牡蠣不如帰

Open Now

Now Closed

成日返工搭車都會經過呢間佈置幾特v別嘅粉紅色餐廳，原來入面係食日本蠔同拉麵的！入面格局舒服，座位好有空間感。個人覺得呢到嘅小食真係好有心思，值得一食！🍢菇燒牡蠣串（2串）係日本廣島蠔配上紫蘇葉，食落去更能突出蠔本身肥美且鮮甜嘅口感😋外層係汁燒風乾火腿，口感有層次感。旁邊係玫瑰外型的白蘿蔔，酸酸的好開胃！🍤牡蠣野菜天婦羅同樣非常有心思，食材亦好創新！除了2個大大嘅日本蠔肥美新鮮外，還有鮮粟米、尖椒天婦羅都好特別！鮮粟米🌽天婦羅粒粒外層脆香入面juicy，而尖椒內竟然食到明太子，真係好有驚喜 😋可以話係脆香不油膩之餘，增添多份口感。🍜拉麵都幾有水準：🌟白豚骨拉麵好濃湯味，鹹度適中，配上少肥薄片豬肉+幼身拉麵，味道不錯🍜豚骨辛拉麵辣味幾重，而且惹味，幼身拉麵texture 軟淋，吸曬湯嘅辣香濃味😋有機會一定再來食日本蠔特色小食！

相信不少食家都聽過呢間連續多年被日本媒體評為最佳拉麵 - 東京米芝蓮一星「金色不如帰」既大名。佢地係香港已經開到第四間分店，主店主打比較少見既大蜆湯底拉麵。而全新既「牡蠣不如帰」係佢地旗下一個新既品，一樣係主打貝殼類海鮮湯底，不過今次玩牡蠣即係蠔主題。.同佢地主店餐廳裝修風格好唔同，銅鑼灣既牡蠣不如帰裝修走全粉橙既少女型格路線。餐廳位置雖然唔算多，但係佈置擺設都幾前衛迷幻，而佢地幅油畫特色牆身非常吸晴。.牡蠣鹽味拉麵 💲118⭐️4/5同金色不如帰相近，牡蠣不如帰拉麵款式唔算太多只有四款。作為全港首間香港限定店，招牌特色「牡蠣黃金湯」湯頭既牡蠣鹽味拉麵係必點必試項目。用左大量鮮蠔慢煮而成既湯底，加埋蔬菜、自家製既鮮蠔醬同蠔油，配埋豬骨同魚熬湯，海水味重蠔鮮味濃郁不過有少少鹹。拉麵用左我鍾意既幼身拉麵，口感清爽掛湯。美中不足係豚肉得一片比較少。.豚骨辛拉麵 💲115⭐️3.7/5唔想兩碗都叫哂牡蠣拉麵，另一碗試下傳統既豚骨拉麵加辣版。湯底屬於清澈版本既豚骨底而唔係奶白油脂感較重個種。辛辣係加左麻辣醬都有少少辣度，整體感覺新鮮。.牡蠣野菜天婦羅 💲88⭐️3.8/5餐廳提供左四款專屬既牡蠣料理。

屋企附近開左新餐廳🙆🏼‍♀️日本米之連一星拉面🍜襯第一日開張無乜人去拿拿聲去左先拉麵湯底唔錯，signature 好濃既松露同蠔味，落左番茜同火箭菜，有啲似意粉會岀現既味，略咸但唔口渴。另外仲試左豚骨辛拉麵，辣得幾香~拉麵主要都係食湯底，細食既話兩個人share一個ok,因為小食太正~牛舌丼係小份，個飯好香白松露油味，牛舌有5、6件厚切，有兩件比較韌，但唔韌果啲真係好好食天婦羅係兩件蠔天婦羅擺左係蠔殼上面，下面有脆脆墊底，蠔殼用鹽墊住，側邊擺左玉米，矮瓜同青椒天婦羅，攞盤十分有心機，蠔好juicy蠔串燒又係正，都係juicy, 側邊擺左幾片酸蘿蔔解油膩一口飯好好食，紫菜包住青瓜、飯同隻蠔，蠔呢度小凍，唔知係咪配合返壽司既造型，好食侍應服務好好，仲會問客人對食物有咩意見，經常添水同有笑容