楚撚記大排檔 (馬頭圍道) (Moved) New Location

呢個咁特別嘅名留意咗好耐，雖然喺公司附近，但一路都未有機會試到，朋友約咗噚日嚟食飯，電話訂檯話滿咗，咁就早啲 walk in la。未夠 6 點去到，已經有食客食緊飯，原來我哋都唔算早 😅😅入座已經同我哋講用餐時間個半鐘，咁座底就即刻叫個小炒王同豬手先，然後就叫冰凍嘅啤酒，送嚟時連雪凍嘅碗，簡直透心涼 👍👍食物都算上得快，小炒王真係好味，腰果同魚乾仔都好脆口，我哋再加梅菜蒸菜心，芝士琵琶豆腐同手打墨魚餅，墨魚餅好有咬口，有淡淡嘅黑松露味，上檯即食仲辣口，放涼咗食一樣咁好味 😋梅菜蒸菜心好大碟，平衡返今晚邪惡嘅食物 🤣🤣🤣 芝士琵琶豆腐一啲都唔漏，仲連幾粒西蘭花可以點埋個芝士醬 😃😃最後上個豬手就有小小失望，豬皮唔係 lock lock 脆，但味道唔太差，其實 3 個人係叫得太多食物嘅，所以最後豬手都要打包走。臨尾仲有糖水送，我哋揀蕃薯糖水，夠薑味，攬住個肚肚結束完味嘅晚餐 😍😍

今日有朋友係馬來西亞黎香港旅游， 緊係要帶佢食下香港馳名既小炒la 。但係又怕平時大排檔感覺唔夠乾淨， 所以特登揀左呢間係土瓜灣既新式大排檔- 環境好好， 有d以前復古香港既感覺， 仲會係到播廣東話歌， 好有風味👍🏻- 食物超級好 ， 每一樣都好好食 😋- 我最超愛既係原隻脆皮焗豬手， 直情係surprise， 塊皮好鬆脆， 肉質唔會太乾同太咸， 所有朋友都話好好味 ， 想嗌多一個- 楚撚既小炒王好有驚喜， 一向都唔會嗌呢類型既餸， 朋友想食就嗌左， 點知食到停唔到口- 食完仲有免費糖水送， 可以揀番薯糖水或者清補涼 ， 都好好味- 嗌左咁多野， 我地六個人食， 仲要加埋啤酒，每一個人都係$120 ， 簡直係非一般嘅享受超級貼地嘅價錢 即卡下個星期要再番黎食多次！