人和荳品廠 (Moved) New Location

下午茶時間行過銅鑼灣人和荳品廠，被佢地櫥窗煎緊豆腐吸引左，發覺好多人等緊位同外賣👀👀反正唔貴就試下呢個小食做下午茶😙要了兩樣野，一個係熱的豆腐花，唔好意思，係我唔記得一開始影相😝😝豆腐花係幾滑，仲有好多水浸住😆 有一包紅糖跟。另一個係一份4件的魚肉豆腐，食剩一件先記得影相，哈哈😂呢個魚肉豆腐都係好滑，表面外皮煎香過，有咬感，四件仔魚肉豆腐$20。成個下午茶（豆腐花+魚肉豆腐）加埋就係$34，總結四個字：一試無妨。餐牌如下

中秋節嗰晚走玩到好夜🥮，所以今日就好晏起身，好晏先食早餐，食完到晏晝都仲係好飽，所以就搵咗間冇咁飽嘅嘢食🤤。人和豆品廠喺銅鑼灣都算比較傳統嘅小店☺️，嘢食嘅種類唔多，主要都係一啲豆製品。由於嘢食嘅種類唔多，啲客人都係好快就食完走，所以大部份時間亦都有位🪑。⭐️⭐️［重點］我哋今次叫咗個魚肉煎豆腐同埋豆腐花。首先，魚肉煎豆腐非常之香口，加埋甜醬辣醬，食落去先會有甜辣嘅滋味，然後會有一浸淡淡嘅豆香，真係好食到停唔到口😋。而豆腐花個味道就比百福豆腐花更加滑，味道就比百福豆腐花冇咁甜，探探嘅豆香令人一試難忘☺️。⭐️⭐️

特別推薦大家✅豆腐花 Soya bean dessert ✅薑汁豆腐花 Soya bean dessert - ginger ✅魚肉煎豆腐 Pan-fried tofu with fish meat✅豉油皇炒麵 Fried noodle (Vegetarian)《豆腐花》好滑，又有豆香味😋，可以試一啖咩都冇落嘅感受下個豆香，加黃糖食就甜甜地、脆脆地，增加咬口，感覺上🔥熱豆腐花滑過❄️凍豆腐花😌💰$12(凍/熱)《薑汁豆腐花》薑汁香濃😆，唔係薑糖水，食落辣辣地，冬天食完即刻暖晒，夏天食又可以開胃💰$16(凍/熱)《魚肉煎豆腐》煎到好香🐟，好熱辣辣，記得加埋豉油或者豆瓣醬，會更加惹味、又好香口🤗💰$16《豉油皇炒麵》豉油味好香但唔會過咸😁，大大碟，有埋椰菜同豆腐卜做配料，冇咁單調，個人建議加埋豆瓣醬🌶，即刻唔同感覺，味道會提升⬆️💰$16*佢個豆漿都唔錯🥛，有分豆漿同無糖豆漿，一杯就$7，一支就$15

已經幫襯過人和荳品廠好多年啦！記得佢中途有搬過一次舖，真係由細食到大☺️ 間唔中都會過嚟食碗豆腐花回憶一下味道！細個嘅我好怕食豆腐花，連豆腐都唔敢食，所以以前細個都係過嚟食炒麵。直到有一次比屋企人逼我試呢度嘅黑糯米豆腐花同魚肉煎豆腐之後，先發現豆腐花同煎豆腐係咁好食，克服咗我多年對豆腐嘅抗拒！💁🏻‍♀️ 所以我對呢間店係有一種情意結🤫店舖裝潢好有80年代懷舊感覺，有一種老店嘅氛圍。喺度點餐亦十分有老香港特色，係要向收銀員/店員大叫想食啲咩，因為店員太忙，好少會行去你隔離慢慢等你點。每次比錢時都唔會比單，收銀員都會用心算去計你枱上嘅食物價錢，速度令人佩服！😮❤️ 豆腐花 (凍) $12枱上有黃糖可以加，豆腐花本身就有少少清甜。豆腐花滑溜無比，唔會食到渣同石膏粉粒！每一啖都帶有濃濃豆香😋 樸實不花巧，更食到豆腐花原味道，比郊外嘅山水豆腐花更來得自然！好食度：⭐️⭐️⭐️⭐️⭐️ (5/5)❤️ 魚肉煎豆腐 $16豆腐豆味濃郁，底部有一層薄薄嘅魚肉，煎得好香口。個人喜好會落豉油&辣醬，辣醬好惹味！好食度：⭐️⭐️⭐️⭐️ (4/5)❤️ 豆漿 (凍) $7真材實料，口感帶有濃稠度，入口香濃順滑，有少少甜度👌🏻好飲度：⭐️

