之丼 $298首先要講吓佢哋嘅丼飯係用咗赤醋飯，同一般嘅壽司飯唔同。顏色帶紅啡色，因為用咗粕醋調製，味道帶酸，會比平時嘅壽司飯味道更濃郁，唔需要刻意加醬油都好夠味。而呢個丼飯有好多款唔同嘅材料，有我最愛嘅海膽、三文魚子、牡丹蝦、火炙三文魚、松葉蟹同右口魚，好豐富😍 魚生同飯比例近乎一比一，魚生份量十足，冇吝嗇。魚生材料新鮮，牡丹蝦蝦膏香濃冇腥味，肉質亦算彈牙。另外，火炙三文魚經過火炙之後就特別香口，魚鮨更