芽莊越式料理 (海港城)

Open Now

Now Closed

芽莊係一間裝修精緻嘅越南餐廳。樓底夠高而且有一邊全部係大玻璃窗，維港景色盡收眼簾。如果去食晚餐的話，對住無敵大海景，真係令食飯嘅氣氛大大提升。- 軟殼蟹青木瓜沙律🥗（$108）有一整隻軟殼蟹，外表炸得金黃鬆脆，內裹保持到鮮甜多汁。青木瓜沙律材料豐富，有青木瓜、紅蘿蔔、紫洋蔥、花生、香草同一片蝦片。可惜蝦片有啲硬，不過唔影響整個沙律嘅味道。調味醬汁酸辣惹味，非常開胃。不過唔食得太辣嘅朋友要留意，呢個沙律我覺得屬於中辣程度🌶- 越式炸春卷 🥢 （$90）春卷外皮有少許硬，餡料唔算好多，味道中規中矩。反而我喜歡旁邊有大量生菜同青瓜，可以夾住春卷一齊食，減低油炸嘅肥膩，仲唔會太熱氣。- 燒豬扒撈檬 🐷 （$88）豬扒富有香茅醃料嘅味道，炸得甘香。檬粉軟硬適中，無黏埋一嚿嚿。比起湯河粉，我更喜歡檬粉。因為可以加入特整嘅魚露，酸酸甜甜，而且仲有各款蔬菜絲，口感豐富。

成班女仔約埋一齊慶生，很難想像會選一間越南餐廳吧?但果一段時間唔知點解真係好想食越式春卷.......所以就讓朋友幫我找一下越南餐廳。本來也有考慮過灣仔和九龍塘的餐廳，但地理位置就沒有那麼方便(大家返工的地點都很不同)，所以最後還是選了尖沙咀。之前有去過太古城店，記得水準不俗，所以對它的味道都有信心。蕃茄蟹肉湯檬，新嘗試，對於追求健康飲食的姊妹們來說很好!有很多的蕃茄肉，不是只有蕃茄湯。生牛肉湯檬，牛肉很新鮮嫰滑，湯很濃郁。炸軟殼蟹卷，包了生荐，炸蝦夠彈牙新鮮，整體不過不失。魷魚餅，綠色的是勁辣醬汁，食到脷都痺埋架。上菜時都幾熱，魷魚味很香，入面包著的是豬肉和其他配料，口感幾特別。登登登登~~接著是我很想食的越式炸春卷~~~~ 味道和外層的春卷皮都是跟我在發夢時吃的一樣(笑)不過我覺得整體口感較為乾身，唔點醬就更加乾。有朋友說我浪費了自己的生日飯quota，應該選一間更好的，而不是連鎖的越南餐廳，哈哈哈。食完，都有點同意，因為食物方面的確有點普通(雖然都幾好食)，而且環境也不甚舒服。呢間舖喺環境方面最大的問題係嘈。不知道係因為海港城較多大陸遊客，還是本身餐廳設計上回音太大，總之成餐都

今晚嚟到海運呢度試新口味。响呢度入去轉左。男人揸機總係容易被誤會，全部望鏡頭。唔駛咁緊張望鏡頭嘅，寫吓食評啫。入面仲有好大地方，但我住出面，冇入去八卦。就快打烊至難得拍到咁少人。連個天花都整得好企理。我哋兩個人就坐响呢度。終於嚟到戲肉點菜環節，首先嚟個有圖有真相先。實物畀餐牌靚仔，包住菜食口感奇脆，可惜餡料未見突出，既食唔出餡入面有啲乜嘢，而唔知係乜嘢嘅時候，只要佢好味亦無問題，之但係除左爽脆之外，我諗唔到有咩原因下次要再食一次，粵式茶樓春卷會更吸引我。批曰：「一試無妨，再叫無謂。」嚟個河內生牛肉粉。粉爽有米香，湯底清甜，牛肉口感乃本地手切，牛味足，佐以九層塔、金不換、紫蘇、薄荷等同食，掂過碌蔗！批曰：「可一可再。」女友對串燒有興趣。見到餐牌上有張咁嘅圖，於是問經理係咪有拼盤（我前後檢視餐牌三次都只見圖，不見文，不見價），經理話有。又係實物靚仔過圖片。蝦好有蝦味，但由於燒過火少少，肉質呈現擦紙膠化。雞係非戰之罪，响活雞不足，且早就唔流行劏活雞做商業食材嘅年代，冰鮮雞同雪藏雞鮮味缺乏嘅原罪，只能夠响醃料上作出補救。牛過咗火，牛味夠，但係略見柴皮。最大鑊係個醬，個汁調到好難食，味度怪雞。雖