LAVA Bar & Restaurant (Closed)

太子酒吧街的酒吧眾多，但要選食物都好食的酒吧餐廳就未必容易了。這家 LAVA 主打西班牙菜，食物質素很有水準！先點了一客沙律，有法國菜苗、48 個月黑毛豬火腿和脆烤藜麥。黑毛豬火腿充滿鹹香風味，片數頗豐。法國菜苗相當鮮嫩，非一般雜菜沙律可媲美。LAVA 手工包是此處名物，有點似刈包，口感軟熟帶有彈性。餡料是慢煮牛腩，一咬肉汁溢出而不會過鹹。千層腐皮亦酥脆，增加清爽感。西班牙脆皮豬腩肉每塊皆是厚切，所以豬皮又大塊又脆！半肥瘦的豬腩肉滋味得很，淺黃醬料略帶酸甜味，清新好吃！西班牙海鮮飯賣相吸引，鋪滿各式各樣的海鮮，燉飯頗 al dente。作為酒吧餐廳，座位難得的全是梳化椅，很好坐！裝飾也不錯，環境不會嘈吵。

太子酒吧街(即通菜街)真的臥虎藏龍，而且地段交通方便，不似得旺角，即使貴價都未必食到好東西！今晚同朋友食生日飯，一入門口就見到有枱人食強勁牛扒，看看餐牌，原來是40oz澳洲M7和牛斧頭扒，不過我們只得兩個人，明知吃不完不想浪費食物唯有忍痛沒有點。點了巴塞隆拿多士，有4款，擺碟功夫相當精緻，師傅將不同的食材磨成醬汁，每款都有自己獨特的味道， 有西班牙鬼蝦、銀魚仔、新鮮魷魚仔和pama ham，還用了食用花瓣伴碟，精美程度一絕，真的色香味俱全，一定要試。西班牙脆皮豬腩肉是半肥瘦的豬肉，肥肉與瘦肉層層分明， 一口咬落去已經感覺到甘香鬆脆，而且皮層脆得驚人。沒有平時食燒臘店燒肉那種豬肉的羶味，可能是這裡用了進口的食材所以肉味完全不同，加上蘋果蓉醬汁 ，甜甜的絕對有解膩的效果，非常出色！西班牙海鮮炒飯 ，份量很大，用料也很足：蜆和蝦都非常大隻，好有口感又滿足， risotto 做得剛剛好，煙韌得嚟又不會太硬，醬汁亦不膩，比起好多大餐廳做得更好。總的來說，這兒的食物水準極高，店員亦好親切，值得再來！

同朋友去了位於旺角警署對面的Lava食晚餐，這裏主打西班牙菜，有很多西班牙小食。我們先點了兩個前菜，再點了兩個主菜及甜品。紅菜頭火箭菜沙律橘子芥末汁，表面是杏仁絲，火箭菜帶點苦澀味，紅菜頭清甜，西柚帶點酸，整體酸酸甜甜，非常清新開胃。這個店員推介的白酒煮法國青口，青口比較細隻，但味道鮮甜，而且肉質爽滑無沙，以牛油白酒煮成，有香濃的牛油味及淡淡的酒香。主菜西班牙脆皮豬腩肉，有超過十件的豬腩肉，但價錢只是$158，平時在燒臘店買一斤都要百多元，這裏的燒腩肉皮脆肉嫩，而且有肉汁，真是一層肉一層油脂，放在最後都依然保持皮脆，配上蘋果蓉減輕油膩感，整體份量多且高質，是必食之一。另一個主菜鮑魚龍蝦小麥捲狀意粉，捲狀意粉都是第一次食到，比平時的意粉更煙韌，口感更佳，鮑魚切片，煙煙韌韌，龍蝦已拆肉伴在一起，肉質爽口彈牙，以番茄醬為汁，酸酸地幾開胃。最後食埋個焦糖燉蛋，表面的焦糖香脆，燉蛋香滑，蛋香及奶香味濃郁且不會太甜，今餐真係飽到上心口。

又喺轉季 啊姐我又喺時候要出動行街買衫轉季 結果行街行到迷失花園街咁 行到不知時日 結果都唔知食咩好 行行下見到呢間Lava 好多人食 不如就搏一搏睇下有無位食飯😂 好彩啱啱好有最後兩位✌🏼-由於行街行得太攰太肚餓 所以一口氣就叫咗4樣野醫醫肚先 -首先上咗個西班牙式炸薯粒配溫泉蛋 番茄香椒汁 ($65)個賣相喺會令人食指大動 你睇下隻溫泉蛋喺吹彈可破❤ 真喺令相都唔想影咁多 就開始影相😂見到溫泉蛋蛋汁破蛋白而出 就已經忍唔住食😭 炸薯粒非常香脆😭 再撈埋蛋汁同鋪底嘅蕃茄香椒汁 作為前菜 喺非常開胃～ 不得不講喺呢個蕃茄香椒汁好惹味 香香辣辣 有啲似食緊mix 咗蕃茄嘅咖喱汁 之後配埋蛋汁 喺會令人食到幸福嘅味道👅-黑松露 Risotto ($168)呢個喺是日special 啊姐一聽到黑松露就忍唔住叫咗 結果都無令我失望 上枱時黑松露香氣十足❤ 陣陣黑松露香氣撲鼻 食落黑松露味十足😭 但飯略嫌煮得淋咗小小 如果硬返小小 就perfect👍🏼-LAVA 慢煮牛腩 手工包 千層腐皮 ($62)呢個有啲似fusion 千層腐皮炸得好脆但唔會好油 慢煮牛腩已成絲 食落唔會痴牙 牛味濃之餘 亦