東寶小館 (Moved) New Location

去北角跟朋友, 選擇去渣華道街市食大排檔. 打電話book定出名的東寶小館, 要等到8點半左右先有位. 可能見到朋友係大肚婆, 侍應都好快安排入座. 入到去見到唔少外國人都慕名而來,同埋影相 可見一班. 一坐低先叫左兩支啤酒, 有戰鬥碗飲啤酒係寧捨不同說回菜式, 首要推介係粉絲蝦煲同炸游水筍殼魚粉絲蝦煲份量超多絕對夠5，6個人享用, 粉絲又炒得夠乾身唔油膩又夠味, 大蝦油泡過又炒得夠香脆, 同粉絲配合得好好. 炸筍殼魚就要睇時價同大小, 呢條同隔離枱相比唔算大, 但勝在炸得夠乾身香口, 魚肉又滑仲食到鮮味, 配埋特制淡豉油汁, 帶出左魚嘅鮮味其餘菜式豉椒炒蜆辣椒同豆豉比例剛剛好而且鑊氣好夠, 將豉椒味爆哂出黎, 大蜆亦都啖啖肉又鮮甜. 枇杷豆腐都炸得好好味唔覺膩, 胡椒湯時菜同沙拉骨都有水準.另外一路食緊時電視機會一路插播youtube歌單, 可能因為外國人嘅要求, 英文歌都有, 係大排檔食野聽英文歌可謂別有一番風味

點了三個菜，尖椒炒雞什、豉椒炒蜆、一口羊(青菜要$80一碟，所以沒有點。之後才醒覺也沒點招牌菜 -- 風沙雞)，加上一支啤酒，兩碗飯，還有服務費，兩個人吃個飯被收取$528，熟食市場而已，不會再幫襯的了。尖椒炒雞什味道比較淡，辣道適中，最平宜，份量反而最多。豉椒炒蜆，除了豆豉，還加上麵豉醬，所以很夠味，要挑剔的話，豆豉跟麵豉醬始終是兩種味道，蜆算得大隻以及新鮮，可惜沒幾隻就要$168，性價比低。一口羊，即是酥炸羊肉粒加上芥末醬，我個人覺得味道很不錯，相比炒蜆，還算可以。。。普通白飯要$15一碗。。。這裡有兩個特式，用碗飲啤酒以及播放音樂。但音效實在太差，坐在遠離喇叭位置，只感到嘈吵，當途經喇叭時，那種強勁低音打入胸口的感覺，實在很不舒服，只能為坐在喇叭附近的食客感到難過。。。

星期五晚上當然要放鬆一下, 一班朋友決定去大排檔飲啤酒食小炒呢間小館真係來自世界各地既客人都有, 人山人海, 果然好有名氣. 平凡寧靜的街道樓上真係睇唔出有間小館非常熱鬧踏入2樓, 已經聽到小館播起中英文/國語歌, 一檯檯都會興高采烈地高歌歡呼, 職員同客人打成一片, 氣氛十足一坐低緊係要點啤酒, 呢到飲啤酒特色就係用戰鬥碗, 兩三下就飲完一碗風沙雞皮脆, 肉質都ok, 唔鞋口, 面層有一堆炸蒜粒, 連埋一齊食令雞肉增添香氣豉椒炒蜆好惹味, 蜆肉屬大粒, 無沙, 火喉十足南乳豬手好有骨膠原, 唔會太肥, 骨與骨之間容易咬開, 配埋南乳汁, 一流呢味前菜混左芥辣, 好醒胃, 不過青瓜絲比八爪魚多, 幾特別, 但$98 有少少貴鮮魷份量足, 即叫即炸絕不欺場, 炸粉好薄, 好有口感呢碟炒飯每次必點, 飯炒得好乾身, 粒粒分明, 混入蔬菜/蝦同肉,面層有蒜粒, 撈埋飯一齊食, 有口感