Friday Bar & Restaurant

Open Now

Now Closed

唱K燒烤飲酒集於一身🍻尖沙咀抵玩樓上酒吧Happy Friday🍻終於又到咗星期五啦！推薦大家去一間又有得包場唱k玩飛鏢、又可以及燒烤、飲酒同食串燒嘅地方‼️Friday Bar & Restaurant 喺尖沙咀K11 Arts Mall對面嘅BCC Building上面，地點非常方便👍🏻酒吧個埸好大，有室內同室外，室外可以燒烤，室內有幾間private卡啦OK房俾人唱K。其實室內場common area出面都可以唱K，但就會其他客人都聽到，我就細細聲唱吓就算🫢室內仲有3個飛鏢場，大家可以隨便去玩！ 酒吧內有好多配酒一流嘅串燒小食，全部CP值都好高，十分推薦大家一大班朋友去happy Friday chill吓，飲酒唱歌 值得一提係佢哋仲有任飲任食3小時嘅自助燒烤，每位都係$238起，詳情可以睇圖，我下次都一定會encore試吓自助燒烤😋 晚市正價餐牌🍽人均：$150-$200🕰時間：⭕️walk in ，如果要包場/包房唱K就要提早book定啦👍🏻 🍻Carlsberg Smooth Draught $88🍻Guinness Draught Stout $78啤酒水準正常發揮，出得夠快

📌 Friday Bar & Restaurant📍 尖沙咀加拿分道25-31號國際商業信貸銀行大廈14樓☎️ 66202038★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*約咗朋友去尖沙咀飲嘢，撞手神俾我搵到間樓上酒吧，食完都好滿意。酒吧位於河內道K11 對面嘅商業大廈14樓，同地鐵站出口只係相隔十幾步路程，方便得黎私隱度亦高。餐廳環境闊落，空間感十足，門口置有三部飛鏢機🎯，Open area 有幾set大型梳化俾成班朋友坐埋玩下骰盅，唱K大展歌喉，飲飲食食。另外亦有幾間唔同大細嘅party room可以包房搞私人派對。酒吧用QR code 落單，食物種類繁多，小食、扒類、串燒等等應有盡有。另外仲可以選擇BBQ 自助餐添。💫避風塘魷魚鬚（$98）魷魚鬚🦑炸得乾身爽口，外脆內軟，避風塘風味濃，每一口都有炸蒜香。雖然只係叫咗小辣，不過辣度有勁，好惹味！配啤酒🍻啱晒！💫法式豬鞍架（$128）豬鞍架火候掌握到位，肉質細緻嫩滑啖啖肉。配埋泰式汁，將豬鞍架味道進一步提升。💫特色骰仔午餐肉（$68）午餐肉炸得好脆又香口，一口一粒好易食，一路傾

隱身於尖沙咀鬧市核心地段，最近又有一間酒吧餐廳Friday Bar & Restaurant新開張。樓上酒吧空間感十足，地方寬敞舒適不侷促，最適合與一大班朋友聚會。餐廳有包場服務，可唱K及燒烤，場內設有飛鏢機和點唱機，有得玩又有得食。由於餐廳以酒吧批註營運，因此顧客入場前須提供快測陰性證明。餐牌主打多款小食、串燒、炸物、扒類等，款式多不勝數。食物款式齊全多樣，再加上自在氣氛，Happy Hour也可以和三五知己來這裡chill out~法式豬鞍架 $128預先被切割成一片片，女士們進食時亦可以保住儀態，選配酸辣泰式汁，惹味醒胃之餘也不會搶去肉香。平時食到的煎豬扒通常都是又韌又乾，但這裡的厚切豬鞍火候控制得精準，肉質鬆軟，保持豐腴的肉汁。碳燒雞扒 $68即叫即燒，熱辣辣上桌，無骨雞扒啖啖肉，雞皮薄如蟬翼，散發陣陣炭火焦香。燒烤期間把雞扒油份迫出，變得肉汁豐富。肉質嫩滑不鞋口。碳燒雞泡魚 $98雞泡魚乾燒得微焦，質地煙煙韌韌甚具咬口，味道鮮甜而不腥。避風塘魷魚鬚 $98一上枱已是蒜香撲鼻，魷魚鬚被份量澎湃壯觀的炒蒜徹底覆蓋。外皮炸至鬆脆酥香，沾滿爆香了的蒜末、紅椒粒和椒鹽粉，鹹香微辣，魷魚

又食串燒喇!😋一入到去，侍應就安排大大張直角梳化位俾我地兩個人，心諗幾正喎，兩個人坐緊6~8人位，夠晒寬敞舒服。不過坐低後睇清楚個場，原來全場就只有4個大直角梳化，好彩今晚人唔多，如果唔係我地就要轉場啦。但坐多一陣，就聽到有人唱K，原來Bar嘅設計係圍邊設置多個獨立房間，坐位其實唔只眼見嘅4張直角梳化。呢個場嘅設計都幾好，如果多幾個人，就可以自己一班friends包房唱K，唔錯!掃QR code落單，夠晒簡單方便，食物種類都唔算少，望落價錢，以尖沙咀區嚟講，絕對合理可接受，搞到有好多嘢都想食，可惜胃得兩個，忍忍手之下都叫左6, 7樣嘢食😅。喺落單期間，發覺原來呢度仲有BBQ自助餐，諗吓都覺得正，室內、涼住冷氣燒嘢食?! 今日唔玩BBQ住，都係叫嘢食先🥩黑椒牛排 ($78) 呢個一定唔可以唔叫，尤其係如果鍾意食牛扒嘅。牛扒燒得好靚，5~7成熟，牛扒外面有燒烤格格紋，內裡肉嫩粉紅，入口軟腍。🍗雞腿肉3串 ($68) 燒汁味甜甜地，雞肉幾滑。🍆重慶燒茄子 ($68) 完全係渝菜嘅麻辣重口味，喜歡食辣嘅應該都會喜歡這個。題外話，落單點食物時，除了揀食物之外，仲可以揀味道、辣度、醬汁，唔係千篇一