風雲丸 (Closed)

豚骨魚介沾麵There were so many choices at your discretion. You got to choose the portion of the noodles, whether they should be served hot or cold. The noodles were super super al dente (one of my lunch partners said it was too al dente for him  but I liked it)! The soup was very very rich in fish and was kept hot served in the pot!  The egg was cooked so well that the egg yolk was flowing out like lava! The grilled pork was not so good because it was served cold together with the cold dipping noodles

其實一直都好想黎試的，但奈何永遠經過都見到好長龍就果斷放棄，難得今日無咩人排隊，終於可以試了。餐廳内部同其他日式餐廳差不多， 枱面有教授沾麵既食法，就算初次黎食都唔怕。枱既前方仲見到有不同份量既麵可以選擇，要去到800g先要收錢，大食既我當然係揀400g啦。麵條仲有得揀暖定凍，正宗食法係凍既，但個湯好快就會凍，所以今次就決定試下暖既。豚骨魚介沾麵，湯底都算濃稠，豚骨味道濃郁。麵條好彩揀左400g，個人覺得係無400g，因爲食完都只係剛剛好。麵條係暖既關係，所以係無咁彈牙，較軟身。不過好處係個湯食到差不多最後先凍，凍左既湯底真係差好遠。另外仲叫左一客辛口沙拉燒餃子，一擺落口辣味已經衝晒出黎，好彩有d沙律醬中和返個辣度，不過我覺得依然好辣。整體都好食既，但餃子略嫌多油。最近睇到個知名食評Youtuber評價呢間餐廳，先喚起我對呢間餐廳既記憶，但其實我食完又唔覺得係差到咁。

這個月在灣仔上堂。午餐時段經常見到一間日式餐館有很多人在門口排隊 。心想是否這間 餐館係米芝蓮級數或食物水平很高呢？否則唔會短短一個鐘頭食宴都有咁多人喺度耐心等候。今日老師有事請了半天假提早放學， 而那間食肆居然門外沒有人龍等候;機會難逢當然要入去試一試啦!一入門口就見到掛住一個個既紅色和白色燈籠，無論外部或內部環境也充滿日本風情;令人彷如真的置身在日本餐館。這裏主要食沾麵，而主打是特色的豚骨魚介沾麵。麵條可選冷或熱，而份量多少自由選擇，有200，300同400g都係同一價錢，可因應食量去選擇。第一次食沾麵，見到啲沾麵汁滾下滾下熱辣辣以滾熱石鍋盛載著，覺得幾新鮮。非常濃厚的豬骨魚介湯， 食落又有魚香味; 湯味濃但不油膩。 麵條買相似烏冬，麥味突出質感幼滑和口感彈牙。食時將面條沾上濃郁的沾汁啖啖滋味。仲有一片厚切五花腩义燒，看似 肥膩但食落軟滑甘香，絕不鞋口。不過最開心既都係隻蛋原來是流心蛋，陣陣蛋香。還有蔥和筍也可跟個人口味而作出調整，可見其極之細心。👍

係日本食過魚豚骨拉麵覺得好好味，見到呢間沾麵都係主打食魚介豚骨就過黎試下個麵可以揀冷熱冷就會有口感d 熱就有麥香味d麵有得比你揀要幾多，都幾貼心女仔可以揀300g就夠無論揀冷熱麵 個湯都係熱鍋上 熱辣辣 湯既質感好杰身比較推薦冷麵，真係比較有口感。叉燒好大舊，係腩肉黎，有成個手掌甘長，有宣傳貼紙介紹係慢煮叉燒，不過我覺得唔好食，肉太肥，肉質唔夠淋同埋會痴牙個人比較鐘意肩肉叉燒(一片片圓型嗰種) 整體黎講沾麵食第一啖覺得幾好味幾咸香，但食多兩啖就覺得味精好重好鹹，魚介粉冇鮮味，加埋檸檬汁都無補於事。係日本食過魚介豚骨既拉麵，個湯係濃厚得黎又食得出魚同豬骨既鮮香，亦唔會太鹹，可惜呢到做唔到嗰種感覺可能我抱既期望比較高，未試過都可以試下既，不過我就未必會返食啦。

