科記咖啡餐室

Open Now

Now Closed

經過上環YMCA紅磚頭屋嘅文物同太平山街一系列嘅文青打卡位之後，肚仔都有啲餓啦，當然就係醫肚啦！一睇之下呢間豬扒飯好出名，就過去睇睇啦😋😋 大家預咗去食記得要預15分鐘等一等，因為老闆為咗新鮮唔會將豬扒大量咁整好。我叫咗一個最簡單嘅豉油豬扒飯，咁樣先食得出豬扒嘅原味嘛！一食落去，香甜嘅豬扒味出晒嚟，而且係非常軟滑，感覺好似用蛋白包住塊豬扒去煎咁（當然應該唔係咁樣整法啦😂），如果白飯充滿着店家秘製嘅豉油汁，甜甜地，配埋杯咖啡簡直就係一絕！經過開上環嘅朋友一定要黎試啊！

都唔係第一次去，不過每次都等好耐。有時係大排長龍，今日好彩無排長龍，但都等左半個鐘，我係講個豬扒飯。出餐速度真係世界級⋯所以趕時間趕行程既朋友千祈唔好去。講番正題，午市有餐，但最好食既豬扒菜飯無餐，淨豬扒飯係有啲dry，跟餐既飲品同老火湯都係二揀一，又係食客的抉擇，豬扒飯跟湯$61，如果散叫豬扒菜飯跟湯就要$71，如果要加埋杯凍檸，完美combo就要$88.....有點貴了。凍檸以前飲過，正常好飲。豬扒係好食既，應該係老抽整，不過平凡見真章，係對得住金牌個名，你俾枝老抽我我都整唔到。嗰日去個湯係亮點，海帶水草湯，真材實料，清熱一流。會唔會再去，得閒都會去翻尋味既。

今日同事帯我去到哩間科記食LUNCH, 一去到已經見到好多人係門口排隊. 見間餐廳嘅門面已經覺得感覺好懷舊好有風味咁等左15分鐘, 終於有位坐喇. 餐廳內吾係好多張枱, 枱亦都係細細張, 預左要撘枱同坐得逼逼地. 睇下有咩食先同事話哩到出名食豬扒, 咁我地3個都叫左豬扒飯餐. 我見有中湯, 超鐘意飲湯嘅我梗係跟湯啦. 跟湯要加6蚊, 但碗湯大大碗, 冇味精, 真材實料真係好抵我地仲叫左個奶油多SHARE, 不過奶油多就好一般喇.

一直以來,科記既評價,膳稿還是新假期,評價都係好兩面極端,當年少年食神林澄光就HARDSELL過呢間野..為左搞清呢間野既虛實,我曾經一個月前下午去過,結果佢既豬扒係賣哂,今日我一早開門沒耐就特來一試,趁佢最得閒時間,師傅應該能整出最好既野,結果終於試到!!佢既豬扒飯餐係全日供應,賣成$45蚊,連杯野飲....另外加菜10蚊,加蛋4蚊,凍飲+2蚊.....個伙記仲好串咁問: 加錢架WOR,有沒問題??但對D熟客就成隻狗咁,我心諗:咩野態度??狗眼看人低乎??先扣分!!!不過個D清潔阿姐反而幾好人,而我今日MISS左佢店面隻貓阿來(因隻貓訓死左),她也嘗試幫我叫醒隻貓影相,卻並不成功XD然後呢,我終於明白點解呢度既豬扒飯點解會有咁兩極既評價了!!!因為如果你識煮,呢度既豬扒只可以說一句:隨便一個人都煮到出來!!不過係用新鮮既豬扒用釘槌打鬆佢,但不用鬆粉,呢一步只要手力夠,其實以後步驟根本任何人都可以煮出來,豬扒既醃料不外乎是用一般糖,鹽,紹興酒,味精,生抽同老抽同少許燒烤醬醃,然後用高火煎炸...而佢個飯落左少許豬油炒....但又不是隔夜飯炒,只是純粹煲乾身飯齋炒,結果就是飯都偏乾,再配

呢間位於上環茶餐廳實在多人, 星期六 1:00pm去差唔多等左 20 分鐘先有位, 好彩一行四人一張台, 唔洗搭台.試了鮮牛肉多士及炸豬扒飯. 鮮牛肉多士幾貴, 賣$ 36. 豬扒飯賣 $44.鮮牛肉多士真係好足料, 好好好好味! 啖啖都係牛肉, 好香牛肉味同好軟. 多士整得金黃色, 好脆. 當牛肉汁滲入多士後, 味道口感都絕配. 不過食到一件半開始有肥膩濟漲的感覺.豬扒飯亦係另一出名美食. 兩三件豬扒炸至深色, 外脆內軟. 甜豉油送飯亦好匹配. 可以因應喜好再加蛋加菜.鮮牛肉多士算是出色, 一定會再來食.

科記絕對是我暫時吃過最好吃的港式豬排! 知道這裡是因為食友介紹, 不是他說我根本不會知道這邊這邊的凍檸茶很有水準, 檸檬給得很多, 茶味也很香濃不澀這個豬排飯好好吃喔! 豬排應該有兩片吧, 份量不少煎得很香脆, 沒有外面的用上黑胡椒, 但就用了帶蜜甜味的醬油下去醃肉質軟身得來還保留了咬口, 厚薄也處理得剛好我叫了少飯, 飯沒有下太多醬油但配豬排吃就很夠味, 飯身軟硬適中要來吃豬扒飯的話就要趁早, 因為上次我一個人12點半到已經是最後的兩三碟, 不消一會已說賣光了來吃的時候剛好看到台灣的旅遊美食節目準備要來拍科記, 不過要趕著看牙齒來不及找主持拍照一定會再來試試科記的牛肉三文治還有豬扒包