稚

Open Now

Now Closed

今日爸爸放假要出元朗整野，經過見到有間吾起眼👀既餐廳“稚”，過左飯市時間所以好快有位。午餐有好幾款吾同😋既定食，每分定食都有前菜，煎茶，味噌湯和珍珠米，珍珠米可以加$10轉貓飯，烏冬，茶漬飯，小店真係買少見少，真係要好好支持💪一下。🌈招牌蒲燒鰻魚定食鰻魚原條夠大條，上面淋有鰻魚汁，食落去吾會有骨，我加咗錢轉貓飯，飯上面會有紫菜，木魚花，日本醬汁，牛油，真係好抵食👍。🌈香煎和牛漢堡扒定食漢堡扒有照燒和日式咖哩汁兩個選擇，爸爸揀左照燒汁，另外加咗$10轉烏冬，上面都舖左滿滿既紫菜。🌈酥炸生蠔每一次見到生蠔爸爸都好想食，炸到外面非常脆口，入面蠔既size好夠大隻，爸爸食到好滿足😚。📍稚📌元朗俊賢坊18號權益大樓地下3號舖#稚 #日本菜 #元朗 #香港食好嘢 #元朗餐廳 #元朗食好嘢 #元朗必食 #元朗好去處 #元朗美食地圖 #餐廳推介#假日好去處 #ilovefood #hkfood #美食推介 #美食日記 #親子kol #hkkol #blogger #親子 #全職媽媽 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶

🙋🏻‍♂️餓底探員今晚去咗元朗調查呢間日式小店，佢主要係食定食，價錢親民，性格比非常高，不論係前菜，湯，主食都好用心去整，睇得出小店嘅誠意，有機會會再嚟試埋其他定食🐟招牌蒲燒鰻魚 $76 (升級定食+$30)📸表示個鰻魚份量有半條或者原條選擇，呢個係半條份量，旁邊仲有胡麻醬沙律同玉子等配菜，升級做定食仲有前菜，味噌湯，珍珠米同煎茶🙋🏻‍♂️表示個鰻魚肉質肥美，燒得好香口，珍珠米加咗飯素，前菜係關東煮，大根食落軟腍，味道鮮甜，味噌湯入面有幾隻蜆，成個定食好豐富🐟西京燒比目魚 $86 (升級定食+$30)📸表示個比目魚有兩大嚿，同樣有胡麻醬沙律同玉子等配菜，升級做定食嘅食物都一樣🙋🏻‍♂️表示個比目魚層皮燒得香脆，食落口感嫩滑，就咁點沙律醬或者餸飯食味道都好正🦪酥炸生蠔 $48📸表示個生蠔有4件，炸到金黃色，配上沙律醬同椰菜絲，睇見都流晒口水🙋🏻‍♂️表示個生蠔外層炸得好酥脆，內層鮮甜嫩滑，夠晒juicy，餓底推介呢個生蠔係必食嘅📈吃貨指數😋好味度 9/10🔙返啅度 9/10

元朗唔係好熟路朋友帶左我黎呢間日式小店 雖然細細間但又幾好喎呢動裝修用左動漫做主題 牆上有好大幅由唔同動浸角色組成既畫 超型 仲播住日本動漫既歌曲動漫迷一定好中意呢個環境!!🤩食物方面 我地兩個人都叫左幾多野食 份份都好大份講左主食先🐟招牌蒲燒鰻魚 跟定食 (前菜、漬物、煎茶、味噌湯、珍珠米)前菜同漬物分別係帶子裙邊、山藥、黃瓜值得讚既係帶子裙邊 好甜美個味噌湯好有誠意 裡面有幾隻蜆架😋鰻魚都幾大條 燒得岩岩好 個皮唔會燶左 連埋食先正架嘛🍳厚燒玉子真係好厚😂 同埋個蛋好甜 蛋味都叫香 加埋面頭煎到小燶 唔錯🐡味淋魚干魚干都幾大塊啊 又係燒得岩岩好唔會太乾太硬 口感幾好 點埋個沙律醬真係食唔停口架😋🐗熊本和牛串細細間餐廳都有和牛食 仲要幾平 有兩串喎仲要咁多粒喎食落口感好軟 脂肪均勻 唧D檸檬汁落去就唔會膩🦪酥炸生蠔又係抵食之選 4粒都大大粒每粒蠔炸完都仲好juicy差D想食曬咁多粒🤣總括黎講食物真係性價比好高 雖然平平地 但質素比得上出面中價既餐廳有機會黎元朗會再試下其他唔同食物😋

