亞玉豆腐花

Open Now

Now Closed

大前日(22-8-2020 Sat)天氣好熱,同老公返到荃灣,就喺呢喥買豆腐花返屋企,自製雪糕西瓜豆腐花食,嚟到時有短人龍,老公突然想要涼粉,但最後都係揀綠豆沙,咁我最後都係買咗兩碗$3.00嘅凍豆腐花同$17.00嘅綠豆沙,收$26.00,因拎走要加$1.00一個膠碗.亞姐會問要唔要糖水同蔗糖?我答要,佢就落好多.返到屋企,我老公就急不及待要食綠豆沙,我打開睇,佢係裝到滿瀉,食落,味道唔甜, 綠豆係腍晒但冇起沙,質地亦稀,幾失望.味道:1分翌日晏晝,喺屋企做咗一輪嘢,就拎豆腐花出嚟,加埋西瓜做成冰凍西瓜豆腐花,未加西瓜前食啲先,口感滑,唔太甜,依然啱味.味道: 4分抵食係3.25分上次食評係喺2017年10月26日刊登嘅呢篇: https://www.openrice.com/zh/hongkong/review/%E9%AB%98%E4%B8%8B%E7%AB%8B%E8%A6%8B-e2899011

人龍雖然好長👩🏻‍🤝‍👨🏼 等候時間🕛其實好短😉$3️⃣豆腐花仲可以揀雙併其他選擇😳性價比未免太高了吧😱——————————————————<原味豆腐花🥣>用上傳統瓷碗充滿住舊香港🇭🇰情懷熱辣辣🔥既原味豆腐花真係最好味架😋算係幾滑⛷ 不過豆味就唔算太突出🥺黃糖🟡&糖水任加🙈 黃糖控🟡舉手吧🙋🏻‍♂️食完記得將個碗🥣放返落桶裡面呀😉*阿玉未必係最好味但一定係最有良知⚫️⚪p.s. 店員既禮貌程度稍有進步空間🤏🏻😶

飯後路過路德圍，突然想食豆腐花一如以往：人山人海排隊落單。隔壁豆腐花一樣咁多人排隊，但個人認為亞花好食好多。今次叫咗一碗豆腐花+椰奶喳咋。第一次食呢一間既喳咋，估唔到9蚊竟然食到足料喳咋，好感動滿到溢出黎，完全撈唔到，要食減2啖先拎得起黎影相豆腐花方面，見老闆小心翼翼咁片起黎擺落碗度，有啲片得唔靚或細片既仲會整走佢，完全係平得黎都仲有堅持俾客人最好的，好抵讚豆腐花可以選擇加糖或糖水，個人鐘意2樣都落喳咋同豆腐花都一樣推薦

之前聽朋友講，在荃灣有一間以“抵食價$3”作招徠的豆腐花店。本身唔係特登過嚟，但路過時見到好多人排隊同企係度食豆腐花，即時醒起呢間應該就係朋友跟我說的豆花店了。這裡有很多不同款式的豆腐花可以選擇，可以配渣咋、綠豆、紅豆、涼粉、芝麻糊等。而我點了最傳統的款式，就即是豆腐花跟黃糖。豆腐花夠滑，食得出濃郁豆腐味，而且站食只需$3！外帶亦只是加$1外賣盒。今時今日，呢個價錢仲係邊度搵到啊？😆The soy bean custard with velvety texture and carrying a rich tofu flavour, and it was only HK$3!!!👀

荃灣路德圍堪稱掃街勝地，小食店舖集中，種類齊全，最重要價錢實惠！當中最長人龍的就數「元朗亞玉豆腐花」和「贊和豆品」。因為兩間店舖分別推出$2、$3豆腐花！這次我只試了亞玉豆腐花，全場豆腐花$3，雙併同價，使用天然材料，新鮮製造！/🥣: #黃豆豆腐花💰: HK$3滿滿的一碗黃豆豆腐花，可根據個人口味自行加入黃糖或糖水，豆味香濃，好飽肚，啱哂減緊肥既我🥺口感不錯，唔算得上好滑好滑，不過$3 一碗簡直是跳樓價，值得一試！

