唯一麵家

Open Now

Now Closed

唯一麵家荃灣青山公路荃灣段210號富華中心1樓2A舖自己本身都好鐘意食上海嘢既，今日出開黎荃灣見到呢間唯一麵家好似唔錯，所以就入黎試下餐廳好方便係正荃灣地鐵站既對面，行過黎只需要1分鐘除左廚房之外，係餐廳既近門口位置有個角落，見到員工係到包餃子同埋煎餡餅，感覺好新鮮即製，正呀見到餐牌入面選擇都幾多，而且價錢唔算太貴都好親民，值得一試首推一定係呢個北京餡餅，上到檯仲熱辣辣，而且餅入面既肉碎同葱加埋好惹味，本身自己對於葱麻麻地既都會覺得好正 酸辣淨雲吞--- 一次過滿足曬兩個願望，又可以飲到酸辣湯又食到雲吞D雲吞真係好足料大大隻，一碗有成8隻，真係好豐富呀上海粗炒--- 呢個都算炒得唔錯，好怕有啲餐廳會炒得好油膩，好彩呢度完全冇呢個感覺，不過不失啦 最後同埋都凍豆漿非常滿足

🎐熊妹同𡃁妹行完山，消耗左好多體力，真係好肚餓，絕對係覓食的時候。📌落到荃灣，行完山又唔想食西餐，熊妹記得《唯一麵家》係一家食上海小吃幾出名的小店，就帶著𡃁妹黎醫醫肚喇。📌7點半🕢黎到，店鋪唔算大，客量還好，未算好爆。📌餐牌簡而清，一般大路上海菜都有：菜飯、湯麵、小食、粗炒等，不嬲熊妹都幾鐘意食上海菜。北京煎餃（3隻），$14先點啲小吃醫肚，招牌菜煎餃🥟一定岩食。可能因為招牌菜所以期望過高，熊妹有點失望。第一啖放入口，感覺餃子有點放涼了，香口野真係要即煎即食先夠香脆熱辣，而且涼了更失去了口感。肉饀味道還可，沒有特別，可能因為涼了，都沒有爆出任何肉汁。餃皮略嫌有點過厚，淡淡的一團澱粉質，難以入口。北京餡餅，$16一件餡餅一開四，方便進食。肉餡同煎餃的係一樣，所以味道沒有驚喜。餅皮厚厚的，沒有肉汁，口感就係同煎餃一樣。酸辣淨雲吞，$50熊妹食上海菜必吃的酸辣湯加雲吞！真係有啲失望☹️，雲吞竟然都係煎餃個隻餃，一樣勁厚的餃皮，一樣味道的餡料，雖然份量都幾多，有8隻，大大粒，但同一樣的食物咁多真係有點吃不消。酸辣湯味道還不錯！蒜蓉辣椒醬都夠的，差少少酸味，要自行加醋調味。湯底幾足料，啖啖都食到雲

尋日(17-12-2016 Sat)同老公跟團去半地遊前食早餐,由於有啲趕,老公話o黎呢間食,OK.我好快決定要$18.00o既南瓜咸骨粥同$12.00o既炒麵,老公要$46.00o既酸辣淨雲吞,好快,我o個兩樣o野都到齊,即刻問動喇.橙色o既南瓜咸骨粥味道偏甜,排骨唔鹹.味道: 2.8分炒麵同樣大大碟,唔太鹹,麵質腍.味道: 3分老公o既酸辣淨雲吞好耐至到,大大粒o既雲吞同樣有十粒,而酸辣味其實係加酸辣料菬淨雲吞o度, 酸辣湯料有木耳絲,筍絲,豆腐同冬菇,酸酸辣辣幾開胃,不過我唔食得多,試兩啖就俾返公食.味道: 3分老公話要飲豆漿,佢就叫一杯熱o既啦,點知亞姐俾o左兩杯,唉!是但啦,唔斟都斟o左,要埋佢啦,今次豆漿甜o左啲.味道: 2.8分服務:叫完o野食,亞姐自動俾個碗仔我o地share食.