依間小店都幾多好評 位置都好方便係朗屏站行過去唔洗十分鐘就到————————————-招牌蒲燒鰻魚(半條）鰻魚就係冰鮮鰻魚唔意外 肉身有啲韌 鰻魚汁好咸 我加多三十蚊轉套餐 配菜既味做得幾好 麻醬凍豆腐好滑 轉套餐我覺得都幾抵🙋🏻‍♀️————————————蟹膏蜆肉炒飯本身好期待既一款主食 上菜時聞到好香 但食落就唔係好夠味 飯炒得夠乾身但蟹膏醬好淡 有點失望————————————酥炸生蠔生蠔唔腥既 表現ok $38黎講我覺得好食過出面放題————————————總結價錢唔算貴但成餐飯我又無覺得邊樣野係特別好食 無其他人講到咁值得必試 試一算就夠啦🙋🏻‍♀️

🍻 啤酒🐷食評 🍖 💁🏻‍♀️｜稚｜💁🏻‍♂️稚·時間過得好快，突然就畢業，突然就出黎社會做野，突然就變得成熟，少左份稚氣。成熟左，係好事黎，但多少都會掛住細細個既自己，單純簡單小編幾中意呢間餐廳個名😌入到去發現，雖然間鋪偏細，座位唔多，但都幾有人氣，好彩早左一步黎到，唔洗排咁耐隊，而呢到既野食都唔錯，晏就仲有午市套餐，價錢都算抵食·—·—·—·—·—·—·—·—·—·—·#🍻🍖 質素：🍡章魚小丸子｜$42熱辣辣既小丸子食落唔厚粉，入面既章魚都幾有咬口😋配埋面頭既紫菜·木魚·燒汁一齊食，味道好濃郁✨評分：7 / 10 分🥠流心芝士年糕｜$28芝士年糕既表面整得幾脆🤭咬落係外脆內軟既感覺，入面既芝士都好香，年糕又煙煙韌韌咁，幾好食✨評分：8 / 10 分🦪酥炸生蠔｜$38炸生蠔食落幾鬆脆，但唔會覺得好油，味道正正常常，都冇乜腥味😌✨評分：6.5 / 10 分🍱午市定食，跟餐有｜前菜·煎茶·味噌湯·珍珠米｜🍱汁煮豬軟骨定食｜$68轉 茶漬飯｜+ $10呢到既豬軟骨煮得好冧身，肥瘦適中🤤豬肉索曬啲醬汁，味道香濃得黎又唔會太咸幾欣賞個茶漬飯既茶底幾清香，本身茶漬同木魚都已經帶咸，配埋個茶湯一齊食就

行完山已經好攰 ⛰翻元朗就隨便睇睇有咩好食有時路過稚都見有好多人等位今次時間可能比較晏 無咩人等位於是就入去食咯🤤唔好睇佢門面好細 其實裏面都大 重有個半開放式廚房 有時候都可以睇到廚師煮野😂佢地用好多唔同既漫畫做裝飾而且又會播d漫畫主題曲有時聽到岩自己既歌 又會諗起兒時回憶我叫既係汁煮豬軟骨首先一黎到好興奮🥰色香味俱全，有肉有蔬菜🥬豬軟骨勁軟，筷子都可以夾爛d肉，就知有幾淋啦重要舊肉係吸左d汁 佢個汁真係好入味，肉既分量都多 多到每啖飯都可以配肉，而且肥瘦均勻 啖啖骨膠原😋吉列豬扒和風紫菜豬扒炸到皮簿 外脆內軟，肉質鮮嫩，最主要佢係炸得乾身，唔係油淋淋，沾燒汁醬食一流酸酸地，夠開胃佢每份主食都配有一份涼拌同味增湯我幾鍾意食佢既海蜇絲同共菜佢既辣好特別味增湯多菇同豆腐真係正我地重叫左分小食酥炸生蠔🦪埋相好靚炸到金黃色粒粒生蠔大大粒 粒粒都漲卜卜咬落去有汁落出黎 好彩我地放左陣先食 唔係就熱到咀食落無生蠔既腥味 反而帶有鮮甜味 真心好欣賞佢d炸物 炸粉小 所以做到皮簿睇得出佢著重食物既本質👍👍👍

