Nunu燒 (Moved) New Location

近月週二晚喺老蘭多咗個舞場，不過九點就開波，XO仔一OT親晚飯即變得好趕，好似今個禮拜咁就只有半個幾鐘頭剩，所以就應舞友推介，喺附近一家串燒屋「Nunu燒」度食簡單啲，務求快速搞掂。小店一眼望哂，右方為廚房及吧位。左邊則為要搭枱式o既散座，全配上圓櫈仔。桌上擺有餐牌及自助餐具。小肥一枝公黎食，不用費神即諗好食兩款串燒加一客炸蠔。雖然未有點得太多食物，但樓面位哥哥仍極之客氣友善，個人覺得相當難得！廣島吉列蠔（$40/兩隻）：炸至金黃o既廣島吉列蠔皮層鬆化香脆，蠔隻不單熱辣辣，咬落更加係肥美嫩滑，鮮甜美味，而且仲爆哂汁添，！安格斯牛（$110/兩本）：半生熟o既串燒安格斯牛鬆軟多汁，惹味非常。軟骨雞棒（$80/兩本）：最精彩必選壓軸上場碟軟骨雞肉棒。隨兩串棒棒有一小碟碎蔥七味粉生雞蛋秘醬。細佬最愛攪野，當然係邊攪蛋黃鮮黃o既醬汁邊拍照留念啦！食軟骨雞肉棒前先黏上蛋黃秘醬。嘩，混入軟骨製成o既雞肉棒幼嫩得黎卜卜脆，外層被蛋黃秘醬包圍即倍添香滑，冇得頂呀！感激舞友好介紹，令XO仔可以舞前於老蘭「Nunu燒」快速輕食日式串燒小食作晚餐，善用時間又有好野食，仲要免收加一喎，掂呀！

落左咁多日雨，今日星期六放假終於好天lu ～更加難得既係，終於唔駛做宅女。今晚去中環參加朋友生日Party 。 悉心既打扮💄👠，連老豆都極為震驚🤭。去到中環，距離party time 時間尚早喔。 就去左搵野食醫肚先。-安和里依條街附近好多餐廳喔我搵左依間日式餐廳。因為實在太喜歡日本料理😍 而且餐牌選擇多，價錢唔算貴。一打開餐廳門，有點surprise。 牆上點了日本景點posters 及推介既菜式。餐廳細細間，環境裝修感覺像日本居酒屋🏮。一門之隔，像多啦A夢既隨意門，我從喧鬧既中環大街走到日本風情居酒屋。-🥁Chef Special ⭐️龍蝦沙律 $80天氣炎熱，這個時候最適合來一個清新既沙律菜冷盤。用上鮮甜既龍蝦肉，配上咸香濃稠滑溜既龍蝦明太子沙律醬👍🏻 -🥁NuNu 燒季節限定⭐️白鱔 $180 /2 ❗️一試難忘❗️本身十五十六，掙扎叫鰻魚飯定白鱔好呢最後叫左燒白鱔，因為唔多餐廳可以食到。燒鱔好考功夫呢。之前同朋友BBQ,知道燒鱔係一樣幾高難度既事不能太大火，否則很易燶，燶左唔好睇又唔好食，要超級有耐性喔。對我黎講，係做唔到既😁 職員說這份燒白鱔要每邊燒五分鍾，製作時間約25分鐘。 慢