Video
Read full review
2015-02-07
2493 views
今晚嚟到海運呢度試新口味。响呢度入去轉左。男人揸機總係容易被誤會，全部望鏡頭。唔駛咁緊張望鏡頭嘅，寫吓食評啫。入面仲有好大地方，但我住出面，冇入去八卦。就快打烊至難得拍到咁少人。連個天花都整得好企理。我哋兩個人就坐响呢度。終於嚟到戲肉點菜環節，首先嚟個有圖有真相先。實物畀餐牌靚仔，包住菜食口感奇脆，可惜餡料未見突出，既食唔出餡入面有啲乜嘢，而唔知係乜嘢嘅時候，只要佢好味亦無問題，之但係除左爽脆之外，我諗唔到有咩原因下次要再食一次，粵式茶樓春卷會更吸引我。批曰：「一試無妨，再叫無謂。」嚟個河內生牛肉粉。粉爽有米香，湯底清甜，牛肉口感乃本地手切，牛味足，佐以九層塔、金不換、紫蘇、薄荷等同食，掂過碌蔗！批曰：「可一可再。」女友對串燒有興趣。見到餐牌上有張咁嘅圖，於是問經理係咪有拼盤（我前後檢視餐牌三次都只見圖，不見文，不見價），經理話有。又係實物靚仔過圖片。蝦好有蝦味，但由於燒過火少少，肉質呈現擦紙膠化。雞係非戰之罪，响活雞不足，且早就唔流行劏活雞做商業食材嘅年代，冰鮮雞同雪藏雞鮮味缺乏嘅原罪，只能夠响醃料上作出補救。牛過咗火，牛味夠，但係略見柴皮。最大鑊係個醬，個汁調到好難食，味度怪雞。雖
今晚嚟到海運呢度試新口味。
响呢度入去轉左。
男人揸機總係容易被誤會，全部望鏡頭。唔駛咁緊張望鏡頭嘅，寫吓食評啫。
入面仲有好大地方，但我住出面，冇入去八卦。
就快打烊至難得拍到咁少人。
連個天花都整得好企理。
我哋兩個人就坐响呢度。
終於嚟到戲肉點菜環節，首先嚟個有圖有真相先。
越式炸春卷
$60
90 views
0 likes
0 comments
嚟個河內生牛肉粉。
河內生牛肉粉
$58
124 views
0 likes
0 comments
河內生牛肉粉
$58
102 views
0 likes
0 comments
河內生牛肉粉
$58
108 views
0 likes
0 comments
女友對串燒有興趣。
見到餐牌上有張咁嘅圖，於是問經理係咪有拼盤（我前後檢視餐牌三次都只見圖，不見文，不見價），經理話有。
串燒拼盤
$190
70 views
0 likes
0 comments
最大鑊係個醬，個汁調到好難食，味度怪雞。
雖然呢三種食材本身都做得麻麻哋，但係此店值得一讚之處係你哋從圖片都也許已經發現咗：
配菜量多且新鮮！九層塔、金不換、紫蘇、薄荷、生菜，冇一樣唔掂！而我最欣賞係個薄荷，除咗响雲南山區食過香而不苦葉又嫩嘅新鮮薄荷之外，食勻全香港都冇食翻果隻新鮮度！
批曰：「三選一牛。」
畀大家睇睇配料。
越式熱咖啡
$38
111 views
0 likes
0 comments
女友評語：「呢隻咖啡味好陌生，煉奶味好淡。」
我評語：「佢係雀巢煉奶，唔係壽星公煉奶。」
批曰：「只此一次。」
埋單HKD381.00，笑臉只畀個生牛肉粉。
Other Info. :
個人認為嚟呢度係食菜同埋食粉嘅，其它嘢食都麻麻哋。串燒點拼盤會比散叫三款平少少。
(The above review is the personal opinion of a user which does not represent OpenRice's point of view.)
Post
