潮樂園 (和富道)

Open Now

Now Closed

唔知點解公司嘅同事好鍾意去潮樂園，猴子今次又係反對無效，因為今日係生日嗰位同事話事。今次唔係叫套餐各自食，而係嗌餸一齊食，都好嘅，可以試多啲唔同嘅菜。先嚟嘅係滷水鵝、墨魚同埋生腸三拼。滷水鵝真係唔使多介紹，差唔多係必食嘅，雖然猴子都係鍾情於較瘦嘅鵝片多啲。再嚟係凍烏頭魚，極度少油，啱晒猴子，肉質結實有咬口，有鮮味而無腥味。韭菜豬紅亦係唔錯嘅選擇，豬紅唔會一夾就散，韭菜亦夠爽。蠔仔肉碎粥，今次叫咗大碗嘅，味道鮮甜，如果材料可以多啲就更好。荔芋香酥鴨，猴子覺得呢個麻麻，芋頭同鴨都好濃味，而且容易滯。潮陽蝦蟹棗，夠香夠彈牙，不過份量真係少咗啲，中間嘅蕃茄無人問津。欖菜肉碎炒飯，炒得好香，不過之前已經食咗兩碗蠔仔粥，夠晒飯氣，所以只係食咗少少。猴子留意到潮樂園喺門口貼咗兩張分別係米芝蓮2018同2019嘅標籤，再加上北角呢間舖嘅位置唔算係旺區，所以都幾有「隱世名店」嘅感覺。

雖然已升為米芝蓮 店，但訂位都不太難，。每晚分兩場，分別係6點30分至8點15分及8點30分10點15分。今次一行6人 去食 ，個人認為食物質素不錯，價錢係可接受的。蠔仔肉碎粥 $108  我去打冷鋪必食的蠔仔肉碎粥，每一羹都有好多蠔仔，粒粒飽滿脹卜卜，，除左蠔仔，仲有肉碎及魷魚等，用料十足，粥好清甜， 食完不會覺得口渴，好好食。滷水鮮鵝肝拼鵝片 $198 鵝肝滷得好入味，鵝片肉質鬆軟，份量足，不會得幾片。滷水三併  $148 滷水鵝掌翼、鮮鵝腸及豬大腸全部都滷得好入味，滷水汁恰到好處，不會太咸。鵝掌翼夠稔、鵝腸脆嫩、豬大腸夠肥 潮州煎蠔餅 $98 好少地方落鴨蛋整蠔餅，蠔餅不會好鬆散，食落好香韭菜花炒鮮魷 $108純粹咁多肉叫個菜福果甜芋泥 $38 芋泥質感好綿滑, 甜而不膩小朋友好鍾意食。仲叫左個潮樂園招牌炒米粉 $88 無影相，太普通無特別。

又到周五罷煮飯的日子。平時通常出去銅鑼灣、尖沙咀或者觀塘，今日找找新意思，在北角地鐵站落車搵地方開餐。沿着電氣道一路向天后炮台山方向走，也找不到一間合心水，越行越近炮台山，知道再往前走也不會有新發現，決定就在「潮樂園」開飯。「潮樂園」在和富道共有兩個舖位，一新一舊。新舖裝修較光鮮，其實都是街坊格局，只不過較舊舖寛敞，又沒有滷水檔位、甚至沒有廚房，坐得舒服一點。講開又講，兩個唔同舖位但所有出品卻只在其中一個舖位的廚房處理，傳菜時候就無可避免要走出行人路送過去另一間鋪，究竟有沒有違反食肆發牌條例？本來想坐在新舗，但唔知點解侍應係要我們一家三口去舊鋪果邊。滷水檔靠向行人路，掛了一隻隻滷水鵝、墨魚、豬腩肉及一盤盤的其他滷水食品，目的在於吸引途人，非常典型的潮州滷水打冷舖格局。始終是舊鋪，又被滷水檔及廚房霸佔了很多空間，枱枱櫈櫈擺放得相當擠迫，坐得唔係太舒服，但都差不多有七至八成滿座，莫非非常好味道？由於地方細小，裝修非常街坊，除了那個滷水檔最為搶眼之外，另外一個較為特色裝修位就是遠處掛在牆上的五塊木牌，其中四塊用金漆刻上潮州打冷的必備菜式：滷水、蠔餅蠔仔粥、墨丸魚蛋、崩沙牛坑腩，第五塊則是巴基