Pain Perdu salon de thé (Closed)

新開既甜品店由法國藍帶廚師主理雪糕買一送一🍦 28蚊同全單八折呀白色係牛乳🐄乳酪雪糕粉紅色係紅莓味牛乳🐄食落口感個冰感味濃而紅莓就比較幼滑同質地厚實d中間有蜜糖脆脆食落又無咁寡呢間甜品店仲有法式toast迷迭的麵包面包外皮脆，咬落好煙韌係用左法式長面包整到似樹頭包既口感上面仲有雪糕一冷一熱，冰火交融！而雪糕隔黎既係硬脆糖雪糕面仲加上蜜糖叫set會有杯野飲，叫左紫羅蘭之戀花味好香食完甜品當然要飲下茶消滯除左甜點仲有咸點嫁

沒有必要事本人是少出旺角，約人在旺角等活動可謂絕無有，人多車多真係心都煩呀！約左做面早左成個鐘，就搵少少野食，行過黑布街尾見到呢間小店幾特別，而且新張有八折兼無咩客人，最適合我避世。店子不大，只有大概十個座位，小店由外到內都營造到好似法式小店的感覺。小盤栽同櫥窗的人手繪圖感覺優閒，而店長介紹大廚是藍帶畢業的，為求帶出法式味道！聽完介紹令我好期待有什麼好吃！簡易的餐牌只有十幾款法式多士，咸甜均有，另外仲有乳酪雪糕及飲品以供選擇～而法文店名 Pain Perdu 是「迷失」的意思，所以這法式多士就命名為迷失的麵包。我點了一咸一甜，芝士三重奏($50)咸食的是用比較小的法包，一客兩小件會跟沙律。沙律菜好靚仔唔係爛菜一堆!以木盤上枱感覺都幾靚仔，烘脆身的多士上面舖左用三種不同的芝士做的餡，芝士香十足，三文魚都大件而且多士口感不會好硬。另外點了招牌原味迷失的麵包($35)，用比較大件的多士放著雪糕及忌廉，上面再淋上蜜糖，蜜糖不死甜好味道，唯自家製牛奶雪糕有少量冰感易溶，所以多士俾雪糕浸淋左少少。有點小失望吧！小店尚在試業中，一切都是在試行中，應該有很多改善位，期望下次再來多士同雪糕都會有明顯的改

尼間新開無幾耐嘅小店，主打多款法式多士，有鹹亦有甜。原來店名Pain Perdu係有「迷失」的意思，所以法式多士就命名為迷失的麵包。店舖由外到內都營造到好似法國小店的感覺。廚窗上有法國藝術繪圖，掛牆裝飾亦幾特別！眼見menu迷失的麵包甜食有7款(原味、肉桂焦糖、蘋果、士多啤梨、蜜瓜、芒果、雜莓)，鹹食就有4款(煙三文魚、火腿、白菌、芝士三重奏)。甜食感覺上較有吸引力叫咗其中兩款甜食，原味同肉桂焦糖味。 多士唔算好大塊，就係一片厚切法包。多士圍邊香脆，中間位置相對較淋，上面配有自家製牛乳雪糕及忌廉各一球。原味係配蜜糖sauce，另一款當然係配焦糖sauce加肉桂粉。牛乳雪糕有啲icy嘅，不過奶味還算可以，若果口感creamy啲會更好。