帮襯了人和很多年了，以前经常到旺角店买瓶装豆浆当早餐吃，口感非常香滑。偶然在渣甸街见到这店，又勾起点点回忆，决定进去吃点东西。店外的橱窗有贴着菜单，大部分都是豆类制品，非常简单。先来一碗热豆腐花，上桌还在冒烟，加入黄糖后会迅速溶化，味道结合在一起，豆腐花口感很滑，水准依然保持着。鱼肉煎豆腐是其中一款较多人点的东西，而且不仃在做，上桌时是热腾腾的。煎完后外脆内软，是很不错的小吃。只是鱼肉和豆腐略嫌偏淡，如能改善会更好吃。

可能好多人都以為黃店係一啲新開嘅鋪頭居多，但係其實一啲歷史悠久嘅鋪頭都有良心—呢一間嘅老闆娘運動開始期間接受過報道採訪，表示理解。希望佢而家冇割啦💛·黃店關係，唔眨眼叫咗好多嘢食，冇計啦每件都係10幾蚊唔會眨眼。🤩·豆腐花一如既往咁滑，落少少黃糖已經帶得出佢嘅豆香味，係每次嚟到必食嘅item🤩·魚肉釀豆腐係一碟簡單但係好難做得好食嘅嘢食，橋妙在於豆腐可唔可以煎得挺身。呢一舊就煎得啱啱好，油唔算多，再落甜醬已經好味😋·鹵水豆卜就真係最推介，第一次叫。可能係因為經過長期嘅滷水汁浸淫，豆卜好入味！我食咗差唔多大半碟（寶寶唔好嬲）😙-豉油皇炒麵同柴魚花生粥呢啲唔會煮得難食，有驚喜嘅係花生粥竟然有蠔仔喺入面，幾揼本🤑·椰汁豆漿就好似飲緊椰汁大王，椰汁味會蓋過豆漿，不過都啱晒我呢啲椰汁狂迷～·整體來講，價錢都十分相宜，最啱糧尾去食。月尾啦，大家可以去幫襯啦！😎💛-豆腐花｜$12魚肉釀豆腐｜$16鹵水豆卜｜$16豉油皇炒麵｜$16柴魚花生粥｜$20椰汁豆漿｜$12-人和荳品廠 (銅鑼灣)銅鑼灣渣甸街55號-

接近夜晚時間十點半，喺銅鑼灣地區仲有啲乜嘢平平地嘅宵夜可以食呀?最後就嚟咗人和荳品，佢哋收十一點，但係都冇趕住收工咁唔畀你入座，態度仲好好添。我同朋友叫咗好多嘢食呀，有 魚肉煎豆腐、豆腐花、豆漿、柴魚花生粥同豉油王炒麵，埋單都係71蚊，食到好飽飽一定要落佢嘅辣醬，超好味炒麵裡有豆腐卜，好入味又足料平時夜晚好快已經賣哂，相信呢碗係水尾，因為好多料啊，有豬骨，淡菜同柴魚花生豆腐花食原味，落勁多黃糖，超正又抵又正嘅宵夜

要數傳統民間小食，點少得豆腐花、豆漿，價廉物美，而銅鑼灣人和荳品廠，保留了這份傳統，這類香港回憶，買少見少傳統嘅金漆招牌，正正是老字號的代表任何時候都高朋滿座，絕對是香港十大街頭小食之一大汗搭細汗不斷煎煮食物，無時停，保證件件新鮮牆上面這些書法，我真的看不懂食物種類以豆類製品為主，價錢相宜超、超、超滑豆腐花，你絕對無拒絕的理由魚肉豆腐，食嘅時候小心燙咀，件件即煎即上加多一坏豆漿，幸福極了，開心其實好簡單

