咖啡灣 (荃灣千色匯) (Closed)

甘岩係荃灣站交收，醒起依間之前經常要排隊既cafe難得星期六中午黎到都唔駛排，就梗係食啦由少女cafe 風變成依種混搭風因為仲行緊低醣我就叫左沙律軟殼蟹熱辣辣夠脆口，但沙律d 菜就唔太新鮮，無乜甜味但份量都ok, 價錢大約70~80, 野飲要補錢cappuccino 中等，但奶泡量係夠，但缺少咖啡香，同埋偏酸同苦老公叫左個lunch,食物都係一般～～反而凍榆茶有d 驚喜，以為西式都係唔夠茶味，但依個茶底反而夠味，不過係偏西茶風但都唔錯了～

雖然減緊肥 但真的忍不住食曬🙈叫咗個軟殼蟹沙律 唔錯🙈另外個漢堡真係不得了雞扒同啲芝士好夾成個包都好好食再清埋啲薯條 雖然有少少鹹但接受到🤣啲服務態度好好幫我哋加水位置舒服再加上係黃店😌😌超級推介

開App搵附近既餐廳，就膽粗粗試下呢間。以前成日行過以為唔平 所以一直冇入去試，但原來唔係太貴 啲野食又幾好味。啲甜品睇落好靚 好想試 但因為太飽食唔落 唯有下次再試，唔錯！一定會再來食

傳說中既咖啡灣，就算我唔食甜品都要黎試下，佢地有三間分店，今次黎左荃灣。八點幾到，唔洗點等位已經有得入，帶位的侍應非常好笑容，有壽星走果時佢仲大聲嗌生日快樂，好cheerful！門口已經有好多裝飾，入面貼滿memo，好多都畫得好靚。叫左個軟殼蟹沙律，有凱撒醬、黑醋、芝麻醬可以揀，我揀左凱撒醬。軟殼蟹上台仲暖暖地，炸得酥脆，有少少咸，配淡味的沙律幾match。沙律菜份量唔算多，菜無苦味，整體幾好食。

本來約咗朋友去睇電器產品，點知一出地鐵站就收到朋友通知話肚餓，所以約在千色等。 一出天橋就見到咖啡灣，講起幾年前係太和就已經想食 ，直至荃灣開分店，亦仍未有機會一嚐。而咁啱就係朋友都未食過，6點幾又唔使等位，所以入去坐低。一坐好就見到旁邊櫃枱上放有LEGO🎡摩天輪，可以邊食邊欣賞。紅豆綠茶泡沫 - 本來想點3眼仔LATTE可惜只有熱先有圖案，所以改為飲呢杯。紅豆不會太多同太甜，而且泡沫份量剛好，綠茶牛奶香滑少澀。菠蘿藍蝶花 - 據講藍蝶花好有益，再加上梳打，朋友話飲落冰爽。軟殼蟹沙律 配凱撒沙律醬 沙律醬可以自由揀凱撒/黑醋/芝麻醬～軟殼蟹炸到好香脆切開後發覺原來蟹肉都唔少，加上沙律食入口十分惹味。魷魚黑太子意粉 - 雖然原隻魷魚細粒，但非常爽口，除左魷魚外，入面仲有炸白飯魚仔同蘑菇，口感豐富滋味。紫薯雪榚窩夫 - 用甜品作結尾就最好不過，冇諗到入面用原粒紫薯作配料，比起其他餐廳用紫薯加糖攪成的紫薯蓉好很多 。窩夫硬度適中，再加上紫薯雪榚、粒粒棉花糖同星星脆粒，只可以講好邪惡呀!!!

和朋友到千色店逛街逛到累，想起千色店有一家地鋪經常有人排隊，中午或晚上都大排長龍。不過雖然多人等位，我們都不是等很久，可能跟餐廳有限1.5小時有關吧～還有店員工作超有效率的，轉一身桌子就擦好了這裡都不會很擠逼～唯一美中不足是這裡太多人吃要增設坐位一進來就看到這個logo城，很美....顏色還會轉的我記得這裡有每日新鮮海膽，限量20客。我來到時已售罄了這個菊花桂圓杞子茶很清優的味道，上來的時候已經是有味道和熱熱的了，不需要再等它滾熱這個炸過的軟殻蟹上來的時候熱熱的，把它切對半看到裡面有出煙的而且沙拉很新鮮！配著軟殻蟹吃我第一次，很好奇是會怎樣，結果真不錯👍這麼大的帶子有四個，一點都不吝嗇雖然這個是以香蒜作為主打味道，但是絕不會太濃，所以這個不會很油膩，反而愈吃愈開胃想再吃一碟這個甜點為我們的晚餐畫上完美句號。這樣吃到飽飽每人一百多，太滿足了

喺荃灣睇完中醫，去咗咖啡灣食埋晚飯先返屋企。好彩時間都算早，唔使等位；離開嗰陣已經八點半，出邊已經有幾檯客等緊，估唔到星期三都咁旺。的而且確食物質素係唔錯嘅。軟殼蟹可為呢間餐廳嘅名物，絕對值得一食。今次食咗軟殼蟹沙律(HKD88)，有三款醬汁可以揀：凱撒沙律/芝麻沙律/黑醋沙律，今晚揀咗芝麻。日式芝麻醬香味好夠，配埋香脆嘅煙肉粒，同沙律菜完全冇違和感。軟殼蟹係新鮮炸起，油炸嘅香脆同蔬菜爽脆，以及煙肉嘅卜卜脆好夾，係一試難忘。主菜揀咗墨魚汁帶子義大利麵(HKD98)。黑掹掹嘅墨汁意大利粉，配埋被染黑嘅帶子，賣相唔算特別吸引，但味道可口。食完當然成口污糟，如果同唔係好熟嘅朋友食飯，建議都唔好食呢碟呀，因為好容易出醜。飲品就試咗新品金莎朱古力拿鐵(HKD38)。朱古力味特別香滑，而且內有粒粒果仁，很有質感。味道令人覺得清新舒暢。上面的拉花就是一隻天鵝，大概與餐廳的英文名cafe swan有關。餐廳裝修很女性化，難怪所見食客都係女性為主。

今日路經荃灣，再次品嚐！！由於未到放工時間，所以唔駛等位，但如果過左7點鐘已經要等位喇！一行三人叫左忌廉白酒煮蜆，軟殼蟹沙律，溫泉蛋卡邦尼意粉，黑松露摩菇屋，焦糖雞翼同埋玫瑰窩夫樣樣野食都唔錯！值得再黎