阿鴻小吃 (Moved) New Location

連續五年榮獲米芝蓮一星食府的美譽，在商業大廈林立的觀塘區 - 阿鴻小吃。今次一口氣盡嚐各款招牌菜，包括：鹵水鵝片（例牌）$218、素鵝$68、南乳粗齋$78、招牌撈麵$78、迷你金絲蠔餅$78、蠔仔粥$68、芥末雞腳筋$78、醉香鴨舌$80。😚所謂力不到不為財，當天也見老闆在店內打點。相信此為保證出爐品質的原因。小店以卡坐為主，不甚寬躺，如果好似我們那樣叫菜，枱面未免太逼夾了。店內有兩間宴客廳房，一至兩圍也可。食物不純為傳統潮式菜，但確實用心及味美。一碗蠔粥窩心暖胃，鵝肉鬆化軟熟，蠔餅料足甘香，素鵝豆香味濃，南乳粗齋也喜見味美出色，招牌撈麵乾身入味。獨欠潮式糖水甜品。不要期望傳統打冷或高級潮菜，這個價錢及品質已經係喜出望外。😋🌟

係觀塘又唔想食APM，所以就行入工業區搵下野食⋯⋯點知比我地發現呢度有間阿鴻小吃，自從北角果間分店執左之後都好耐無食，所以今日一定要入去回味下！餐牌入面既卥味樣樣都好吸引呀！！！所以我地索性叫個卥水拼盤，我地拼左鵝件、鵝掌同墨魚（碟底會附送一舊卥水豆腐）阿鴻個卥水好正，卥水好味非常入味，無得頂呀！南乳粗齋都係必點既菜色，每一樣餸都好夠南乳味，用黎送飯係一流！！蒜香雞飯非常之有驚喜，雞既肉質好"林"，加埋D蒜係上面，好好味呀～醉香鴨舌，肉質同樣好"林"同入味，不過價錢略嫌貴⋯⋯最後加多個蔡瀾撈麵，我個人對呢個撈麵比較失望，本身諗住佢係阿鴻既招牌菜所以有一定既期望，但食落口原來有好大陣我唔中意既蔥味，而且好油（因為係用豬油烹調），呢兩樣元素都唔岩我口味

早在朋友間聽聞阿鴻小吃質素高食材用心之作，是日特意跟家人品嚐。觀塘分店位於鴻圖道地點很不就腳，需由APM商場步行約20分鐘。早訂了位不用等，進店後感覺用餐環境不錯，由於食客陸續開始多，氣氛熱鬧但不失溫馨。今晚一行六人，由媽媽發板點菜，包括半隻滷水鵝，一碟滷水豬大腸，一碟醉香鴨舌，一碟滷水鵝掌，一碟滷水豆腐，一碟阿鴻炒飯，另加是日老火湯猴頭菇豬骨湯。 老火湯不是行貨，真材實料好飲，即時暖胃。而首先上菜的是醉香鴨舌，一試酒味剛好，鴨舌爽脆而入味。之後起菜相當快，經理捧來勁大碟的半隻滷水鵝，身為主角果然不負期望，單是賣相已十分吸引，調制的滷水汁芳香，鵝肉真的很滑無得彈。滷水豬大腸肥美，處理得很乾淨沒任何腥味，滷水汁功不可沒，但稍為煮得太腍沒有嚼勁。比起其他菜式，滷水鵝掌就比較一般。值得一提，原來大部分小菜已伴有滷水豆腐，點菜時大家未有留意，而侍應亦未加提醒，因此額外又點了一碟的滷水豆腐，幸好當晚公公同婆婆一起晚飯，佢地就甚愛這道皮香內滑沒的滷水豆腐。而阿鴻炒飯有菜粒，蝦乾仔，鵝肉等豐富香口，令本來已捧腹的我，亦一再添飯。最後真的太飽，要打包滷水鵝肉先得。服務不錯，侍應有一直留意食客需要，並頻