去過荃灣都知，有兩間豆腐花舖開埋一齊互相爭鬥。當然作為食客的我地絕對係支持的，因為有競爭先有進步，而且我地可以用平價食好野。睇圖就知好多人排隊食啦！所以我就是但排一條試試佢。二選一的情況下，最後排左呢間食。五蚊一碗，相當抵食。糖水同黃糖就自己加，要幾甜就自己話曬事。至於豆腐花就做得相當唔錯，可能太多人幫襯，所以豆花夠新鮮夠滑，友人食食得出豆味TIM最後見到佢有呢個優惠，但要食到30蚊都有少少難道😅

星期日，又打唔成風，就梗係出街搵食啦... 約埋朋友嚟到荃灣路德圍，食碗$5蚊豆腐花先... 🙌🏻朋友話，兩間都差唔多，所以揀少人排隊嗰間... 一試就知超值... 上星期試過粥舖＄18蚊嗰碗都冇佢咁滑... 仲要有薑汁、糖水、黃糖任添... 豆腐花加脆脆黃糖是常識吧... 加埋薑汁，就唔使怕胃寒啦...超超值... 💰仲要加兩蚊，就有砵仔糕，個迷你版砵仔糕，同樣出色... 細細個，但好多紅豆（見相，鋪滿紅豆），非常微甜，啱哂我... 非常滿足～

眼前短短的荃興徑出現了一股人潮 , 現場為荃灣路德圍附近的一條荃興徑。 路過的我見到元朗亞玉豆腐花旁邊開了一間新的豆品店, 而且有一窩蜂的人群正在排隊, 饞嘴的我當然也排一份並在排隊時順便觀察一番。別店的事我不會在這兒論述 , 簡單來說新來「徑」的豆腐花豆味並不合我要求。明眼人可見 , 新來「徑」擺明是要與「元朗亞玉」對著幹 ,老實一句 : 「元朗亞玉」我還是首次品嚐 , 不過其名字的響我反而是有所聽聞 , 蔡瀾先生也曾為她撰過文 , 荃灣此店是「元朗亞玉」的唯一分店 , 既然擺明被對著幹 , 我當然要試一下「元朗亞玉」的威力 ...好一個「應對挑戰．酬謝顧客」, 「元朗亞玉」立刻使出黃豆、黑豆豆腐花同價 , 皆為 $ 5 一碗 , 不過並沒有寫明是否冷熱同價 ( 外賣加 $ 1 )。「元朗亞玉」把黃糖和糖漿及薑汁放在桌上 , 任由客人口味加減 , $ 5 一碗熱豆腐花也是自己加糖漿、加薑汁、加黃糖。豆腐花有滑得來帶厚的質感 , 豆味是明顯的出眾 , 倒入的薑汁是頗辣 , 帶有薑的鮮味。「元朗亞玉」除了有豆腐花、豆漿售賣外 , 缽仔糕、客家糍粑也是這裏的熱賣 , 剛好見到店內有位姨姨店

晚上食完飯, 最好食糖水, 見到元朗人氣店亞玉豆腐花在荃灣開分店, 於是試下。豆腐花($7)滑不留口, 又豐營養價值, 亞玉出品豆腐花口感不俗, 都算嫩滑, 加上糖水或黄糖, 也有凍或熱選擇, 相當不錯; 但因含有石膏粉, 不可以食太多。

大年初一，街頭小食開得有如盛放的年花般，各式其式，任君選擇。但對於傻仔敏這個孕媽媽來說，面對那些美食，為安全計...都只好暫時忍一忍口。路經荃灣路德圍，只見一店子外排起長長的人龍，在香港人湊熱鬧的心態下，怎也要看過究景。原來大家都手持著一碗豆腐花，看上來真不錯，就來一個外賣宵夜吧。傻仔敏點了一客熱豆腐花和客家糍粑，快快回家開餐。熱豆腐花很滑很滑，滑得可直接SIR入肚，我點的只加了糖水，微甜的...但豆味稍為不足，如果想吃豆味濃的朋友，一定會得失望。客家糍粑($12/3粒)...這個綠葉，反而有驚喜，外皮煙UN又夠薄，內面的涵料更是不得了，非常香的花生和芝麻碎，滿滿的，又不太甜，啖啖滋味此中尋，值得ENCORE。