越華會海鮮小館 (Moved) New Location

多謝兩位姊妹精心安排一早訂位，令我擦一餐豐富美食。  八點鐘準時到達等咗一陣上一輪枱埋完單即安排入坐，待應好爽手。 大家已揀好心頭好馬上點菜，轉眼新鮮熱辣嘅食物陸續送上。椒鹽豆腐： 麵醬夠薄炸得脆口椒鹽入味，裡面豆腐非常嫩滑又有豆香。辣蟹蒜豉汁蒸鱔：原以為會較濃味，原來整體豆豉、蒜都唔算重無蓋過鱔味。鱔都新鮮不過略嫌細條唔夠肥美 。豉椒炒聖子：當點菜時待應解釋來貨屬中size, 所以原先$48/隻變為$38/隻。雖然無聖子皇咁大隻但肉質爽滑鮮甜，而豉汁調較得惹味。避風塘辣蟹: 呢個餸係我指定要叫，因為想食剌激啲嘅味道，叫咗小辣。蟹有大、中、細三個價錢，細為$580一隻足夠三-四人份量。賣相吸引炸蒜堆成小山蟹蓋放上面，精粹係裡面青綠色嘅葱段索滿炸蒜味。蟹肉雪白鮮味，蟹蓋內有軟身蟹膏，蟹鉗巨大肉飽滿。炸蒜好味不停夾嚟食，選小辣又見唔到辣椒點知越食越覺辣口，應該加咗大量黑椒。埋單時待應提醒可打包辣蟹炸返屋企作炒餸調味或晒上食物面，果然夠細心。酥炸生蠔：蠔中型大小非常肥美爆汁唔會過漏，單睇外面炸醬好似好厚但咬落極其鬆化好輕身，連埋蠔一齊食口感豐富，一碟有五隻上枱連埋一瓶椒鹽自己加。整體食物美道

一行四人去食晚餐，姐姐建議去銅鑼灣越華會。其實我一早已經想去試吓。我哋叫咗……炸豆腐~外面脆，但內裡超滑呀！酥炸生蠔~外面層脆漿又鬆又脆，隻蠔又大又肥美，啲肉又嫩。食一隻已經滿足了。蝦多士~金黃又脆，不過隻蝦雖然彈牙，但就唔夠蝦味。芝士焗西蘭花~不過不失啦。炸乳鴿~肉地又嫩又香。魚湯浸蜆~胡椒多了一點，有點辣。本應仲想食蟹粉兩面黃和豉油皇炒麵，但太飽了，只好留番下次再食過。