豆腐花 HKD12無論係春夏秋冬，我都中意食豆腐花。春夏透心涼、秋冬暖入心，對於人和嘅豆腐花，我可以話係「一試就愛上」。有豆腐味、唔會淡茂茂、又滑口係基本啦！食落好軟綿綿，「削」一聲就落左喉嚨，仲一啲渣都無咁！重點係唔加黃糖都好清甜，不愧係老字號。經過銅鑼灣，就去整番碗吧～魚肉煎豆腐 HKD16嚟到人和，除左要叫碗豆腐花之外，魚肉煎豆腐亦都係必食！外皮金黃色，但又唔會太燶或者太多油。雖然豆味唔算好重，不過配埋魚肉食就好有肉感，個人會建議點埋豉油一齊食，更加香口。豉油王炒麵 HKD16 食完豆腐花同煎豆腐，仲有少少餓，諗住食啲飽肚嘅野醫下肚，就叫咗碟粉麵試試佢，可惜味道不似預期。雖然炒麵食落唔會話好油淋淋，但係麵質偏硬身，似係一早煮好，擺咗好耐咁樣，愈食愈口乾～下次都係食返豆腐花或者魚肉豆腐好啲⋯

表妹來香港遊玩，一定盡地主之誼帶她周圍吃！她問我那𥚃豆腐花最好吃，即時呆了！因為本人一向喜歡吃咸的東西，甜品好少食豆腐花，真是不知道😅 不過，我有位朋友是豆品癡，每日一定要吃豆類食物，才心安理得，於是，即刻WhatsApp 她，結果，她介紹了這店😻好意外！我一直以為吃滑溜豆腐花，一定要去大埔、元朗、大嶼山這些地方才吃到！怎料，這豆腐花又滑溜又有豆味，真的好好吃😻😋表妹還吃了2碗😱😱😱我一定會再來encore👍🏻👍🏻👍🏻

之前中學時都會黎食個豆腐花先番屋企，今次食番中準依然咁好☺️☺️鼓油王炒麵 soy sauce fried noodles | $1616蚊大大碟有好多芽菜同豆卜，鼓油味唔係好濃所以吃下去唔會覺得好咸，個人喜歡加甜醬拌著吃惹味點😋豆腐花 Tofu Pudding | $12同之前冇分別都一樣咁滑，質感好似布丁咁唔會好水😍又大碗又好味👍🏻

除夕夜睇戲前想搵間小食店食返dd野頂一頂肚,坐位雖然好窄但地方光猛整齊,叫左4樣野食豆腐花做得好滑又唔會水汪汪教得好唔易散晒,豆味雖然冇豆漿咁濃但加左黃糖食好香,比街上做得出色魚肉煎豆腐上面魚肉好薄好薄食唔出所以評價唔到,但係豆腐豆味超濃郁好有咬口好似有豆渣係口咁,加豆辦醬食真係勁夾,不過大大件食晒已經好飽豆漿好濃豆味有小小杰身材料足,豉油皇炒麵以前炒得好乾身今日食麵好林林又碎好油味道好香豉油味唔會過咸老字號水準保持得好好,而且又平又好食,下次再試埋其他

今日行經銅鑼灣想食豆腐花，就醒起人和，一路行一路諗應該仲係度~應該仲係度?~果然無論世事變改~~原味豆腐花(熱)，淡淡的已經配好了甜度，食落去真係超級滑，比起最近去台南安平豆花仲滑，仲幼細! 不過只有一樣野未夠完美，那就是不夠豆味，不過可能是因為豆的種類或是浸豆太耐而致吧 撥開看看入面，都是滑滑的，和整豆腐花的豆腐不同種，這種入面比較易散，不太硬同實，但都是欠了些豆味。豆腐兩旁沒有煎，只是上下略煎過。剛剛好。魚肉一小片，有蔥花，nicely釀在上面，唔係一夾就散。