話說肥仔有一次由灣仔行去銅鑼灣嘅時候，經過呢個"風雲丸"，就Bookmark咗下次食！我地去嘅時候，正正係晚餐時間，雖然條排唔太長，但等下等下都等咗45分鐘，入到去就發現有2張枱因為滴水嘅關係，冇俾客坐。當差不多排到你嘅時候，就會排menu俾你揀定。特別在佢地有小朋友餐，分量應該係少點。但我地發現沾麵係冇得揀麵嘅軟硬度。平時其他沾麵店都有得揀麵質嘅軟硬度同湯嘅濃度。不過佢有4款麵既份量，啱晒不同食量嘅人。我揀咗，溫麵，並盛(200g 最少的)。先飲一啖湯，湯唔太咸，都幾濃郁同'傑'身。麵質比較粗，而且幾彈牙。叉燒好大舊，但脂肪比例多咗，同埋好鞋....肥仔揀咗，冷麵，特盛 (400g)咖喱味係重嘅，我坐對面都聞到，但叉燒都係偏肥同鞋囉.....肥仔個咖喱湯食到最後唔夠湯，向職員要求加湯時，可惜只可以加普通魚介湯，令咖喱味啖咗好多。如果麵店可以應因返客人若order嘅份量，俾返適當份量嘅湯就好喇！最後，同日本餐廳一樣，佢地係有圍裙提供嘅！著白衫嘅、食飯唔小心嘅，記得問職員拎喇！ 

聽說都要排隊，但當天幸運地沒人在排可以立即入內，而且侍應知道天氣熱有立即拿上涼水非常細心。而且環境有濃濃的日式裝潢，另人感覺甚好(傳說中既食裝修都抵(≧∀≦)ゞ)小食既辛口沙拉燒餃子最好食♥(´∀` )炸雞係平均值上(^ρ^)/可惜的是主食的麵，不是爽口是硬Σ(ﾟдﾟ)，湯頭不是濃郁是咸｡ﾟ(ﾟ´ω`ﾟ)ﾟ｡，麵類完全是不行，拉麵沾麵都是，對於這個真的非常失望(◞‸◟)另外劃單有點飲品，但下單的人忘了入就懶得再叫了。_(´ཀ`」 ∠)_ 

看見「霸嗎拉麵」備受食客歡迎，還成功在食店選舉中，獲得公眾的認同，並獲得最佳新餐廳的獎項。作為一個經常有光顧「霸嗎拉麵」，又有為「霸嗎」寫食評的本人，看見「霸嗎」到現在有此成就，我亦感到與有榮焉。後來我知道，「霸嗎拉麵」又有一間姊妹店，店名叫做「風雲丸」。「風雲丸」店舖開設在灣仔，「風雲丸」跟「霸嗎」最不同的是，「風雲丸」的鎮店代表菜式跟「霸嗎」有點不同，是「豚骨魚介沾麵」。「風雲丸」是一間以「沾麵」為招牌菜色的日本拉麵店，不單止「豚骨魚介沾麵」以豬肉為主配菜，甚至整間「風雲丸」拉麵菜色，都是以豬肉為主要食材。「風雲丸」不是沒有雞肉，只是「風雲丸」只把「唐揚炸雞」當小菜看待，沒有像「霸嗎」的雞叉燒拉麵而已。星期日我來到灣仔，為初次拜訪試食「風雲丸」而探路。來到灣仔，我發現「風雲丸」雖然稱得上是「霸嗎拉麵」的姊妹店，但「風雲丸」並未完全獲得「霸嗎拉麵」名氣的幫助，「風雲丸」門面並沒有人龍在店外等待。直至晚上六點，「風雲丸」接近晚市來臨的一刻，「風雲丸」雖然還未滿座，但店內食客都已經坐得快七七八八。我亦終於等到星期日晚飯時間，很快便能進入「風雲丸」內用膳。「風雲丸」樓面的裝潢，雖然沒有「霸