青花 (THE FOREST)

位於旺角鬧市中的泰國菜，食物充滿特色。🪑可以揀坐室內定室外，室外環境清幽，不過夜晚有少少黑，冬天店舖於室外位置亦會放有暖爐唔怕太凍。室內燈光充足，同食物一齊打卡一流。📸💚藍蝶花蟹肉菠蘿炒飯個飯加入咗蝶豆花，令成個顏色變咗藍色，不過蝶豆花嘅味唔會遮過咗成個飯，容易入口。而且飯上面嘅蟹肉豐富，亦有好多配料，例如：肉鬆、腰果等。最好食就係側邊嘅菠蘿，美味燒過嘅菠蘿，入口好多汁。🍍💚炭燒牛肉串燒沙嗲（6串）每一串嘅肉粒都好大粒，每一啖既肉都好多汁好juicy，如果配埋沙嗲醬，味道更加濃郁，適合重口味人士。💚大蝦冬陰功(小)泰國菜必嗌冬陰功湯，有大量餡料，飲落酸酸的，辣味唔算太辣，就算唔係好食到辣嘅小編都可以飲到。仲配有大蝦，蝦肉亦都好大嚿。💚豬腩生菜包有別於日常食嘅生菜包，佢有粒粒分明嘅豬腩肉，每粒肉粒都肥美多汁，每次用生菜包住佢嘅時候，都會多到飛晒出嚟，份量亦很充足。💚龍鬚三色冰奶蓋超級特色飲品，俾佢面層唔同顏色嘅鬚鬚吸引到，食落去甜甜的，好有龍鬚糖嘅感覺，再配埋底下嘅三色冰，甜而不膩👍🏻。💚楊枝甘露奶蓋豐富嘅餡料，啖啖都充滿住果肉，係可以飲既甜品😋💚另外飲品推介：泰國奶茶

青花旺角奶路臣街17號THE FOREST 1樓107-108號舖味道評分:☄️(必食之選)>☀️>🌤>⛅️>💨☀️白冬蔭公-南薑椰奶雞湯（小）$86冬蔭公加梛奶🤣好神奇第一次見依個配搭，飲落味道係「酸酸尾尾」，先飲一碗好開胃，另外湯底有加入芫荽、芹菜，個人覺得幾獨特~☄️豬腩生菜包 $118焦香脆口的豬腩肉半肥半瘦，啱啱好，泰式醬汁係靈魂 👍🏻豬腩肉份量好多，我一片菜包4舊肉，兩個人食到飽左都未食曬🤣🤣☄️馬沙文香料牛肉咖喱 $128係我一試愛上的味道❤️屬於甜口果款咖喱，唔會辣，得少少辣粉調味~ 好嫩的牛肉，而且份量幾超多，咖喱入面仲有茄子、秋葵、薯仔、蓮藕片、腰果等等，好用心好足料👍🏻☄️油酥手抓薄餅 $52 一份有3個，中間有幾層的酥脆的薄餅，配咖喱一流，絕配！即叫即製，趁熱食更好食👍🏻☀️楊枝甘露奶蓋 $48清甜冇苦味，飲到最後都仲有料👍🏻真係難怪有咁多人飲啦😏☀️泰國奶茶奶凍 $68超濃郁的泰式奶茶味，奶凍口感非常順滑，主要甜味來自上面白色奶漿，完全唔洗擔心過甜~✅最後想讚下，餐廳上菜速度好快！

前幾晚去咗青花dinner 真係食得巧kai心🤩呢間專做泰菜嘅餐廳位於旺角The Forest 1樓 好方便😌環境用左好多植物 好似置身大自然咁舒服🌱而嗰度嘅菜式都好出色🦐泰式虎蝦金邊粉有兩大隻又鮮甜嘅虎蝦炒金邊粉 虎蝦煎得味道好香🤤搭配用左少少甜酸嘅調味炒金邊粉味道非常豐富 食得好過癮架 (記得唧埋粒青檸落去 信我 係精髓🍋)🥬馬拉盞炒芥蘭芥蘭炒得啱啱好 保持左蔬菜的脆嫩口感而且配上馬拉盞特有嘅香料 去左芥蘭本身面頭有嘅澀味👍🏻最重要嘅係佢唔辣 對於唔太中意辣嘅朋友嚟講都係一個唔錯嘅選擇🥬🐷豬腩生菜包 (特別推薦!!)邪惡嘅豬腩肉肉質豐腴多汁用脆生菜包住食 每一啖都好滿足 又唔會覺得膩搭配餐廳特製嘅醬料 味道更加突出 食唔停口飲品方面 試咗鮮熱情果梳打🍹果香四溢 清新又解渴真係太適合夏天飲另外泰國珍珠奶茶奶蓋都係另一個亮點🧋茶味濃郁 加上珍珠好煙韌唔知係咪錯覺 飲落仲有D朱古力味如果你想嚐試清新泰國美食又享受到輕鬆愉快嘅vibe 不妨去呢度一試😗