The Point (Closed)

有一日同朋友行經登龍街，角落有間靚靚哋嘅餐廳，見到下午茶set都幾抵，$168二人用，咁我哋就入咗去試喇😛我哋4個人叫咗1個2人餐同1個1人餐，個2人餐入面有個芭菲🤓啱哂我依個鍾意食甜品嘅人😝個tea set都算多野揀，又有pizza，意粉，唔同嘅小食，如雞翼、意式肉丸咁，依個價我覺得算幾抵！個tea set黎嘅時候係好似人哋去酒店high tea用嗰啲3層架😂，佢除咗芭菲係另上外，其餘無論你叫嘅小食入面有冇甜品，佢都會同你放哂係個架入面😅不過賣相都ok嘅，唔影響視覺同味覺😅🤣最好食係個意粉，雖然忌廉汁，但唔會好溜好滯，份量都唔小，不俗！芭菲都唔錯，相信小朋友見到最開心，隔離枱啲小朋友見到個芭菲就已經眼甘甘望住，相當可愛😆之後仲即刻叫咗😂😂😂不過大人就可能覺得佢太多cream😂好有罪惡感🤣Anyway,嘢食同賣相都ok，不過店員塊面就有啲黑🙄我覺得佢可以笑返下會好啲囉...

午餐行過登龍街轉角，俾一間大玻璃窗既餐廳吸引，侍應上次介紹，是日午餐就此落腳。餐廳裝修四正，典型最近興起既吊燈水泥牆，向上一望招牌正正要90度向天花望。店內有一大火爐，即叫即焗，看罷令人飢腸轆轆，馬上點菜。沒有午餐，只送沙律或湯，對於打工仔黎講算貴。餐湯味道跟金寶沒兩樣，有點失望。和牛貝殼粉乃侍應推介，賣相都幾吸引。和牛共有五件，亦算大件。嚐一口貝殼粉，醬汁似是紅酒汁，偏濃味，口感不錯，外淋內裡還帶點硬身，跟意粉的al dente 相似。和牛件淋身，入口味濃無渣，有少少較肥位置令入口更香更滑身。［辣肉腸Pizza]雙色辣肉腸圍繞薄餅，中央是芝士，賣相不錯。辣腸鹹味夠而且不是濫用鹽製的鹹，帶肉腸香味。餅底夠脆，算夠薄。芝士夠多夠軟可拉開。［four cheese]芝士香氣十足，先聞到羊奶芝士香氣，餅底是脆，應該是芝士呈固體時，和餅底一口焗製，令餅底受熱夠和香脆，不至芝士把餅底弄軟。中午來講，每人消費$130，而食味份量和質量都有改進空間。

食過第一次 已經想再去第二次裝修佈置好有格局，兩個人安排坐細嘅二人枱，由於餐廳用嘅碟都算大，基本上叫三樣野 再加埋野飲，已經冇乜空位。不過食物質素真係會令你俾個讚佢，最好就係佢有啤酒 紅酒 白酒 cocktail供應，因為我份人係缺酒不可。。。。牛油什箘，唔乾身亦都冇苦味，吊下口癮嘅前菜，細細份 不過又岩岩好喎，始終茹類都係會有飽肚感。煙三文魚沙津，本身淨係叫ceaser salad，但見餐牌話加錢要個topping 煙三文魚or ham，果然冇揀錯，三舊煙三文魚都大大舊，咸度適中 幾新鮮。辣肉腸pizza，餅底唔係厚 但又未去到薄脆個隻，真心好食，好多汁 芝士溶得好好，辣肉腸個味咸咸辣辣 加埋佢d調味 真係飽都繼續食，配料另外仲有火腿粟米，兩個女人最後真係食哂成個批！個位就係咁啦，仲未放野飲我唔抗拒再去食第二次