朋友新屋入伙今日去左佢屋企參觀，佢話之前搞裝修果陣發掘左呢間高水準既日本菜舖頭仔想帶我試下，但由於座位唔多所以我地六點鐘就去食～晚市未開已經有幾個人係度等佢開門😮我叫咗半條招牌鰻魚定食，朋友叫左汁煮豬軟骨定食轉貓飯加小食酥炸生蠔同埋流心芝士年糕～鰻魚燒得好靚，鰻魚汁甜甜地唔會“漏”送飯一流👍豬軟骨無論係啲肉定軟骨都好淋好入味，朋友話貓飯口感豐富啲同香啲～我本身唔係特別中意生蠔，但朋友話呢間既生蠔我一定要試下😅 外面炸得勁香脆但唔油膩，裡面唔係好覺有我唔中意既腥味，確實係唔錯👍 (我諗唔係特別喜好某樣食物而最容易接受佢既方法就係炸左佢黎食😂)芝士年糕裡面係好濃郁既忌廉芝士，朋友食得勁滋味🙈小店製作比較仔細認真，值得支持👏

最近對於一個字既餐廳情有獨鍾，覺得好型😆稚處於一片鬧市之中，店面簡單樸素，給人一種隱世小店的感覺，沒有吸晴的店面裝飾，令人充滿期待。平日收工到來已經9點，好彩仲有得食😁menu價錢十分吸引，主食40-50元，小食20-40元。於是點了一人一個主食，加多20便有定食。再加一客酥炸生蠔😍咖喱吉列豬扒炸得金黃，外脆內軟，仲有肉汁油脂，炸粉唔厚，剛剛好👍🏻 至於咖喱飯，上菜時已於飯上淋上咖哩汁，平時食最怕唔夠汁餸飯，呢碗咖哩飯每啖飯都有足夠咖哩汁。浦燒鰻魚定食，因為轉左貓飯，所以就咁食個飯都有味，侍應仲提醒要趁熱撈勻食先好味，果然冇推介錯~ 一定要講下條鰻魚，燒得肉質好林，基本上唔使點咀嚼已經喺個口入面溶化，有日本小店先食到既風味炸蠔係即炸，炸得剛好，充滿蠔鮮味，可惜得兩粒，下次要叫兩客先得😋

吃過很多次的小店，店員態度友善，不會呼呼喝喝，食物好吃，價錢亦合理，值得推介。平日等待時間半小時至四十五分鐘左右，碰巧今天早去所以不用等位。食物方面，顧客可轉定食或獨立叫一道小菜，隨自己的胃口叫便可。味道可參考照片部分•貓飯牛油味很香，味噌湯味道沒有過淡過鹹的問題。•生蠔新鮮，沒有腥味。外皮脆，入面不會只有粉漿的感覺，老少咸宜的小吃。蛋不老，咬下去像蛋糕一樣，反而像甜品多過小吃，每次必叫。豚肉質感不硬，薑汁味濃郁。鰻魚燒得不老，吃下去很好吃，再加上醬汁配搭，是難得一見的和食。椰菜吸收了蒜蓉汁後變得更香，與飯一起吃感覺很襯。•第一次打食評，打得不好的地方請原諒小妹。🙏🏼

今日賴生個死黨黎搵賴生食lunch! 因為佢朋友本身係鰻魚迷，所以賴生帶左佢黎「稚」食Lunch!門口既裝修已經好有和式既風格，主要用木做主題，所以望落好舒服，而門口望入去都已經知道係間小店黎嫁啦！一入去，你就會望到其實得6-7張2人枱咁既，當然佢會因應你人數而拍枱/分開啦！而且一入門口就好香嫁啦！因為係open kitchen，但小小既廚房，有3個廚師！另外加1個樓面！不過食呢間野，最好帶住悠閒既心情，因為佢每樣野都新鮮整，所以要d時間嫁！咁睇完個menu之後，我地2個人分別叫左：1）蒲燒鰻魚定食 $72 轉貓飯+$10 （5星）- 定食有 蒲燒鰻魚、珍珠飯，麵豉湯同茶- 蒲燒鰻魚好正！面果層燒到有小小燶，帶丁點脆！而魚肉好煙Un! 個蒲汁勁香勁入味！正！- 貓飯！味道好特別！有牛油既油香+秘製醬油，面果度再加紫菜同木魚！一流！嫌佢細碗唔夠喉！呢10蚊值得加！- 麵豉湯好足料，有冬菇同海帶- 飲埋杯茶岩岩好2）和風牛肉定食 $46 轉貓飯+$10 （4星）- 和風牛肉好多好大塊！ 1碟有6塊左右！每塊都成條煙肉咁大！唔錯！好滿足！味道就好住家feel，偏甜既帶輕輕既牛肉味，但冇吉野家