風雲丸 (Closed)

睇完戲成夜晚9點幾，行左黎灣仔食拉麵，都仲幾多人等緊，想食風雲丸好耐，依家終於有機會！鋪頭其實都幾細，而位又多，所以感覺都幾逼，好在每個位下面都可以擺袋，都仲可以！因為仲飽飽地，所以叫左兩個麵就算，見其他人叫餃子，個賣相幾得意，下次有機會先試！特濃山椒魚介沾麵個人好喜歡魚介，而沾麵又無咁滯咁，所以感覺好好，山椒有少少似胡椒味，辣辣地，我就再叫多左隻蛋，總覺得食麵要有蛋先完滿！但隻蛋太熟，蛋黃熟左囉！如果多d京蔥就好！而豚肉係ok，有d炭火味，好香！食完可以加水可以飲埋d湯！豚肉魚介拉麵係沾麵的變奏版，但有京蔥，感覺再完美d，個湯無咁咸，飲落去剛剛好！麵質麵彈牙！

估唔到成9點幾都仲咁多人食拉麵唯有睇下餐牌先，望落都非常吸引終於入得啦，牆上有好多壁畫，仲大大隻字寫住風雲丸添點餐紙就一眼睇哂餐廳有咩食啦呢度既麵係自家製架，個湯底都唔惹少雞球有六大舊餃子有五隻，餃皮煎得脆身，非常香口沾麵既湯會以日本特製石鍋盛載，上枱既時候會係炸炸聲架，仲見到碗湯係咁滾緊，而主打的豚骨魚介湯底，以2公斤的雞、豬骨熬足大概8至10個鐘，仲加入左好濃厚既醬油、魚介醬、魚介粉、蒜蓉及一味粉。而當中的魚介粉，仲係用左沙甸魚乾，係店入面風乾左約至少4日到，之後再磨成粉末製成，可見餐廳係幾咁用心製作。風雲丸而製作麵條方面都係一絲不苟，麵條會調校至12號，用左較粗身既麵條，咁就可以令掛湯既效果更好拉麵終於到了，呢個「辛辣豚骨魚介湯」係混合左辣椒粉同埋山椒的豬肉所製成的，而成碗麵都係紅色架，辣既程度真係有返咁上下，入面仲有一大塊豚肉、蔥、筍，食落都幾刺激食唔到辣既話，叫呢款亦得！桃味甚濃呢個夏天食岩哂，夠哂冰涼，又有好濃既柚子味

成日見排長龍，終於蒞試一次。喺另一間食沾麵嘅舖頭食過一次沾麵，唔知係唔係因為果日有少少唔舒服覺得好難食，仲作嘔。所以，來到風雲丸，我點香鬆海苔豚角飯($35)：唔係佢主打，味道普通OK啦，其實我本身唔鍾意食豚角多肥膏，但無咩好揀。另外，點咗個沙拉唐揚炸雞($38)，好普通，我比較喜歡隔幾條街哲平。仲有個羽根餃子($35)，都係OK啦，不過我比較鍾意麵屋武藏嘅餃子。仲有蝦子餅碗豚骨魚介拉麵($88)，叫軟麵走荀，來咗個硬麵走荀，叫佢再煮過，再來碗軟麵無走荀。。。唯有自己掉哂啲荀。味道唔啱我，料無咩特別，但啲軟麵條係幾好咬。見隔離枱枱都沾麵，我真係唔敢試。

舖頭係正大路位置搶眼總類唔多夠集中餃子餡普通無特別,但煎得好好底好脆但唔濃,餃子汁偏咸豚肉魚介拉麵,上枱時已經湯底唔太熱所以面層油好將嘴,麵身比沾麵幼好有彈性,由於小凍所以豚肉好油膩,湯底都唔想飲豚肉魚介味玉沾麵-沾汁用石鍋上菜同拉麵溫度差好遠,糖心蛋做得好流心卤水入味,麵條比較粗但仍然索到汁有彈性,豚肉放落沾汁豬油迫晒出來好甘香油膩感冇晒,沾汁好濃起膠味濃好難得唔會有苦味,麵有幾種size得一種要加錢岩晒細食人仕夠貼心總結-味道中規中矩但價錢就太貴

幾次路過都見點解咁多人架呢？( 無知婦孺的我) 今日晚飯時間路過見冇人排喎，店入面係滿。既然等一陣就有得食所以就去試。睇完menu 決定同友人叫一個沾同一個拉麵。唔想食唔晒啲麵，所以只叫左大盛。沾麵先黎。石燒可以保持湯hot hot ,個人感覺好良好。湯重魚味同有胡椒，香濃。麵呢，佢話係麥麵。我食落就發現自己原來鐘意蛋麵多啲架。個叉燒係毫無期望下食，發現豚肉味清新，肥瘦適中，幾唔錯。落個檸檬就冇太大既分別。拉麵隨後送到。簡單黎講，個湯就豚骨味多啲。唔咸。冇乜話好特別。食完個沾麵加左清湯飲多幾口。魚味會再出啲。食完飯埋單時餐廳俾左啲$20 cash coupon 下次食可以用。( 外面經已大排長龍) 基於平左$20既緣固，我覺得係可以encore!!!!!如果冇coupon 既，我個人覺得佢個麵輸俾周月，但個叉燒有贏番小小分。( 有藉口去食多次周月去補番個食評😎)